मराठी, पुणेरी, पुस्तकवाला: एक डेडली काँबिनेशन!

तुम्ही नशिबवान आहात्...त्या मालकाने तुम्ही निवडलेली पुस्तके " ह्या..हे काय वाचताय? " म्हणोन परत शेल्फात ठेवली नाहीत...

म्हणजे आपल्याकडे अक्षरशः 'मर रे कष्ट्मरा' अशी अवस्था आहे. पण अशा 'मागा/सांगा आणि मग दाखवा' प्रकारात असलेच (बहुतांशी) अनुभव येतात. मग ते दुकान पुस्तकांचे असो किंवा कपड्यांचे. जिथे 'सेल्फ सर्विस' असते (मॅजेस्टिक, पाथफाईंडर वगैरे) तिथेच जायला हवे. ठाण्याचे मॅजेस्टिक मस्त आहे, तिथे मी अर्धी पुस्तके (अर्धी किंवा क्वचित पूर्ण) वाचून मग इतरच खरेदी करतो. विविध कारणांनी भरणारी पुस्तक प्रदर्शने हीच पुस्तक खरेदीसाठी सर्वात योग्य जागा असे माझे अनुभवांती मत झाले आहे.

राजेशराव, जरा त्या दुकानाचं नांव व्यनि करा... म्हणजे टाळायला बरं!!! :) त्या मालकाने तुम्ही निवडलेली पुस्तके " ह्या..हे काय वाचताय? " म्हणोन परत शेल्फात ठेवली ... हा, हा, हा!! लई भारी!!! अहो अनिताताई, तुमच्यावर वाईट संस्कार होऊ नयेत म्हणून त्याना काळजी वाटली असेल हो!!! =))

माझा अगदी उलटा अनुभव आहे, ६ महिन्यांपूर्वीच मी अप्पा बळवंत चौक, डेक्क्न, बालगंधर्व ( समकालीन प्रकाशनाचा स्टॉल होता तिथे ) इथून बरीच पुस्तकं खरेदी केली. पहिल्या भेटीत एकही पुस्तक नाही मिळालं, पण सगळ्या विक्रत्यांनी फोनवर २-३ दिवसांत माहिती देउ असं सांगून प्रत्यक्षात फोन केलेही, पुस्तकं मिळाली...२ दुकानदारांनी मुंबईहून ही मागावून दिली. सुखद धक्का होता. पुष्करिणी

ललित पुस्तकांसाठी अप्पा बळवंत चौक? टेक्स्टबुकांव्यतिरिक्त इतर काहीही घ्यायला मी तरी तिथे फिरकलो नसतो बुवा! डेक्कनवरची 'पॉप्युलर' वगैरे मंडळी बंद पडली काय? - पंडित गागाभट्ट.

मुंबईच्या एका 'आदर्श' दुकानाचाही फारसा चांगला अनुभव नाही. बहुतेक हव्या असणार्‍या पुस्तकांना 'माहीत नाही, पुढच्या आठवड्यात चेक करा' असं उत्तर मिळाल्यावर मुश्किलीने काऊंटरच्या आत येऊन पुस्तकं पाहण्याची अनुमती मिळाली. जेमतेम पाच-दहा मिनिटं झाली नसतील, तितक्यात दुसरा एक सेल्समन 'तुम्हांला पुस्तकं विकत घ्यायचीत का?' हा प्रश्न शक्य तितक्या उर्मटपणे विचारून गेला :). त्यापेक्षा मॅजेस्टिकचा अनुभव फारच चांगला. पुण्यातल्या 'रसिक साहित्य' कडून काही पुस्तकं ऑनलाईन मागवली, तिथेही अतिशय चांगला अनुभव आला.

नंदन
मराठी साहित्यविषयक अनुदिनी

माझ्या बाबांनाही वाईट अनुभव आला. दुकानाचे नाव महित नाही. 'हे पुस्तक नाही', 'ते पुस्तक नाही' असे सांगितले. नंतर दुकानाच्या बाहेर तो सेल्स्मन आला व अमूक एक ठिकाणी १५% डिस्काऊंट व ही सगळी पुस्तके देतो म्हणाला. नोकर ग्राहकांना आणि मालकालाही शेंडी लावत होता. नंतर डेक्कन वर इंटरनॅशनल बुक स्टॉलमध्ये ही सगळी पुस्तके मिळाली. सर्व्हीसही चांगली होती. आम्ही एवढ्यात प्रदर्शनातून पुस्तके घेतली. चांगली मिळाली. आजकाल ग्राहक भरपूर आणि हवा तेवढा दाम मोजणारे आहेत. सगळ्या गोष्टी महाग झाल्याचे जाणवते. ता. क. इंटरनॅशनल चे मालक श्री. दिक्षित आहेत. दुकान ८० वर्षे (नक्की माहीत नाही पण बरेच जुने)जुने आहे. पु. ल. देशपांडे यांनी त्यांच्यावर इंटरनॅशन दिक्षित असा लेख लिहिला होत. असे रंगा म्हणतोय. रेवती

गेल्या फेब्रुवारीत अ.ब. चौकातले "रसिक" आणि डेक्कन मधले "इंटरनॅशनल" या पुस्तकविक्रेत्यांचा चांगला अनुभव आला. "इंटरनॅशनल"मध्ये मा-मॅने नव्हती ती पुस्तके घरपोच आणली, उशीर झाला ती पुस्तके पोस्टाने पाठवली. वाटले होते, ग्राहकसेवा-संस्कृतीच सुधारली. तुमचा वाईट अनुभव वाचून "वाईट ग्राहकसेवा" रकान्यात आणखी एक फुली टाकावी लागणार.

पुणेरी दुकानदाराची प्रतिमा वाईट का आहे?' आता आपण नवीन धागा काढून पुण्याव्यतिरिक्त सगळीकडे असलेली दुकाने जेथे चांगली सेवा मिळते त्याबद्दल लिहा. आणि पुण्याचं नाव दुकानदारांनी फार वर्षे वाईट करू ठेवले असेल तर तुम्ही तिथे जायची चूक कश्याला केलीत? पुणेकरांना नावे ठेवणे यात काही नवीन राहिले नाही. पुण्याचा दुकानदार फिका पडेल अश्या भारतीय दुकानदाराला मी दर अठवड्याला ग्रोसरी आणायला गेले कि पाहते. सारख्या सारख्या तक्रारी नाही करू माणसाने! रेवती

पत्रीकेतले ग्रह किंवा सरासरीचा खेळ (काहींना चांगला तर काहींना उलट अनुभव) इ. इ. इ. कारणे पटत नसतील तर... वरच्या उदाहरणात जेव्हा तो सेल्समन आला तेव्हा चांगला/बरा अनुभव यायला सुरवात झाली. इतके तर स्पष्ट व्हावे. आता त्याने १० % डिस्काउंट दिले अमुकने १५% व न पटणारी कारणे .. पण अमुकने १५% म्हणेज याने जास्त किंवा तेवढेच द्यायलाच हवे हे न पटण्यासारखे. त्याची कारणे तुम्हाला पटण्यासारखीच पाहीजे हेही न पटण्यासारखे. तुमच्याकडे पुस्तके न घेण्याचा पर्याय होता. हा भ्रष्ट व भ्रमिष्ट उमेदवार आहे पण मी शेवटी त्यालाच मत देउन आलो. असेच काहीसे वाटले. त्या वयस्क माणसाने तुम्हाला पटेल अशी सेवा दिली नाही. पण त्यामागे इतरही काही कारण असु शकेल. पण हा "पुणेरी, मराठी" उल्लेख स्टिरीओटाइप आहे असेच वाटते. जगभर सेवा दर्जा वाईट आहे असे अनुभव वाचनात, ऐकण्यात येत असतात. अनुभव अत्यंत चांगला पण एखादी गोष्ट महाग पडली असेही लोकांचे अनुभव ऐकून कधी कधी लक्षात येते. असो जर तो सेल्समन दुकानात तुम्ही गेल्या गेल्या समोर असता तर हा लेख आला असता का याबद्दल साशंक आहे. एक सांगतो अस्सल पुणेकराला कोणत्या दुकानात कोणाकडे, काय व किती प्रश्न विचारायचे हे बरोबर कळते, बाहेरगावच्यांना ते कळत नसल्याने काहीवेळा प्रश्नातुन प्रश्न उभे रहातात. तुमच्यावर बेतलेल्या ह्या कठीण प्रसंगातुन तुम्ही सुखरुप बाहेर पडाल असा विश्वास आहे. ही कडवट आठवण लवकर विस्मरणात जावो. (कधी कधी जाज्वल्य अभिमानी ) सहज

गेल्या वर्षी 'सकाळ' मध्ये उत्कर्ष पुस्तकालयावरुन असाच वाद झाला होता. हा प्रश्न फक्त पुणेरी पुस्तकविक्रेत्यांचा आहे, असे वाटत नाही. योग्य दाम घेऊन व्यावसायिक (प्रोफेशनल या अर्थी) सेवा द्यावी हा विचारच मनात न येणे हे यामागचे मूळ असावे. माझ्या विद्यार्थ्यांना मी घसा फुटेपर्यंत 'कस्टमर फोकस' यावर पोटतिडिकेने सांगत असतो. त्यांचे मख्ख चेहरे हे उद्याचे पालथे घडे आहेत असे वाटू लागले आहे. सन्जोप राव होगा कोई ऐसा कि जो 'गालिब' को न जाने शायर तो वो अच्छा है के बदनाम बहुत है

पुस्तक खरेदीचा दै. सकाळ मुक्तपीठ मधील एक अनुभव वाचा प्रकाश घाटपांडे आमच्या जालनिशीत जरुर डोकवा.

पुण्यातल्या अप्पा बळवंत चौकातल्या रसिक आणि उज्वल प्रकाशनाचे अनुभव खूपच चांगले आहेत. रसिक आणि उज्वलमध्ये बरीच ललितंवाली, कथा, कादंबर्‍या व इतर पुस्तके मिळतात. पुस्तक नसलं तर तुमचा नंबर घेऊन ही मंडळी तुम्हाला फोन करुन पुस्तक आल्यावर सांगतात. मला तरी ह्या दुकानांत कधीच वाईट अनुभव आले नाहीत. रसिकची मेंबरशिप घेतलीत तर पुस्तक खरेदीवर २०% सूट असते. उज्वलवाले सूट देत नाहीत. अप्पा बळवंत चौकातील पुस्तकांच्या इतर दुकानांमधूनही मी फिरले आहे, पण असा अनुभव मला कधीच आलेला नाही.