माझ्याबद्दल थोडं. मी साहित्यिक नाही सराईत साहित्यिक तर नाहीच नाही. माझा “कृष्ण उवाच” नावाने ब्लॉग आहे तो shrikrishnasamantwordpress.com ह्या url वर पण मिळू शकतो मी गेली 17 वर्षे माझा ब्लॉगवर लिहीत आलो आहे January 2007 पासून. लिहित आहे. मला मराठी लिहिता येतं तसंच मला थोडं फार शुद्धलेखन कळतं आणि मी माझे विचार मांडायला उत्सुक असतो. मी माझ्या ब्लॉगवर झालेली टीका स्पोर्टिंगली घेतो. टीकेचे स्वागत करतो. गेली 30 वर्ष मी अमेरिकेत स्थायिक आहे मी अमेरिकन सिटीझन पण आहे.मी Californiaत राहतो. मला माझा देश भारत याच्याबद्दल खूप अभिमान आहे तसंच मी शिवाजी महाराज यांना माझं दैवत समजतो. मला माझ्या भारतातल्या सर्व लोकांबद्दल मनापासून आदर आहे.मी माझ्या भारतीयांवर कधी टिका केली तर ती आदरयुक्त प्रेमाची टिका असं समजावं.शक्यतो मी टिका टाळतो.पण मी अमेरिकेत राहून टिका करतो त्याचा अर्थ मी स्वतःला अतिशहाणा समजतो असा कृपया गैरसमज करून घेऊ नये ही विनंती. (तसा पूर्वी गैरसमज सभासदांकडून घेतला गेला असल्याने असं लिहित आहे एव्हढंच) माझं वय सध्या 90 संपून 91 चालू आहे. मला लेखन करायला खूप आवडतं. मी मिसळपाव.कॉमवर कित्येक वर्ष लिहीत आलो आहे. जवळ जवळ 300 वर यापूर्वी मिसळपाववर पोस्ट लिहिलेले आहेत. मध्यंतरी वैयक्तिक कारणामुळे मला कंटिन्यू करता आलं नाही. मी माझ्या “कृष्ण उवाच” या ब्लॉगवर जवळजवळ चौदाशे पोस्ट (एक हजार चारशे) अद्याप पर्यंत लिहिले आहेत. लेख, कविता, अनुवाद केलेल्या कविता, चर्चा, आदरांजली, वगैरे विषयावर हे लेख लिहिले आहेत. तात्या म्हणून एक होते किंवा अजून असतील त्यांची माझी ओळख होती. नीलकांतसरांवर माझा मिसळपाव संबंधाने टेक्निकल कारणास्तव बराच संपर्क यायचा ते पण माझ्या संपर्कात असायचे. मला मनोमनी असं वाटलं की अलीकडच्या नवीन सभासदांना माझ्याबद्दल थोडी माहिती असावी म्हणून हा प्रपंच केला आहे आभार.