पालक चकली (फोटो-विडिओ सोबत)

मी_देव's picture
मी_देव in पाककृती
25 Oct 2020 - 2:58 pm

काही दिवसापूर्वी माझ्या सौच्या पणजीआजीने दिलेल्या कृतीने हि चकली करून पहिली. मुलाला खूप आवडली. या वेळी पुन्हा करताना व्हिडीओ केला.
इकडे भाजणी सहसा मिळत नाही म्हणून यावेळी पीठं आणि मसाला भाजून पीठ तयार केलं. छान झाली.

जिन्नस:

  • पालक - ८-१० पानं
  • तांदूळ पीठ - २ कप
  • बेसन - पाव कप
  • उडीद डाळ पीठ - पाव कप
  • मूग डाळ पीठ - पाव कप
  • मैदा - १ कप
  • दालचिनी - १-२ काड्या
  • काळी मिरी - १/२ टीस्पून
  • जिरं - १ टीस्पून
  • धणे - १/२ टेबलस्पून
  • हिंग - पाव टीस्पून
  • ओवा - १ टीस्पून
  • तीळ - १ टेबलस्पून
  • दही - २ टेबलस्पून
  • तूप - ३ टेबलस्पून
  • चवीनुसार मीठ
  • तळण्यासाठी तेल

पाककृती:
पालकाची पानं स्वच्छ धुवून कोरडी करून घ्या.
एका पॅनमध्ये तांदूळ पीठ २ मिनिटं मंद आचेवर परतून एखाद्या ताटात/परातीत काढा.
पॅनमध्ये बेसन, उडीद डाळ पीठ, मूग डाळ पीठ एकत्रित ४ ते ५ मिनिटं मंद आचेवर परता आणि तांदूळ पिठात एकत्र करून थंड होऊ द्या.
पीठं पूर्ण थंड झाली की त्यात मैदा घालून छान एकत्र करून घ्या.
पॅनमध्ये दालचिनी, मिरी, जिरं आणि धणे २ ते ३ मिनिटं मंद आचेवर भाजून घ्या आणि पूर्ण थंड झाला की ग्राइंडर मध्ये घालून बारीक वाटून घ्या.
वाटलेला १ टेबलस्पून मसाला, हिंग, तिखट, पिठीसाखर, ओवा, तीळ आणि मीठ पिठात घालून, एकत्र करा. (मी इथे मसाला मिक्सरला वाटला जावा म्हणून थोडा जास्त केलाय. उरलेला मसाला इतर भाजी/आमटीत वापरता येऊ शकतो)
एखाद्या पळीमध्ये तुपाचा मोहन करून पिठात घाला आणि मिश्रण एकत्र करा.
पालक बारीक चिरून पीठात घाला.
पीठात दही घालून पीठ कालवा.
थोडे थोडे पाणी घालून पीठ मळून थोडा वेळ ठेवून द्या.
चकली पात्रात पीठ घालण्या आधी पीठाला तेलाचा हात लावून पीठ मळा.
चकली पात्रात पीठ घालून चकल्या पाडा आणि गरम तेलात गोल्डन ब्राऊन टाळून काढा.

प्रतिक्रिया

कंजूस's picture

25 Oct 2020 - 4:43 pm | कंजूस

छान जमली चकली.

मी_देव's picture

26 Oct 2020 - 7:13 am | मी_देव

धन्यवाद कंजूस!

तुषार काळभोर's picture

25 Oct 2020 - 5:11 pm | तुषार काळभोर

व्हिडिओ आवडला.. एकदम मस्त!

मी_देव's picture

26 Oct 2020 - 7:13 am | मी_देव

खुप धन्यवाद, पैलवान!

निनाद's picture

26 Oct 2020 - 7:32 am | निनाद

केलेली छान चकली! अगदी भाजणीसुद्धा!! मस्त

मी_देव's picture

26 Oct 2020 - 1:36 pm | मी_देव

धन्यवाद निनाद!

Bhakti's picture

26 Oct 2020 - 9:40 am | Bhakti

एकदम मस्त!

मी_देव's picture

26 Oct 2020 - 1:36 pm | मी_देव

धन्यवाद भक्ती!

गोंधळी's picture

26 Oct 2020 - 11:23 am | गोंधळी

दिवाळीच्या फराळामधला चकली हा पदार्थ जास्त आवडतो. व्हिडिओ ही भारी आहे.

मी_देव's picture

26 Oct 2020 - 1:38 pm | मी_देव

हो हो.. माझा सुद्धा.. आमच्याकडे सर्रास केला जाणारा स्नॅक.. खूप आभार!

नि३सोलपुरकर's picture

26 Oct 2020 - 1:58 pm | नि३सोलपुरकर

रेसिपी आणी व्हिडिओ आवडला.
मस्त एकदम

जुइ's picture

26 Oct 2020 - 7:21 pm | जुइ

छान झाली आहे चकली!

जबरदस्त रेसिपी न व्हिडिओ तर फारच छान शूट केलाय कुठल software waprly?

मी_देव's picture

28 Oct 2020 - 5:56 pm | मी_देव

धन्यवाद पियुशा.. iMoive वापरलंय..

अनिंद्य's picture

27 Oct 2020 - 7:10 pm | अनिंद्य

टेस्ट भी हेल्थ भी’ चकली रेसिपी आवडली. अगदी from the scratch म्हणतात तशी.

व्हिडिओ तर फारच उत्तम !

मदनबाण's picture

27 Oct 2020 - 9:08 pm | मदनबाण

पौष्टिक पाकॄ आणि सुंदर व्हिडियो...

मदनबाण.....
आजची स्वाक्षरी :- India, US to sign landmark defence pact to share high-end military technology, logistics today

मी_देव's picture

28 Oct 2020 - 9:44 am | मी_देव

सर्वांना मनापासून धन्यवाद.. खूप मेहनत होती, ती अशा प्रतिक्रिया वाचल्या कि फळाला आली वाटतं.. :)

सौ मृदुला धनंजय शिंदे's picture

31 Oct 2020 - 10:26 pm | सौ मृदुला धनंजय...

रेसिपी आणि व्हिडिओ एकदम मस्त

स्वाती दिनेश's picture

1 Nov 2020 - 10:51 pm | स्वाती दिनेश

चकल्या मस्त आणि चित्रफित खूपच छान..
मी वेगळ्या पध्दतीने चकल्या करते , आता ह्या दिवाळीला अशा प्रकारे करून पाहिन.
स्वाती