आता आता दादा होते
कसे मग काका झाले
तरुणाच्या यादी मध्ये
बघा किती मागे गेले
दिसते आहे टक्कल
पांढर्या झाल्या मिश्या
हळू हळू मोठ्या होती
कश्या प्रौढत्वाच्या रेषा
शत्रूवर येऊ नये
तो प्रसंग येतो असा
तिशीची बाई म्हणते
काका जागा आहे बसा
पटापट हातातून
आयुष्य जात पळून
पन्नाशीचा टप्पा आला
मागं पहावं वळून
काय काय राहिलंय
केली पाहिजे यादी
काय माहित कधी
धरावी लागेल गादी
तू लक्ष नाही द्यायचे
कुरबुर केली कुणी
ऐकत बसावं मस्त
आवडती गाणी जुनी
कारणाशिवाय एक
टाकून द्यावी रजा
पोरा सोबत आपल्या
खूप करावी मजा
खर आहे घरासाठी
तर झिझल पाहिजे
एकदा सरीत पण
चिंब भिजलं पाहिजे
राहिलं असेल बघ
ते डोंगरावर जाणं
जुने छंद आठवून
शिक चित्र किंवा गाणं
प्रेमाला वय नसतं
दे बायकोला गजरा
व्हायचं रसिक कधी
चुकवून त्या नजरा
भरून घेतल आहे
आता थोडं फार वाट
मदतीचा हात थोडा
ज्यांना दु:ख आहे दाट
बाहेर बाहेर झालं
तू आत पहा वाकून
उलगडून बघ ते
जे ठेवलस झाकून
प्रतिक्रिया
8 Jun 2020 - 11:54 am | सस्नेह
आवडली कविता !
...हे खासच !
8 Jun 2020 - 11:56 am | विटेकर
कविता आवडली !
8 Jun 2020 - 2:51 pm | मूकवाचक
+१
8 Jun 2020 - 12:30 pm | चौथा कोनाडा
मस्त, आवडली कविता !
आजकाल रोमॅन्टिसिझम फक्त गजर्यावर कुठं भागतं ?
हॉटेलींग, गिफ्टस वै बराच खर्च करावा लागतो ! :-)
8 Jun 2020 - 12:41 pm | प्रा.डॉ.दिलीप बिरुटे
लै भारी ! चांगलं लिहिलंय. साठीची गझल आठवली.
''शत्रूवर येऊ नये
तो प्रसंग येतो असा
तिशीची बाई म्हणते
काका जागा आहे बसा''
बाकी वयाचं काय वाटत नै हो, पण जेव्हा सुंदर महिला माझ्या सारख्या देखण्या तरुणाला 'काका' म्हणतात तेव्हा वाईट वाटतं. मी पण 'काकू' म्हणून हिशेब पूर्ण करून टाकतो. ;)
-दिलीप बिरुटे
8 Jun 2020 - 12:52 pm | ज्ञानोबाचे पैजार
समोरचीचा काकु म्हटल्याने आपले फ्रस्ट्रेशनच दिसते.
त्यापेक्षा "अग छकुले? किती गोड मुलगी आहे ती? कोणाची आहे बाळ माझी?" असे बोलत बोलत एखादा गालगुच्चा घेउन टाकायचा
हाकानाका
पैजारबुवा,
8 Jun 2020 - 12:55 pm | चौथा कोनाडा
हा .... हा ..... हा .... हा ..... हा .... हा ..... हा .... हा .....
8 Jun 2020 - 1:04 pm | प्रा.डॉ.दिलीप बिरुटे
बाप रे....! गालगुच्चा आणि काकुचा.... नाय, नो, नेव्हर.
शाब्बास...घाला तुम्ही आम्हाला जेलात. :(
-दिलीप बिरुटे
(सभ्य मिपाकर )
8 Jun 2020 - 1:05 pm | प्रशांत
गुपचुप यांच्या वाड्याजवळील स्नॅक सेंटरवरचा किस्सा सांगा हो
8 Jun 2020 - 1:12 pm | प्रा.डॉ.दिलीप बिरुटे
प्रशांतसेठ, वल्ली आणि मी गुपचुप वाड्याजवळी स्नॅक्स सेंटरला गेलो होतो.
उपवासाच्या मिसळ आम्ही मागितल्या होत्या. मस्तय तेथील मिसळ.
आमच्या गप्पा चालूच होत्या की तिथे एक तरुणींचा घोळका आला त्यातल्या थोड्या पोक्त बाईने वल्लीला काका थोडं तिकडे सरका म्हटल्याचे आठवले.
प्रशांतसेठ आणि मी हसुन हसुन जमीनीवर लोळायचे बाकी होतो. =))
-दिलीप बिरुटे
8 Jun 2020 - 2:27 pm | प्रसाद गोडबोले
ओ काका =))))
8 Jun 2020 - 8:14 pm | सतिश गावडे
चित्रपट पाहण्यासारखा आहे. शेवट तर अगदी अनपेक्षित असा आहे.
8 Jun 2020 - 2:29 pm | गणेशा
:-)) :-)):-))
8 Jun 2020 - 2:45 pm | चांदणे संदीप
हा..हा... मस्त वाटेल म्हणायला. ओ वल्लीकाका! ;)
सं - दी - प
8 Jun 2020 - 2:29 pm | गणेशा
अप्रतिम...
9 Jun 2020 - 4:17 pm | मनोज
सर्व काकांचे मनःपूर्वक धन्यवाद !!
10 Jun 2020 - 11:27 am | पाषाणभेद
हा हा हा मस्त!