खाण्यासाठी जन्म आपुला १ : साई दावणगिरी डोसा

महासंग्राम's picture
महासंग्राम in पाककृती
17 May 2019 - 4:52 pm

पुणे जसं जसं वाढत चाललं आहे तसं तसं खाण्याच्या बाबतीत हि ग्लोबल होत जाते आहे. आधी इडली डोसा सारखे दाक्षिणात्य पदार्थ म्हंटल की लोकांच्या तोंडी रुपाली-वैशाली-वाडेश्वर हि नाव यायची, आता अपसाऊथ, सांबार, अण्णाज इडली वगैरे साऊथ इंडियन पदार्थ खाऊ घालण्याच्या नावाखाली चकचकीत रेस्टॉरंट आली. पण या सर्वात एक कमी होती ती म्हणजे या पैकी एकही जण धड चवीचा 'लोणी स्पंज डोसा' देऊ शकत नव्हतं. फक्त या ठिकाणीच नाही तर पुण्यात इतरही ठिकाणी हातगाडीवर सुद्धा लोणी स्पंज च्या नावाने कोरडे ठक्क छोटे छोटे डोसे देतात, ज्यात ना धड लोणी लावलं असतं ना भाजीत मिठ.
त्यामुळे खरा लोणी स्पंज डोसा खायला आता कोल्हापूरात नाहीतर दावणगिरी ला जावं लागतं की काय अशी परिस्थिती होती. पण सुदैवाने बालगंधर्व च्या बाजूला असणाऱ्या जोशी वडेवाल्यांच्या गल्लीत 'साई दावणगिरी डोसा' सेंटर ने तशी वेळ येवू दिली नाही. लोणी स्पंज डोसा कसा असावा हे जर खरचं टेस्ट करायचं असेल तर इथे भेट द्यायलाच हवी. आपल्या डोळ्यांसमोर तयार होणारा लुसलुशीत डोसा, त्यावर हयगय न करता टाकलेलं लोणी, सोबतीला चविष्ट अशी बटाटा भाजी, ओल्या नारळाची आणि लाल चटणी. आहाहा ! तिन डोस्यात हमखास पोट भरणार म्हणजे भरणारच. यातले तीन डोसे जर पिळले तर 50 ग्रॅम तरी लोणी सहज निघेल. दावणगिरी चा डोसा तर इथली खासियत आहेच पण पुण्यात सहसा न मिळणारी गरमागरम वाफवलेली 'तट्टे इडली' पण एकदम खतरनाक भारी आहे. किंमत म्हणाल तर अगदी खिशाला परवडणारी अशी आहे.

;- खादाडखाऊ मंदार
abc

प्रतिक्रिया

उगा काहितरीच's picture

17 May 2019 - 5:08 pm | उगा काहितरीच

ओके ! नक्की जाऊन ट्राय करेल.
रच्याकने एक गोष्ट सुचवाविशी वाटेल , अश्या कोणत्या जागेबद्दल लिहीत असाल तर झोमाटोची लिंक पण देत जा. मेनू, किंमत, अचूक जागा हे सगळं कळून जाईल.

तुषार काळभोर's picture

17 May 2019 - 10:22 pm | तुषार काळभोर

झोमॅटो नाही सापडली.
गुगल मॅपची आहे. फोटोमध्ये मेनूचा फोटो आहे.

लोणी लावल्यावर चटण्या कशाला?

महासंग्राम's picture

18 May 2019 - 9:16 am | महासंग्राम

काका फक्त डोसा कसा लागेल खायला, चटण्यांमुळे वेगळी टेस्ट येते हे नक्की.

तुषार काळभोर's picture

17 May 2019 - 10:27 pm | तुषार काळभोर

थँक्स

मला आवडणारी एक लोणी डोसा गाडी रविवारपेठेत मिर्झा गालिब रस्त्यावर आहे.

जालिम लोशन's picture

18 May 2019 - 1:04 am | जालिम लोशन

फक्त संध्याकाळीच नाही ना लागत.? ानागनाथ पाराच्या अलिकडल्य चौकात कुमठेकर रोडवर नाना फडणविसांच्या देवळाशेजारी सकाळ 10.30 पर्यंत आणी संध्यांकाळी ५.३० ते ६.३० पर्यंत दडपे पोहे, दहिवडे, मिसळ, एक नंबर . किमंत जास्तीत जास्त ४० रु. हातगाडी आहे.

महासंग्राम's picture

18 May 2019 - 9:18 am | महासंग्राम

@ जालिम लोशन इथले दडपे पोहे खाल्ले आहेत भारी आहेत चवीला

अभ्या..'s picture

18 May 2019 - 9:27 am | अभ्या..

चक्क नाना फडणवीसांचे देऊळ आहे पुण्यात?
दडपे पोहे पाहायलाच हवे चाखून

प्रचेतस's picture

18 May 2019 - 9:39 am | प्रचेतस

नाना फडवणीसांनी बांधलेले असावे.
हे दडपे पोहे मात्र खरंच खायलाच हवेत.

महासंग्राम's picture

18 May 2019 - 9:41 am | महासंग्राम

नानांचे नाही रे नानांनी बांधलेले मंदिर आहे ते पण सध्या फुल रंगरंगोटी करून नूर बिघडवून टाकलाय मंदिराचा, बाजूला त्यांचा वाडा पण होता बहुतेक

जालिम लोशन's picture

18 May 2019 - 10:10 am | जालिम लोशन

—):

अभ्या..'s picture

18 May 2019 - 4:03 pm | अभ्या..

अरेरे,
मंदिर नाहीये व्हय नानाचे,
राजकारण्यांना नवस बोलायला हक्काचे ठिकाण झाले असते.
असो,
वल्ल्यासोबत दडपे पोहे दडपायला एकदा जावेच

महासंग्राम's picture

18 May 2019 - 4:05 pm | महासंग्राम

जावा एकटे एकटे फोन नका करू :(

एकटे कुठे? वल्ल्यासोबत जातोय ना तो! खिक!

महासंग्राम's picture

18 May 2019 - 4:32 pm | महासंग्राम

अर्रर्रर्र वल्ल्यासोबत म्हणजे मला ओले दडपे पोहे वाटले. जल्ला -वल्ला टाईप

अभ्या..'s picture

18 May 2019 - 4:38 pm | अभ्या..

अरे एकटा वल्ल्या म्हनजे कालकेयाची फौज आहे आक्खी. एकटा कुठे असणारे वल्ल्यासोबत?
बाकी तुझा युक्तीवाद पटला कारण आमच्या गावात वली भेळ असा बोर्ड पाह्यलाय. मौलाना, इमाम भेळ नाही का असे विचारावे वाटले पण उगी भौना कशाला दुकवाव्यात मनून गप सुखी भेळ घेतली.

जालिम लोशन's picture

18 May 2019 - 10:07 am | जालिम लोशन

त्यांचे वशंज, अजुन शेजारी plants nursery आणी दुकान चालवतात ःमेणवली प्राॅडक्टस म्हणुन. अजुन एक ज्ञानप्रबोधनीच्या perpendicular समोर सृजन फुडस दुकान आहे. तिथे आलु पराठा, मेथीृ पराठा, थालीपिठ सुदंर मिळते. किमंत ४० ते ६० रु. भुकेच्यावेळी वेटिंग असते.

मन्दार, लेखाबद्दल धन्यवाद.

अश्याच हिडनजेम्स बद्दल अजुन लिहा.

हणमंतअण्णा शंकराप्पा रावळगुंडवाडीकर's picture

15 Jun 2019 - 10:31 pm | हणमंतअण्णा शंकर...

करवीरातल्या दोन लोणी डोश्यांविषयी अजून कोणीच कसं बोललं नाही?
अर्ध्या शिवाजी पुतळ्याजवळचा लोणी डोश्याला लतादीदीप्रमाणे आवर्जून नावडून घेणारे काहीजण नक्कीच असतील. तरीही ज्या प्रमाणात तिथे डोश्यात (म्हशींचं) लोणी रिचवले जाते तितकं त्यानंतर इतरत्र मी कुठंही पाहिलं नाही. (सध्याचं ठाऊक नाही) आशाप्रमाणे राजारामपुरीतल्या जसवंतच्या बाजूचा लोणीडोसा मात्र पोटभरू, चवीला उत्तम आणि खिशाला खूपच परवडणारा होता. आठव्या गल्लीतही एक चांगला डोसेवाला होता.

या साईला भेट द्यायलाच हवी.

आळेफाटा इथे कल्याण रोडला छान लोणी स्पंज डोसा मिळतो.