पशु पक्षांसाठी श्री. किरण पुरंदरे (पक्षीतज्ञ) यांनी केला नैसर्गिक अधिवासात कृत्रिम पाणवठा

गेल्या काही दिवसांपासून मी श्री. किरण पुरंदरे (पक्षीतज्ञ) यांच्याबरोबर पक्षी निरीक्षणासाठी जात आहे. खालील माहिती त्यांनी व्हाट्स अप वरती पाठवलेली आहे, अनेक वर्ष ते पशु पक्षांसाठी तसेच निसर्ग संरक्षण याबद्दल जनजागृती आहेत. सध्या होत असलेल्या हवामान बदलामुळे ऋतुबदल होत आहेत, त्याचा परिणाम पशु पक्षी यांच्या जीवनावर सुद्धा पडत आहे, तीव्र उन्ह्याळ्यात व पाणी टंचाईत, पशु पक्षी यांना पिण्यास पाणी नैसर्गिक अधिवासाप्रमाणे मिळावे यासाठी ते कार्य करीत आहेत. हे कार्य जनजागृतीतून अधिक लोकांपर्यंत ते पोहोचेल व अधिक लोकसहभागातून कार्यास हातभार लागेल, हाच उद्देश आहे. सोबत त्यांनी पाठवलेली पाणवट्याची छायाचित्रे जोडत आहे. (निमगाव घाणा हे गाव अहमदनगर जवळ आहे.) किरण पुरंदरे यांनी पाठवलेली माहिती. (माहिती खूप संक्षिप्त आहे, ते स्वतः जास्त माहिती देऊ शकतील. ९७६५८१८८२५) मित्रांनो बघा आपण सर्वांनी मिळून तयार केलेला पाणवठा किती जणांचा आधार आहे! योग्य आणि सुरक्षित ठिकाणी बांधलेल्या पाणवठ्याला किती महत्त्व आहे. हे फोटो तुमच्या मित्रांना पाठवा. योग्य आणि सुरक्षित ठिकाणी असा आणखी एक तरी पाणवठा आपण तयार करू या. आपल्या संस्थेला ओमप्रकाश खरवडे यांनी प्लास्टिकचं कापड अक्षरशः एक पैसासुद्धा न घेता दिलं आहे. ते अशा कापडाचा व्यवसाय करतात. त्यामुळे सध्या आपल्याकडे ९ चौरस फुटांचा तुकडा आहे. त्याचा उपयोग करून आपण एक छोटा पाणवठा सहज तयार करू शकू. निमगाव घाणा या ठिकाणी बांधलेल्या पाणवठ्यावर तर अक्षरशः दंगा सुरु आहे. मुंगी मकरंद वैद्य या पाणवठ्याच्या निर्मितीच्या वेळी उपस्थित होता. सुधाकर नाईक यांच्या मालकीच्या जागेत अहमदनगर शहराजवळ हा पाणवठा तयार केला आहे. आज निमगाव घाणा येथील निसर्गस्नेही पाणवठ्याचा पहिला वाढदिवस आहे. अक्षरशः शेकडो पशुपक्ष्यांची तहान भागविण्याचं काम या पाणवठ्यानं केलं आहे,करत आहे. सुधीर नाईक यांच्या मालकीच्या जागेत असलेल्या या पाणवठ्याची खूप चांगली काळजी घेतली जात आहे.