पुढच्या 2 महिन्यात ज्या कंपन्या कमीत कमी 5% तरी नक्कीच वर जातील अश्या निदान 5 कंपन्यांची नावे सांगू शकाल का

पुढच्या 2 महिन्यात ज्या कंपन्या कमीत कमी 5% तरी नक्कीच वर जातील अश्या निदान 5 कंपन्यांची नावे सांगू शकाल का! नक्कीच! पण मला इतरांना सल्ले देऊन मनःस्ताप नकोय कारण माझ्याकडे सल्ले देण्याचा परवाना नाही. हा अभ्यास ज्याचा त्याने करणे अपेक्षित आहे.

हा डेटा कोठुन काढला ? कृपया त्या साईटची माहेती देता का?

कृपया हा डेटा कोठुन मिळवला ते सांगता का ?

हे नक्की सांगेन. मार्केटचा सखोल अभ्यास करण्यासाठी खूप टूल्स उपलब्ध आहेत. बरीचशी फुकट पण आहेत. थोडे पैसे टाकायची तयारी असेल तर वेडे-वाकडे विश्लेषण करून देणारी सॉफ्ट्वेअर उपलब्ध आहेत. मी अशी पैसे टाकून ५ तरी वापरली आहेत. त्यात ChartAlert (देशी) आणि Quantshare (परदेशी) ही २ मला सध्या पसंत पडली आहेत. ChartAlert च्या वार्षिक शुल्कात रोजच्या रोज तुम्हाला हवा तो डेटा (EoD, Real time) मिळतो. तो वापरून आपली ट्रेडिंग मॉडेल्स, अल्गोरिदम, strategies बनवता येतात. ChartAlert मध्ये back testing करता येत नाही. पण Quantshare मध्ये ते येते. माझ्या ट्रेडिंग मॉडेल्सनी ३००% पेक्षा जास्त रिटर्न एका वर्षाच्या कालावधीमध्ये दिले आहेत.

कदाचित वाचक असा ग्रह करून घेत आहेत की युयुत्सु दर महिना ८-१० टक्के परतावा "एकूण" गुंतवणूकीवर मिळण्याचा दावा करत आहेत. पण युयुत्सू यांनी एका महिन्यात घेतलेल्या एकूण शेअर पैकी काही शेअर ८-१० परतावा देतात असा दावा केला आहे का ? खरेतर परतावा "एकूण" महिन्यात गुंतवलेली रक्कम आणि त्यावरचा एकूण मिळणारा परतावा असा बघायला हवा. हा एकूण मिळणारा परतावा ८-१० आहे असा वाचकांचा ग्रह आहे. मूळात युयुत्सु यांचा दावा कदाचित हा आहे की जर समजा १० शेअर घेतले तर असे २-३ शेअर असतील जे १०% परतावा देतील. अर्थात काही शेअर मधून एवढा परतावा मिळवणे वेगळे आणि सगळ्याच शेअर मधून एवढा परतावा मिळणे वेगळे.या दोन गोष्टींमुळे हा संभ्रम झालेला आहे. बाकी युयुत्सु यांना सल्ला द्यायचा नसेल तर हरकत नाही. पण त्यांनी शेअर बाजारवर प्राणायामप्रमाणे एक मोठी लेखमाला लिहावी ही विनंती, ज्यामद्दे अगदी शेअर म्हणजे काय , चांगली पुस्तके , यू ट्यूबवरचे चांगले चॅनलल्स इथपासून शेअर अॅनालिसीसच्या पद्धती यासांरखा सगळ्याच वा जास्तीत जास्त मुद्दे अंतर्भूत असतील. यातून आमच्या आणि मिपाकरांच्या माहितीत भरच पडेल.

मित्रांनो, शब्दानुज आणि मिपाचे आणखी एक सदस्य (व्यनिद्वारा) यांनी केलेल्या फर्माईशीने मला मनाला थोड्या गुदगुल्या झाल्या, पण प्रामाणिकपणे सांगतो की मोठी लेखमाला लिहिण्यास मी तितकासा पात्र नाही. कारण मला मला आर्थिकजगताचा सर्वंकष अनुभव नाही. माझ्या स्वत:च्या काही मर्यादा आहेत. तशीच काही बलस्थाने आहेत. मला स्वत:ला अगदी परवापरवा पर्यंत कंपनीचा ताळेबंद समजत नव्हता. आता मी दर्दी झालो आहे, असे नाही. FnO सारखे प्रकार मला अजिबात कळलेले नाहीत, त्यामुळे त्यांच्या वाट्याला मी गेलेलो नाही. मार्जिन ट्रेडींग आणि डे ट्रेडींग हे प्रकार काय आहेत, एव्ह्ढे समजाऊन घेण्यापुरते जुजबी करून बघितले, पण माझ्या एकंदर प्रकृतीला ते मानवणारे नाहीत असे लक्षात आल्यावर परत त्या वाटेला फिरकलो नाही. तसेच मला बॉण्ड मार्केट हा प्रकारही कळलेला नाही. शेअर बाजारात पैसे मिळवता येतात. पण ते शिस्तबद्ध कार्यक्रम असेल तरच मिळवता येतात. अंदाजपंजे किंवा ऐकीव माहितीवर आधारित केलेला व्यवहार आतबट्ट्याचा असतो हे लक्षात ठेवावे. मला हिशेब ठेवायचा अतिशय कंटाळा असल्याने मी बरेच वर्षे म्युच्युअल फंडावर माझ्या गुंतवणुकींसाठी अवलंबून राहीलो. पण ३ वर्षांपूर्वी माझ्या ब्रोकरने P&L स्टेटमेंट द्यायला सुरुवात केली आहे, हे कळल्यामुळे मला एकदम हुरुप आला आणि ट्रेडींग करायला सुरुवात केली. त्यात Edward Thorp या MIT मधल्या प्राध्यापकाचे आत्मचरित्र वाचल्यावर आणखी उत्साह आला. माझी उद्दीष्टे अगदी स्वच्छ आहेत - ० घरबसल्या चार पैसे मिळतात त्यामुळे मन आनंदी राहते ० माझी रिसर्चची हौस भागते ० वेळ चांगला जातो. माझी काही बलस्थाने ० आत्मविश्वास माणसाने कुठुनही आणावा पण तो यशासाठी अत्यंत आवश्यक असतो (मी आय०आय०टी मुंबईचा विज्ञार्थी आहे. त्यामुळे माझ्याकडे बेसिक हुशारी आहे असा आत्मविश्वास (किंवा माज, इगो इ०) माझ्याकडे आहे.). तसेच आपला आत्मविश्वास फाजिल नाही ना हे कळणे पण फार महत्त्वाचे असते. फाजिल आत्मविश्वास ओळखणे तसे फार अवघड नाही. तुम्ही मार्केटमध्ये घेतलेला निर्णय जर एखाद्या अफवेने, बातमीने, इतरांच्या सल्ल्याने डळमळीत होणार असेल किंवा मित्रांनी सांगितले की, "अरे मार्केट कोसळणार आहे", म्हणुन तुम्ही गडबडुन जाणार असाल तर तो आत्मविश्वास खरा नाही. मला स्वत:ला आलेख, पॅटर्न उत्तम कळतात. त्यामुळे एण्ट्री-एक्झिटची रणनीति आखणे सोपे जाते. यासाठी आवश्यक तो अभ्यास आणि प्रयोग सतत चालु असतात. त्यासाठी वेळप्रसंगी पैसे खर्च करायची तयारी मी ठेवली आहे. तुम्हाला seriously हा उद्योग करायचा असेल तर तुम्हीही हे करणे आवश्यक आहे. कोणतीही रणनीति कायम उपयोगी पडेल याची खात्री देता येत नाही. त्यामुळे अनेक कल्पना विकसित कराव्या लागतात. मला त्या सारख्या सुचत असतात. मला स्वत:ला मार्केट कितीही गडगडले तरी झोपेवर किंवा इतर आयुष्यावर कसलाही परिणाम होत नाही. २०१८ च्या क्रॅशमुळे माझा पोर्ट्फोलिओ पण गडगडला आहे. पण तो सावरायची योजना माझ्याकडे असल्याने माझे डोके अत्यंत थंड आहे. माझा आत्मविश्वास मी अत्यंत छोट्या छोट्या व्यवहारांनी वाढवत नेला. ट्रेडींगमध्ये कोणतीही नवीन कल्पना तपासायची असेल तर सुरुवातीला छोटी रक्कम गुंतवूनच मी माझ्या कल्पना विकसित करतो. माझ्या मॉडेलने सुचवलेले स्टॉक जेव्हा बड्या ब्रोकरने सुचवलेले असतात, तेव्हा तो एक दुजोरा असतो आणि डोळे मिटुन मी ते खरेदी करतो. पण बड्या ब्रोकरने दिलेले सल्ले (reccomendations) मी आंधळेपणाने अजिबात वापरत नाही. भारतात आता Trader's Confrences नियमित होऊ लागल्या आहेत. त्यातील अनेक सत्रे तूनळीवर उपलब्ध आहेत. शब्दानुज यांनी एक संभ्रमाचा मुद्दा उपस्थित केला आहे - मार्केटमध्ये सतत लाटा (सायकल्स) येत असतात. एक लाट ओसरायच्या आता नफा बुक करून दुसरी लाट पकडणे एकदा जमले की दर महा १०% परतावा अशक्य नाही. मार्केट गडगडत असले तरी काही स्टॉक चढत असतात. ते शोधुन कोसळत्या मार्केटमध्ये पण पैसे कमावता येतात. जाता जाता - पैसा कमवा पण कर न चुकता भरा.

मी कितीतरी वेळा मिपकरानां अर्थविश्व विभाग सुरु करन्यासाठी विनंती केली होती !!! जिथे आपल्या सारखे एक्सपर्ट मुळे माझ्या सारख्या नवख्या ला मदत होईल . 2018 ला मी मार्केट मध्ये एंट्री केली त्या वेळी माझे सुद्धा 10 % मंथली चे टार्गेट होते पण नवीन असल्यामुळे गटांगळय खाल्ल्या . एक वर्ष झाले पोर्टफोलियो 60 % मायनस मध्येच आहे . कारण एंट्री आणि एग्जिट चुकल्या . वर जाणारे शेयर्स घेत गेलो आणि घेतल्या नंतर लगेच दुसऱ्या दिवसांपासून ते पडायचे मग घाबरून विकायचो . आता तीन महीने झाले हेग 4650 ला घेतला व होल्ड केला तर आज त्याची किंमत 3544 आहे . पक्का वैतगलोय राव !!!!

गेल्या ३-४ वर्षांपासुन मी म्युच्युअल फंडमध्ये जास्त ईंटरेस्ट घेउन गुंतवणुक करतोय. पण २०-२२ टक्के दिसणारा फायदा आता ५-६ टक्क्यावर आलाय. स्मॉल कॅपची तर वाटच लागलीये. मिड कॅप खुपच खाली आलेत. डेट फंड आत्ता कुठे थोडेसे वर आहेत. फॉरेन फंड (बी एन पी, डी एस पी, फ्रँकलिन )तर वर यायचे नावच घेत नाहीत. टेक्नॉलॉजी फंड बरे आहेत पण इन्फ्रा आणि कन्झ्युमर वाले डुबलेत. शेअर्समध्ये आयशर मोटर, टाटा मोटर ( ऑटो सेक्टर) हेग, ग्राफाईट बसले आहेत. सॉफ्टवेअर आणि बँका काही प्रमाणात तग धरुन आहेत पण फारसे आकर्षक नाहीत. थोडक्यात मी धीर धरलाय पण किती दिवस असे चालणार समजत नाहिये.

संपादक मंडळ ला काय प्रॉब्लम आहे तेच कळत नाही , फक्त चर्चा करण्यासाठी अर्थविश्व विभाग सुरु करायला काय हरकत आहे ? जेणेकरून तदन्य मंडळी त्यांचे विचार / अनुभव मांडतील , एखाद्या चांगल्या शेअर बद्दल माहिती समजेल . शेवटी शेयर्स गुंतवणूक मधील फायद्या / तोटया ला जबाबदार गुंतवणूकदार च असतो एवढी अक्कल त्याला असतेच .

आता तीन महीने झाले हेग 4650 ला घेतला व होल्ड केला तर आज त्याची किंमत 3544 आहे . पक्का वैतगलोय राव !!!!

चांगल्या कंपन्यांचे शेअर्स खाली आले तर ती संधी असते हे लक्षात ठेवावे. माझ्या मॉडेल प्रमाणे हेग मधली रॅली संपली असून तो अजुन खाली यायची शक्यता आहे. तसे झाल्यास तो परत खरेदी करावा. नवी रॅली चालु व्हायला अजुन काही महिने तरी वेळ जावा लागेल.

माझी शेअर्स निवडायची पद्धत प्रथम निफ्टीच्या तुलनेत कोणते सेक्टर्स चांगली कामगिरी करत आहेत, हे मी वरचेवर तपासतो. या सेक्टर्स मध्ये लोकांची पसंती कशाला आहे, हे मी शोधतो सर्वात जास्त पसंतीचे २-३ सेक्टर निवडून मग त्या त्या सेक्टर मध्ये चांगली कामगिरी करणारे शेअर्स "बाय" सिग्नल देत आहे का तपासतो. असे शेअर्स मिळाले नाहीत तर त्याच सेक्टर मध्ये बाय देणारे इतर चांगले शेअर कोणते, हे शोधतो अशा चाळणीतून निवडलेले शेअर्स सहसा चांगलेच निघतात आणि डॊळे मिटून घेता येतात.

वरील पद्धतीप्रमाणे निवड करत गेल्यास फेडरल बॅन्क हा शेअर माझे मॉडेल सुचवत आहे. मला या शेअर विषयी फारशी माहिती नाही म्हणून मनी कंट्रोलवर जाऊन तपास केला असता प्रभुदास लिलाधर आणि मोतीलाल ओस्वाल या दोन ब्रोकरनी या शेअरला बाय दिला आहे. चालु भाव ९० आहे आणि १००-११५चे टार्गेट आहे त्यामुळे मी हा सोमवारी डोळे मिटून घेणार! सूचना - सदर उदाहरण केवळ नमुन्यासाठी दिले आहे. हे माझे रेकमेंडेशन नाही. स्वत: अभ्यास केल्या शिवाय कोणताही व्यवहार करू नये

Value research च्या stock advisor बद्दल काय मत आहे ?

Value research च्या stock advisor बद्दल काय मत आहे ?

मी त्यांची फक्त म्यु० फंडांची रॅंकीग वापरली आहेत. Equitymaster च्या शेअर्स शिफारशी वापरून बघितल्या पण फारसे काही हाती लागले नाही. अशा मॉडेल्सची recommendation आणि आपली सायकॉलॉजी यांचे जुळावे लागते नाहीतर फज्जा उडतो. स्वत:च्या अभ्यासाला पर्याय नाही.

अशोक लेलँड बद्दल काय करावे ? १५२ च्या आसपास घेतले होते. १६५ वगैरे गेले तेव्हा चांगलं वाटत होतं पण आता चक्क १०० च्या खाली ! सध्या गडबडून जाऊन विकून नाही टाकलेत. पण काय करावं कळत नाहीये .

एच बी एल पॉवर घसरगुंडी थांबत आली आहे पण निश्चितपणे upward movement अजुन सुरु झाली नाही. L&TFH अजुन थोडा खाली येऊन २-३ महिन्यानी वर जायला सुरुवात होईल असे वाटते. मला असे वाटते की तुम्ही अजुन सहा महिने तिकडे बघु पण नका.

10% महिना हे एखाद्या शेयरसाठी एखादा महिना जमेल पण लॉंग टर्म साठी unrealistic target आहे.

सकाळी बाथरूम मध्ये बसल्या बसल्या ट्वीट करून जगातील सगळे शेअर बाजार माझ्या नावकऱ्या ( ट्रम्प ) ने पाडले आहेत . त्यात आपल्या लोकसभेच्या 2019 मध्ये निवडणुका आहेत त्या मुळे परकीय गुंतवनणुक़दार धस्तावले आहेत . या मुख्य घटना मुळे लॉन्गटर्म वाल्याचें ( मी सुद्धा ) पोर्टफोलियो 40 ते 50 टक्क्यानीं खाली आहेत . क़दाचित इन्वेस्टमेंट इतकी किंमत यायला अजुन आठ दहा महीने लागतील अस वाटातय .

शक्य आहे. पण मिळत नाही.

दहा काय पाच वर्षे सोडाच अगदी तीन वर्षे जरी दरमहा १००० रुपये गुंतवले तरी त्याचा (३६ हजार रुपयाचा) परतावा ३ लाख ६० हजार इतका येतो. तीन वर्षात

सातत्याने

दसपट करून देणारी सोन्याचे अंडे देणारी कोंबडी हि अशक्य गोष्ट आहे. (चुकून एखादे वेळेस अनुमान धपक्याने होणे हा अपवाद आहे. )

दरमहा दहा टक्के परतावा .. हे स्वप्नरंजन आहे. सलग सर्व महिने दहा टक्के परतावा .. तो ही पूर्ण पोर्टफोलिओवर ? म्हणजे समजा मी १ जानेवारी २०१८ ला १ लाख रुपये घेऊन मार्केट मध्ये उतरलो .. जे काय शेअर्स खरेदी विक्री केले ... आणि १ जानेवारी २०१९ ला माझ्याकडे १ कोटी वीस लाख रुपये असतील ? माझा ओपन चॅलेंज आहे .. मी ५०% प्रॉफिट शेअर करायला तयार आहे .. कोणीही अशी गुंतवणूक करून दाखवावीच ... कृपया अशा प्रलोभनांपासून दूर राहा ...

मी खाली १२ टक्के दरमहा चक्रवाढ व्याजाने पैसे कसे मिळवावे आणि कोट्याधीश कसे व्हावे याचे कोष्टक दिले आहे. ते वापरून कुणालाही कोट्याधीश होता येईल पूर्वसूचना--

हे कोष्टक फक्त पुण्यवान माणसांनाच दिसेल

आणि ते पाहण्यासाठी विंडोज ३.१ हि प्रणाली ४८६ संगणकावर वापरावी मी फक्त हि संधी आहे एव्हढेच सांगितले. कोणते ही प्रलोभन दाखवलेले नाही. माझ्याकडे सल्ला मागण्यास येऊ नये. https://www.google.com/search?q=how+to&rlz=1C1CHNY_en-ININ376IN383&oq=how&aqs=chrome.3.69i57j35i39l2j0l3.3752j0j8&sourceid=chrome&ie=UTF-8

https://www.youtube.com/watch?v=RXfeetU2l90

https://money.rediff.com/losers/bse/monthly/groupa वरच्या दुव्यात गेल्या एक महिन्यात १० % नुकसान झालेले A गटातील ४० समभाग आहेत. आणि याच कालावधीत निफ्टी मध्ये ०.२% वृद्धीच झाली आहे. नुसता एक तक्ता दिला कि आपला मुद्दा सिद्ध झाला असे समजणाऱ्यांसाठी.

शुक्रवारी (१८/०१/२०१९ रोजी) ३७५ ला घेतलेला सन फार्मा आज (२२/०१/२०१९ रोजी ) ४१५ पर्यंत आला आहे. विकला तर १०% नक्की मिळतील मी विकणार नाही कारण आत्ता ट्रेंड फोर्मेशन सुरु आहे. कदाचित हा योगायोग असावा. पुढील महिन्यात दुसरा कोणता तरी शेअर आपण चेक करू. वर्षभरात आपल्याला काहीतरी निष्कर्ष पुराव्यानिशी शाबित करता येईलच की....

कोणीही डॉक्टर आपले मेलेले पेशंट आणि (तरीही) आलेले बक्कळ पैसे ह्याची जाहिरात करत नाही हि वस्तुस्थिती मी नम्रपणे लोकांच्या निदर्शनास आणू इच्छितो.

ज्ञानव जबरी टोला हाणलाय डॉक्टरना. यांचे म्हणजे स्वतः दुसर्यावर कितीही चिखलफेक करायची आणि त्याचे शिंतोडे स्वतः वर उडाले कि थयथय करायची.

@ युयुत्सु, अल्पकालीन गुंतवणूक / टेकनिकल अनॅलिसिस मला फारसे समजत नाही पण तुम्ही आकर्षक विचार मांडला आहे. तुमच्या अभ्यासात एशियन पेंट, ब्रिटानिया, लार्सन आणि हिंद झिंक सारखे शेयर असल्यास त्याबद्दल समजून घ्यायला आवडेल.

लोकहो, माझ्या आईवडीलांना (दोघेही आता हयात नाहीत) अत्यंत उत्तम आर्थिकदृष्टी होती. मी अजुनही ब-याच आर्थिक बाबींमध्ये त्यांनी कसा विचार केला असता, याला महत्त्व देतो. ते दोघेही मला म्हणायचे की आपल्यालापेक्षा हूषार माणसे काय विचार करतात, यावर बारीक लक्ष ठेवायचे. हे सांगण्याचे कारण असे की माझ्यापेक्षा निश्चितपणे कैकपटीने हूशार अशी एक व्यक्ती ( आय० आय० टी० मद्रासची गोल्डमेडॅलिस्ट) मला योगायोगाने नेट्वर भेटली (नाव आत्ता आठवत नाही, पण शोधले की सापडेल). हा मनुष्य सगळे सोडून ट्रेडींगमध्ये घुसला. त्याने सेबीची असंख्य सर्टीफिकेशन मिळवलेली आहेत. त्याचा एक सेमीनार व्हिडीओ बघत असताना त्याने केलेले एक विधान मला आश्चर्यचकीत करून गेले. तो म्हणाला, In stock market 100% profit( return?) in a year is very common. हे कॅमेरासमोर बोललेले वाक्य मला गदागदा हलवून गेले. माझ्यापेक्षा हूशार व्यक्ती जेव्हा हे विधान जाहिरपणे करते तेव्हा त्यात तथ्य असले पाहिजे, या आईवडिलांच्या शिकवणुकीनुसार मी त्यावर विचार करायला सुरुवात केली. ही २०१६-१७ची गोष्ट आहे. तेव्हा मी पूर्वी म्हटल्याप्रमाणे नुकतीच ट्रेडींग करायला सुरुवात केली होती. पण तेव्हा मी घेतलेले ट्रेडींग विषयक निर्णय एक-दोन अपवाद वगळत अचूक ठरले, इतकेच नव्हे तर IndiaBulls Ventures मध्ये मी १००%पेक्षा अधिक नफा सुरुवातीलाच मिळाल्याने, हे वास्तव मी बर्‍यापैकी अनुभवले आहे असे म्हणायला हरकत. IndiaBulls Ventures मध्ये अजूनही hold केले असते तर कुठे पोचलो असतो, या कल्पनेने अजुनही गुद्गुल्या होतात. माझे ट्रेडींग मॉडॆल यानंतर सतत evolve होत आहे. मार्केट कसे काम करते, याच्या सतत अभ्यासाने आत्मविश्वास दृढ आहे.

ज्ञानव, यात गमतीचा पण महत्त्वाचा भाग असा आहे की मी विचारलेल्या प्रश्नाला समांतर असा प्रश्न असा आहे - मला एव्हरेस्ट गाठता येईल का? मग दिशाभूल करण्यात हूशार असलेली लोकं सांगतात की - अजिबात शक्य नाही. तुला मरायचे असेल तर एव्हरेस्टवर कशाला जातोस? किती लोक मरतात ते ठाऊक नाही का? किती लोक मोहिम मधेच सोडून देतात, याबाबत कधी कोण कुणाला सांगतं? पण या दीडशहाण्या लोकांना हे कळत नाही, एव्हरेस्ट गाठण्याचे स्वप्न बघणार्‍यांना खच्ची किंवा परावृत्त करण्यापेक्षा वास्तवाची जाणीव करून द्यावी आणि निर्णय त्या व्यक्तीवर सोपवावे आणि एखादी व्यक्ती जिद्दीने प्रयत्न करत असेल तर शक्य तर त्याचे उद्दीष्ट पूर्ण कसे होईल याचे मार्गदर्शन करावे. मग असे लक्षात येते की एव्हरेस्ट गाठु पहाणार्‍या काही व्यक्ती गेला बाजार घरातून बाहेर पडून घराबाहेरची टेकडी सरावाने काबीज करतात, तर काही जण नियमित सिंहगडासारखा किल्ला चढु लागतात. काही ट्रेकींगची आवड जोपासतात. काहींना फक्त एव्हरेस्ट बेस कँपपर्यंत जाणे जमते आणि तेव्हढे समाधान पण खूप असते. सांगायचे तात्पर्य असे की एव्हरेस्ट गाठायचे स्वप्न बघणार्‍यांना अनेक सेकंडरी बेनिफीट मिळु शकतात, हे ज्या दीडशहाण्यांना नाकारायचे असते, त्यांची सावली देखिल मी अंगावर कधी घेत नाही. तुमच्या ग्रुपमध्ये यायला मला आनंदच होईल...

डॉक्टर खर्‍यांशी पूर्ण सहमत. दरमहा १०% परतावा वगैरे दावे दिशाभुल करणारे आहेत. काउंटरप्रोडक्टिव आहेत. वैयक्तिक पातळीवर उतरुन केलेली टीका वाचुन करमणुक झाली. ==== मिपा व्यवस्थापनास, शेअर रेकमेंडेशन असलेले प्रतिसाद उडवुन टाकावेत ही विनंती.