इंद्रधनू
रक्तकेशरी सूर्यदिशा मी समजून घे रे कधी मलाही,
कसा कळेना तुला आवडे मावळतीचा रंग गुलाबी..
अवखळ हसरा झरा होऊनी बागडते मी तुझ्यासभोती,
निळी जांभळी कोसळते मी शोधतोस तू शब्द गुलाबी..
हिरवा नाजूक कोंब प्रीतीचा लपवू बघते सार्यांपासून,
मोहरते मी तुझ्याच 'पाशी', असे छेडसी सूर गुलाबी..
धम्मक पिवळी होऊन येईन, बंध जगाचे तोडून येईन,
अंतर सारे मिटवू जाता होईन मी आरक्त गुलाबी..
मृद्ग़ंधासम हळवे नाते, सांभाळाया तुझ्याच हाती.
सोपवून मी विश्वासाने मिटता डोळे, स्वप्न गुलाबी..
प्रतिक्रिया
6 Nov 2018 - 11:51 am | यशोधरा
सुंदर..
6 Nov 2018 - 6:59 pm | मित्रहो
छान खूप सुंदर.
गुलाबी रंगाच्या दिशेने होणारा प्रवास आवडला.
7 Nov 2018 - 9:27 am | प्राची अश्विनी
यशोधरा, मित्र हो, धन्यवाद.:)
7 Nov 2018 - 10:09 am | नूतन सावंत
सुंदर
7 Nov 2018 - 3:55 pm | टर्मीनेटर
छान कविता.
हि कविता वाचताना स्क्रीन वर इंद्रधनुतले जवळपास सगळेच रंग दृष्टीस पडत होते त्यामुळे जास्त रिलेट करता आली.
7 Nov 2018 - 5:11 pm | सविता००१
मस्त कविता
8 Nov 2018 - 7:26 am | प्राची अश्विनी
_/\_
8 Nov 2018 - 9:55 am | प्रचेतस
सुरेख कविता.
11 Nov 2018 - 1:16 am | मिसळलेला काव्यप्रेमी
क्या बात!!
11 Nov 2018 - 2:24 pm | पद्मावति
सुरेख, खुप आवडली गं कविता.