मन! - २

राघव's picture
राघव in जे न देखे रवी...
16 Aug 2018 - 9:27 pm

मन दु:खाचा तरंग.. मन सुख, अंतरंग..
जसा फणसाचा गर.. कठीणात मऊसर!

मन अप्राप्य सागर.. अंतहीन कुतूहल..
जसा सुगंध अल्लड..शब्द-रूपाच्या पल्याड!

मन अस्तित्व प्रचिती..मन फक्त विसंगती!
जशी रात, न्हायलेली, चांदण-प्रकाशाच्या ज्योती!!

मन शब्दांची आरास..कल्पनांचा सहवास!
जशी सावली सजग..अव्यक्ताचं व्यक्त जग!!

--

मनी मनाचा विचार.. स्वत्व शोध.. निरंकुश!
मन आनंद केवळ.. डुंबण्याचा अवकाश!!

अदभूतकविता

प्रतिक्रिया

चांदणे संदीप's picture

17 Aug 2018 - 12:01 pm | चांदणे संदीप

अदभूत!!

Sandy

विवेकपटाईत's picture

25 Aug 2018 - 8:44 am | विवेकपटाईत

कविता आवडली.

यशोधरा's picture

25 Aug 2018 - 12:44 pm | यशोधरा

सुरेख!