मिसळपाव
असंही प्रेम असतं!!
अशाच एका संध्याकाळी,मन खुप जास्तच उदास झालं होतं....
काय करु? काहीच सुचतं नव्हतं...
उगाच मनात विचार आला, चल स्मशानात जाऊयात....
गेलो मग स्मशानात एकटाच!बसलो एका थडग्याजवळ जाऊन....
थडगे ताजे वाटत होते....मनात कुतूहल जागले....
थडग्यावरचे नाव वाचले...' महनाज़ खान ' '१९८६-२००७'...
म्हणजे माझ्याच वयाची असेल!
कसं ग्रासलं असेल मृत्युने तिला?काय कारण असेल?
आजार? खून? का... का बाळंतपणात दगावली असेल ती?
मनात उगाच प्रश्नांचे काहूर उठले...
तेव्हढ्यात एक मुलगा त्या थडग्यावर फुले ठेवण्यासाठी आला....
मी त्याला विचारले ' तू भाऊ का तिचा?'
तो म्हणाला 'नाही, मी तो, ज्याच्यासाठी तिने आत्महत्या केली!'
मी विचारले ' आत्महत्येचं कारण?'
तो म्हणाला ' मला ब्लड कॅन्सर झालाय! २ आठवडे उरले आहेत फक्त!'
मी चकीत झालो!
विचारले ' मग तिने आत्महत्या का केली? तू जिवंत असतानाही?'
तो म्हणाला ' ती माझ्या स्वागताच्या तयारीसाठी पुढे गेली आहे!'
.......मी निशब्द....
असंही प्रेम असतं!!
- निरज कुलकर्णी.
प्रतिक्रिया
हम्म!
कविता चांगली आहे!
तात्या.
अवांतर -
जळ्ळं, आमची प्रेयसी आम्ही तिच्या आधी कधी जातोय याची वाट पाहात बसेल! :)
पुढं जाऊन आमच्या स्वागताबिगताची तयारी करणं तर दूरच राहिलं! :))
तात्या.
कविता
चांगली आहे.
--
ध्रुव
खूप छान
एकी कडे फोटो वर प्र ति क्रीया तर एकी कडे मरणावर फुले.
म्हणजे?
In reply to खूप छान by अनिला
एकी कडे फोटो वर प्र ति क्रीया तर एकी कडे मरणावर फुले.
हे कळले नाही
--
ध्रुव
निशब्द
खुप सुंदर कविता आहे. मनाला स्पर्श करुन गेली.