जागतिक महिला दिन विशेष कविता: 'अक्षरांचे पंख'

श — श्वेता२४, Sat, 03/07/2026 - 21:12

अक्षरांचे पंख होऊनी परकी मला मी प्रश्न आज विचारते बेहिशेबी जीवनाचा ताळमेळच मांडते का कला साहित्य सारे ठेविले वेशीवरी अन् कुणाची पत्नी होऊन माप हे ओलांडते त्या नळाचे गीत सोबत ताल साधे भाकरी तान्हुल्याचा गोड चेहरा चंद्र म्हणूनी पाहते चांदण्यांचे शब्दमोती विखुरले दारी सडा कल्पना सारूनीही घर लख्ख माझे झाडते सोडुनी मज अन्य सर्वांना इथे प्राधान्य पण मीच मजला उचलूनी मग अग्रस्थानी ठेवते! अक्षरांचे पंख मजला हार का मग मानू मी? घेउनी स्वप्ने आभाळी मुक्त मी झेपावते...!! — श्वेता माईणकर सूर्यवंशी © 2026

431 वाचन

💬 प्रतिसाद (8)

अतिसुंदर.. मोहक

बाजीगर

Sun, 03/08/2026 - 09:50 नवीन

आपली ही अतिसुंदर कविता वाचून इंदिरा संत यांची आठवण झाली. यात तुम्ही सर्व च समावेशले आहे, की कशी एक स्त्री आपले प्रतिभेचे पंख मिटून घरट्यात समर्पित झाली आहे, आपली उडान अर्पण करून. अभिनंदन.

@ बाजीगर

श्वेता२४

Sun, 03/08/2026 - 15:35 नवीन

आपला प्रतिसाद प्रोत्साहन देणारा आहे...मनःपूर्वक धन्यवाद--/\--

↩ प्रतिसाद: बाजीगर

परिस्थितीला भेदून आशावादी आणि

कंजूस

Sun, 03/08/2026 - 11:36 नवीन

परिस्थितीला भेदून आशावादी आणि आनंदी होण्याची कल्पना आवडली. जगात विविध देशांत स्त्रियांना जे स्वातंत्र्य आहे त्यात भारत अगदी वरती आहे. फक्त त्यांनी पाऊल पुढे टाकायचे आहे.