केतकीच्या बनातून
धूसरल्या संध्याकाळी
सळसळत येणाऱ्या
अचपळ नागिणीचा
नागमोडी डौल घ्यावा
काजव्यांनी ओथंबल्या,
झपाटल्या झाडाखाली
अंधाराला अव्हेरून
उजेडाचा कौल घ्यावा
भणाणत्या वाऱ्यावर
वेळूवनी उमटल्या
सात सुरांचा कल्लोळ
रोमरोमी झंकारावा
ऐन भरातल्या रात्री
स्फटिकाच्या तळ्याकाठी
ओंजळीत काठोकाठ
चांदण्याचा सडा घ्यावा
रातव्याची गूढ साद
भवताली कोंदताना
अदृष्टाचा पायरव
एकाएकी थबकावा
उगवतीच्या भांगात
तांबडफुटीचे कुंकू
भरताना आसमंत
किल्बिलत जागा व्हावा
रानभूल सरताना
रातभूल विरताना
हातातून कायमच्या
निसटल्या क्षणांसाठी
जीव थोडा थोडा व्हावा
दिवाळी अंक वर्ष
वाचने
1452
प्रतिक्रिया
8
मिसळपाव
प्रतिक्रिया
सुंदर !! रातवा म्हणजे काय?
सुंदर !!
रातवा म्हणजे काय?
रातवा
In reply to सुंदर !! रातवा म्हणजे काय? by सुक्या
(= Indian Nightjar) एक निशाचर पक्षी आहे. रात्री सक्रिय असतो आणि दिवसा झाडाझुडपांमध्ये लपून राहतो.
हे पक्षी सहसा एकटे राहणे पसंत करतात आणि त्यांच्या आवाजामुळे रात्री ते सहज ओळखता येतात.
धन्यवाद
In reply to रातवा by अनन्त्_यात्री
धन्यवाद
@सुक्या भाउ-रातवा पक्शी
In reply to सुंदर !! रातवा म्हणजे काय? by सुक्या
कवीता आवदली.
धन्यवाद !!
In reply to @सुक्या भाउ-रातवा पक्शी by कर्नलतपस्वी
धन्यवाद !!
कविता आवडली...
शेवट आवडला...
सुंदर आहे कविता ! कुसुमाग्रज यांची एक कविता आठवली
सुंदर कविता आहे.
कुसुमाग्रजांची एक similar कविता आठवली.
कुसुमाग्रजांची
In reply to सुंदर आहे कविता ! कुसुमाग्रज यांची एक कविता आठवली by मारवा
कोणती कविता?