कृष्णविवर

अनन्त्_यात्री's picture
अनन्त्_यात्री in जे न देखे रवी...
5 May 2025 - 3:17 pm

शतसूर्यांची जळती बिंबे
गिळुनी टाकण्या कृष्णविवर हे
स्थळकाळाची अदय शृंखला
तटतट तोडून हिंडत आहे

क्षुधा अपरिमित अंतर्यामी
धगधग पेटून उठली आहे
आदिम स्वाहाकार सूक्त का
पुनश्च अविरत गुंजत आहे?

विज्ञानाचे नियम तोकडे-
विपरित त्यांच्या घडते आहे
भवताला घोटात गिळुनिया
कृष्णविवर हे हिंडत आहे

"विझत्या सूर्यावरती लट्टू
नार नवेली पृथ्वी आहे"
कृष्णविवर संतप्त होऊनी
अथक स्वतःला कोसत आहे

मुक्तकमौजमजा

प्रतिक्रिया

लाल गेंडा's picture

6 May 2025 - 2:17 pm | लाल गेंडा

अतिशय सुन्दर !!
कृष्णविवराचे समर्पक वर्णन . . . .

अनन्त्_यात्री's picture

11 May 2025 - 1:43 pm | अनन्त्_यात्री

__/\__

कॉमी's picture

13 May 2025 - 9:39 am | कॉमी

खुप आवडली.