खेळीया शब्दांचा

क — कर्नलतपस्वी,
कसे स्मरतात शब्द त्यांना नित्य कवीता बांधती त्याच वाटा, त्याच लाटा, तोच चंद्रमा अन् त्याच चांदराती शिशिर तोच ,वसंत तोच,तेच क्षितिज, भुवरी टेकले उगवती अन् मावळती तीच,अंबरात तेच रंग पेरले गुंजारव तोच, तोच मधुप, तीच राधा बावरी तोच कृष्ण सावळा, तरी नित्य वेगळे कवन यावरी ‐------------------------------------------------ भरतीचा रौद्र रूप,परतीचा अंतरंग दावतो कर्कटांनी रेखाटलेला किनारा नित्य नवा भासतो कधी पूर्ण चंद्र,कधी चंद्रकोर कधी लखलखत्या चांदण्या घन तमीचा शुक्र तारा, प्रेरणा कवन बाधंण्या इवल्याशा पावलांनी कृष्ण दुडूदुडू धावतो क्रदंनी सावळ्याच्या सुर बांसूरीचा घावतो शिशिर तोच,तोच वसंत,कालचक्र धावते सृजन,विजन नित्य तरीही, रोज नवे भासते मुक्त छंदी मी असा अन शब्द माझे तोकडे शब्दांच्या खेळीयांचे वेगळेपण घाली मज साकडे.
6368 वाचन
💬 प्रतिसाद (10)

प्रचेतस
Sat, 08/05/2023 - 16:06 नवीन
व्वा...! सुरेख काव्य कर्नलसाहेब.
शिशिर तोच,तोच वसंत,कालचक्र धावते सृजन,विजन नित्य तरीही, रोज नवे भासते
हे खूप आवडले.

चित्रगुप्त
Sat, 08/05/2023 - 16:48 नवीन
'नित्य कविता बांधणारे' कवी त्याच त्याच विषयांवर 'नित्य वेगळे कवन' कसे रचू शकतात, या आदरयुक्त कौतुकात किंचित शालजोडीतीलही दिल्यासारखे वाटले. तेही मस्त.

सागरसाथी
Sat, 08/05/2023 - 19:38 नवीन
मुक्त छंदी मी असा अन शब्द माझे तोकडे शब्दांच्या खेळीयांचे वेगळेपण घाली मज साकडे माझं पण असंच असते.... इवली माझी झोळी आणि शब्द माझे तोकडे, सुगरणीच्या कौशल्याने कोंड्याचा मांडा घडे.

कर्नलतपस्वी
Mon, 08/07/2023 - 08:26 नवीन
शब्दांच्या खेळीयांचे वेगळेपण घाली मज साकडे. पुन्हा वाचताना असंबद्ध आहे असे वाटल्याने खालील बदल केलाय. शब्दांच्या खेळीयांचे वेगळेपण कोड्यात मजला टाकते .

कर्नलतपस्वी
Mon, 08/07/2023 - 10:51 नवीन
शांताबाई शेळके यांचे शब्द. तोच चंद्रमा नभात तीच चैत्रयामिनी एकांती मजसमीप तीच तूहि कामिनी तीच तूहि कामिनी ! सारे जरि ते तसेच धुंदि आज ती कुठे ? मीहि तोच, तीच तूहि, प्रीति आज ती कुठे ? - ग दि मा चें शब्द नवीन आज चंद्रमा नवीन आज यामिनी ..... अनादि चंद्र अंबरी अनादि धुंद यामिनी यौवनात तू नवी मदीय प्रीत-स्वामिनी घर न प्रीतकुंज हा बैस ये सुहासिनी बैस ये सुहासिनी नवीन आज चंद्रमा अद्भुत आहे ना. म्हणून शब्दांचा खेळीया.

चित्रगुप्त
Mon, 08/07/2023 - 14:09 नवीन
आता एकदम आठवत नाहीयेत पण हिंदी चित्रपटातली सुद्धा अशी पुष्कळ गाणी असतील. विषय रोचक आहे. मागे कोणत्यातरी लेखात मी 'दिल' हा शब्द असलेली अनेक गाणी सांगितली होती ते आठवले.

चौथा कोनाडा
Fri, 08/11/2023 - 21:32 नवीन
व्वा, कर्नलसाहेब, सुंदर सुरेख रचना !

&#128150 ;

एक शंका कुणी सोडवू शकतील का ? बदाम स्मायली ही चिन्हे का येत नाहीत ? पुर्वी ते वापरत वापरत मी फॅन झालो होतो !