अद्भुताचे निळे पाणी

Primary tabs

अनन्त्_यात्री's picture
अनन्त्_यात्री in जे न देखे रवी...
31 Dec 2021 - 11:52 am

मराठीच्या अंगणात
अठ्ठेचाळीस स्तंभांचा
स्वर-व्यंजनी महाल
माझ्या माय कवितेचा

नभापार पोचतसे
त्याची बेलाग ही उंची
रेलचेल महालात
जे न देखे रवि त्याची

महालात जाण्यासाठी
जिना जपल्या शब्दांचा
आणि उतरण्या साठी
सोपान हा गहनाचा

चुनेगच्ची सौधावर
नवरस पुष्करणी
पितो मन:पूत तेथे
अद्भुताचे निळे पाणी

परवलीची एकच
खूण इथे चालतसे
एका हृदयीचे दुज्या
सोपवावे लागे पिसे

कवितामुक्तक

प्रतिक्रिया

प्राची अश्विनी's picture

31 Dec 2021 - 11:58 am | प्राची अश्विनी

वाह! कवितेचे शीर्षक वाचूनच ओळखले, तुमची असणार म्हणून.:)

अनन्त्_यात्री's picture

31 Dec 2021 - 2:36 pm | अनन्त्_यात्री

धन्यवाद :)

श्रीगणेशा's picture

31 Dec 2021 - 8:27 pm | श्रीगणेशा

+१ शीर्षक वाचून अंदाज आला होता :-)

मार्कस ऑरेलियस's picture

31 Dec 2021 - 12:12 pm | मार्कस ऑरेलियस

काय राव !

ह्या कवितेचे हे नॅचरल विडंबन आहे ह्या कवितेचे अन तुम्ही म्हणता की दारु हा विषय वापरु नका विटंबनास !

श्या , काय राव , आता काय करायचं !

मार्कस ऑरेलियस's picture

31 Dec 2021 - 12:13 pm | मार्कस ऑरेलियस

काय राव !

ह्या कवितेचे

(ओल्डमॉन्कचे लाल पाणी)

हे नॅचरल विडंबन आहे ह्या कवितेचे अन तुम्ही म्हणता की दारु हा विषय वापरु नका विटंबनास !

श्या , काय राव , आता काय करायचं !

श्रीगणेशा's picture

31 Dec 2021 - 8:28 pm | श्रीगणेशा

परवलीची एकच
खूण इथे चालतसे
एका हृदयीचे दुज्या
सोपवावे लागे पिसे

खूप छान!