सर्व मिपाकरांना विनंती, वारंवार सूचना देऊनही 'चालू घडामोडी' आणि इतरही काही धाग्यांत व्यक्तिगत पातळीवर केली जाणारी टीका दिसून येते. पक्षांचे प्रमुख, पक्ष यांच्यावर केल्या जाणा-या टिकाही संयमित असाव्यात अशी अपेक्षा आहे, नव्या कायद्यांमुळे संकेतस्थळावरील सर्वांचा वावर कायद्यातील नियमाबरोबर, सार्वजनिक संस्थळावरील सभ्यतेचे किमान निकष पाळणारा असावे असे मिपा व्यवस्थापनाचे मत आहे, यापुढे असे आढळून येत राहिल्यास कोणतेही स्पष्टीकरण न देता असे प्रतिसाद, धागे सरसकट अप्रकाशित केल्या जातील किंवा खाते निष्कासित करण्यासारखी कठोर कारवाई केली जाईल याची सर्वांनी नोंद घ्यावी व सहकार्य करावे.

- मिपा व्यवस्थापन


माऊली उत्सव

Primary tabs

कवि मनाचा's picture
कवि मनाचा in जे न देखे रवी...
1 Jul 2016 - 12:14 am

|| माऊली उत्सव ||

विठु तुझ्या नामानं, 'मी'पणं गळलं
बासुरीगत झालं मनं, रितं न् पोकळं
तुझ्या फुंकरेनं केले, स्वर हे मधाळं
भक्तीरस झालं सारं, जीवन सकळं

जगी नश्वरी नाही, इथे माझा राम
देहभान बनले माझे, फक्त तुझा धाम
तुझ्या दर्शनाची असे, आज मला आस
मनमंदिरात माझ्या, फक्त तुझा वास

देवा तुझ्या नामाची, चढलीया धुंदी
कृतार्थाला सेवेची, दे रे एक संधी
मनामधी वाहीला, तुझाच भक्तीझरा
मनं माझं आतुरलेलं, मिळाया सागरा

सोडूनी खेळ पाठी, हा उनसावल्यांचा
चालतो मैलोन् मैल, जयघोष हरीनामाचा
नाचतो मनडोलारा, नाद टाळमृदंगाचा
वाहतो परमानंद डोही, वारकरी पंढरीचा
मन होई रे प्रसन्न, कारणभाव सर्वसिद्धींचा
तुका म्हणे तेथेचि, उत्सव 'माऊली'चा

अभंगभावकविताविठोबाविठ्ठलकविता

प्रतिक्रिया

मार्कस ऑरेलियस's picture

1 Jul 2016 - 1:51 pm | मार्कस ऑरेलियस

राम कृष्ण हरी !!

विअर्ड विक्स's picture

1 Jul 2016 - 3:22 pm | विअर्ड विक्स

विठु तुझ्या नामानं, 'मी'पणं गळलं
बासुरीगत झालं मनं, रितं न् पोकळं

या ओळी जास्ती आवडल्या.