Skip to main content

ऐक माझ्या फुला..

लेखक प्राजु यांनी गुरुवार, 29/04/2010 19:36 या दिवशी प्रकाशित केले.

ऐक माझ्या फ़ुला, तू जरा, तू जरा
गंधल्या अंतरी, दे मला, आसरा

कोवळे रूपडे , नाजुका कोमला
गौर हा वर्ण गं, साजिरा गोजिरा

आसमानीच गं तू परी लाजरी
सावरी, बावरी .. तू कुणी अप्सरा

गोड वाणी तुझी गं मरंदापरी
तू असे मंजुळा की असे शर्करा!

मी अबोली म्हणू, कि म्हणू सायली
तू निशीगंध की तू असे मोगरा!!

ही निळाई तुझ्या लोचनी दाटली
धुंदला रंग हा, लाजवी सागरा

पल्लवाचे तुझ्या मेघ, गाती जणू
छेडती दादरा त्या खुल्या अंबरा

साद तू घातली, चैत्र हुंकारला
ऐक माझ्या फ़ुला, ऐक ना तू जरा

- प्राजु

गालगा, गालगा, गालगा, गालगा

काव्यरस
शृंगार
लेखनविषय:
वाचने 4304
प्रतिक्रिया 14

प्रतिक्रिया

डावखुरा गुरुवार, 29/04/2010 22:27

ताई तुझ्या नवोन्मेशशालिनी प्रतिभेला सलाम!!!

अतिशय सुरेख रचना......अतिशय मनभावन,चपखल,नाजुक......
गंधल्या अंतरी, दे मला, आसरा
------------------------------------------------------------

{गोड वाणी तुझी गं मरंदापरी}प्राजु ईथे मकरंदापरी शब्द आहे का?
------------------------------------------------------------

"निसर्ग संगती सदा घडो,
मंजुळ पक्षीगान कानी पडो,
कलंक प्रदुषणाचा घडो,
वृक्षतोड सर्वथा नावडो...!"
https://lh3.ggpht.com/_v6NwzplyHY8/S9QIEXKNwGI/AAAAAAAAAQg/71viaq8d1Gg/…" width="

डावखुरा बुधवार, 02/06/2010 00:15

बेसनलाडू धन्यवाद माहीती पुरवल्याबद्दल..
----------------------------------------------------------------------

"निसर्ग संगती सदा घडो,
मंजुळ पक्षीगान कानी पडो,
कलंक प्रदुषणाचा घडो,
वृक्षतोड सर्वथा नावडो...!"

मिसळभोक्ता गुरुवार, 29/04/2010 23:01

"रंग माझा तुला, गंध माझा तुला, बोल काहीतरी, बोल माझ्या फुला" ह्या गाण्याच्या चालीत फिट्ट बसते. आणि शब्दही त्या चालीच्या स्वभावाला पूरक आहेत.

-- मिसळभोक्ता
(आमचेकडे सर्व प्रकारच्या आनंदांवर विरजण घालून मिळेल.)

चतुरंग गुरुवार, 29/04/2010 23:09

शब्द कुठल्यातरी गाण्यासारखे आहेत एवढं जाणवत होतं पण नेमकं हे गाणं आठवत नव्हतं! धन्स मिभो!!

कविता छान आहे प्राजू! :)

चतुरंग

मीनल शुक्रवार, 30/04/2010 01:40

खरचं की!

त्या चालीत म्हणून पाहिलं .बसत आहे .
पण त्या गाण्याची कॉपी नाही वाटत आहे .

मीनल.
https://myurmee.blogspot.com/

मेघवेडा शुक्रवार, 30/04/2010 03:39

मला "ही गुलाबी हवा, वेड लावी जिवा" हे गाणं आठवलं!

असो. प्राजुतै, नेहमीप्रमाणेच एक अतिशय सुरेख रचना!! :)

-- मेघवेडा!

भय इथले संपत नाही, मज तुझी आठवण येते
मी संध्याकाळी गातो, तू मला शिकवीली गीते..!

डावखुरा शुक्रवार, 30/04/2010 10:13

कोणी मला "मरंदापरी" चा अर्थ समजवेल का?

"निसर्ग संगती सदा घडो,
मंजुळ पक्षीगान कानी पडो,
कलंक प्रदुषणाचा घडो,
वृक्षतोड सर्वथा नावडो...!"
https://lh3.ggpht.com/_v6NwzplyHY8/S9QIEXKNwGI/AAAAAAAAAQg/71viaq8d1Gg/…" width="