Skip to main content

रसम पुरी

लेखक रमेश आठवले यांनी मंगळवार, 13/08/2019 22:19 या दिवशी प्रकाशित केले.

आपण सर्वजण पाणी पुरी आवडीने खातो. दक्षिण भारतात जेवणात रसम वाढतात, आणि काही हॉटेलात रसम वडा असा प्रकार ही मिळतो. ह्या रसम ची द्रवता पाणी पुरीतल्या पाण्या सारखी असते.
आज माझ्या पत्नीने घरी रसम बनवले होते. एम टी आर चे मद्रास रसम चे पॅकेट वापरले . त्यावर दिलेल्या कृती प्रमाणे हे रसम बनवले. त्याच्यात चिंच आणि गुळाचे पाणी घालायलाही सांगितले आहे. त्यांनी मसूर डाळ वापरायला सांगितले आहे. पण आपण साधे वरण किंवा बेसन वापरून हे रसम बनवु शकतो.पाणी पुरीच्या पुरी मध्ये हे रसम नेहमीच्या पाण्या ऐवजी घालून खाल्ले. हा वेगळा उपक्रम मला आवडला. आपणही अजमावून पहा

वाचने 9629
प्रतिक्रिया 10

प्रतिक्रिया

ज्ञानोबाचे पैजार बुधवार, 14/08/2019 11:18

पाणीपुरीच्या पुरीत अजूनही बरेच पदार्थ घालून खाता येईल. जसेकी गोडं वरण, कटाची आमटी, मिसळीचा कट, तांबडा पांढरा रस्सा इत्यादी.

सणासुदीला पुरीत पियुष, वाडीची (सु)प्रसिश्द बासुंदी, अंगुर मलाई, सुधारस, केळ्याची शिक्रण इत्यादी घालुन खाता येईल.

पाणी पुरीच्या पाण्यात "वृध्द संन्यासी" मिसळावी. आहाहा.. पाणी पुरीखायची वेगळीच मजा येते.

पैजारबुवा,

मदनबाण बुधवार, 14/08/2019 23:05

फोटो कुटं हाय ?

मदनबाण.....

आजची स्वाक्षरी :- ये दुनिया उट पटांगा, किथ हात ते किथ्थे टांगा, रात कुकडी देन्दी बांगा, ऐ दे चकदे फट्टे... :- Khosla Ka Ghosla

तुषार काळभोर गुरुवार, 15/08/2019 14:30

रस्सम हे एक स्वर्गीय पेय आहे.
एक वर्ष मद्रदेशी काढल्याने ऑथेंटिक तामिळ जेवण प्रचंड आवडते. अजूनही जेव्हा जाणं होतं, तेव्हा आवर्जून स्थानिक जेवण करतो.

अवांतर - आंध्र मेस मधलं जेवणसुध्दा छान असतं. मगरपट्टाच्या DC मधलं आंध्रा मेस भारी आहे.

शेखरमोघे गुरुवार, 15/08/2019 22:43

रसम वापरणे हा छान आणि सोपा बदल!

एकदा उपहारगृहातली पाणी पुरी तिखट लागली म्हणून मुलीने आमच्या थाळीतली शेवयाची खीर पाणीपुरीतल्या पुरीत भरून खाल्ली. ती तिला अतिशय आवडल्याने तिने आम्हालाही आग्रहाने त्याच प्रकारे खायला लावली. एकूणच प्रकार मस्त लागला.

जॉनविक्क गुरुवार, 15/08/2019 22:45

अमृताची गोडी म्हणतात ती हीच असा अनुभव येईल. (अमृता कोण हे विचारु नए)

मृणमय मंगळवार, 01/10/2019 11:08

रस्सम चे अनंत प्रकार आहेत, मी चेन्नई ला ५ वर्ष राहिली असल्याने खूप वेगवेगळ्या प्रकारचे रस्सम चाखायला मिळाले.
शुक्रवारी हॉस्टेल मध्ये भजन असायचे आणि त्यानंतर पुरी भाजी आणि पायसम असायचे, अक्ख्या हॉस्टेल मध्ये मी एकटीच रस्सम पुरी आणि पायसम खाणारा नमुना होते.