भक्ष (भयकविता)

अंधारात चालले, चार तरुण मित्र
रस्त्यावर नव्हतं, कुणी काळं कुत्रं.
त्यांना नाही दिसलं, एकजण फसलं

अंधारात चालले, तिन तरुण मित्र
चालले होते मस्तीत,आपल्याच बेफिकर
एकजण नव्हता, त्यांना नव्हती खबर

दोनजण उरले, दोघेही घाबरले
"कोण आहे तिकडे?"
भेदरून ओरडले

अंधारात कोलमडला, एक तरुण मित्र
उरलं नाही भान पुटपुटायचं स्तोत्र
काय होणार आता,त्याने लगेच ताडलं,
चावलं
फाडलं

अंधारात चालले, चार तरुण मित्र,
शोधत होते भक्ष,
आठ लाल नेत्र
--------------------