नगरपालिका निवडणुका २०१६.

नानासाहेब, एकीकडे म्हणता की माझे डोके कोठेच चालत नाही, मला व्यवहारज्ञान नाही आणि दुसरीकडे अनेक विषयांवर धागे काढत असता. असो. बहुतेक स्थानिक स्वराज्य संस्था (महानगरपालिका, नगरपालिका, ग्रामपंचायत, जिल्हा परीषद इ.) काँग्रेस/राष्ट्रवादीच्या ताब्यात आहेत. काही महापालिकांमध्ये शिवसेना सत्तेवर आहे. या सर्व ठिकाणी भाजप हा मुख्य खेळाडू कधीच नव्हता. काही किरकोळ अपवाद वगळता भाजप सर्वच ठिकाणी सुरवातीपासूनच ४ थ्या क्रमांकावर आहे. शहरी भागात असलेल्या २२ महापालिकांमध्ये सुद्धा नागपूर या एकाच महापालिकेत भाजप सत्तेवर आहे. यावेळच्या निवडणुकीतही काही वेगळे घडेल असे वाटत नाही. स्थानिक स्वराज्य संस्थांनी निवडणुकीत दिलेला कौल हा केंद्रातील व महाराष्ट्रातील भाजप सरकारच्या कारभारावर जनतेने दिलेली प्रतिक्रिया आहे असे मानणे चूक ठरेल. अर्थात या निकालानंतर 'जनतेने मतपेटीद्वारे नोटाबंदीच्या निर्णयाला विरोध दर्शविला आहे' असा चुकीचा निष्कर्ष काढण्यात येईलच.

श्रीगुरुजी,भाजप हा सर्वोत्तम पक्ष आहे ना ? मग लोक स्थानिक पातळीवर त्या पक्षाला निवडून का देत नाहीत? तुमचा प्रतिसाद म्हणजे आधीच हार मानल्यासारखे नाही का वाटत?

काय गुरुजी छ्या . सगळं मूड गेला .आधीच बोललात भाजपा हरणार असं. येणारेत जास्त जागा थोड्या मागील वेळेपेक्षा .

मान्य करायला हिम्मत लागते. गुरुजी नि ती दाखवली .. काय आहे सोशल मीडिया मधले ऍक्टिव्ह लोक आणि मतदार लोक हे वेगवेगळ्या देशात राहतात. एक इंडिया वासी आणि एक भारत वासी ... त्या मुळे .. २०१४ मध्ये लोकांनी १ चान्स दिला .. आता परत देतील असे वाटत नाही .. १) तूर डाळ आणि इतर दाली यातील गैरव्यवहार २) टोल ची पूर्ण वसुली होऊन हि सुरु असलेली लूट http://maharashtratimes.indiatimes.com/maharashtra/pune-news/express-way-toll-should-be-stopped-says-sajag-nagarik-manch/articleshow/55642408.cms ३) सात लाख कोटी NPA आणि त्याच्या कडे दुर्लक्ष .. पण कॅशलेस ची जनतेवर होणारी जबरदस्ती .

निवडणुकांवरील धागा आणि त्यावर मी सहभाग घेणार नाही असे फार कधी (किंबहुना कधीच) होत नाही. पण मला नगरपालिका निवडणुकांविषयी फार माहिती नाही कारण तिथे स्थानिक पातळीवर निकाल लागतात. काही ठिकाणी स्थानिक आघाड्या प्रबळ असतात तर अशा कुठल्यातरी स्थानिक आघाडीला उभे करून राज्य आणि देश पातळीवर एकमेकांविरोधात असलेले पक्ष स्थानिक पातळीवर हातमिळवणी करू शकतात.इतकी गुंतागुंत मला माहित नाही. तसेच स्थानिक पातळीवर स्वतःच्या कर्तुत्वावर जिंकून येऊ शकतात. उदाहरणार्थ अगदी १९९७ पर्यंत मुंबई महापालिकेत मार्क्सवादी कम्युनिस्ट पक्षाचे १-२ नगरसेवकही स्वतःच्या स्थानिक लोकप्रियतेवर निवडून येत असत.पण अर्थातच माकपला मुंबईतून विधानसभा किंवा लोकसभेची जागा जिंकणे अशक्यच होते. नगरपालिका निवडणुका म्हणजे तालुक्याच्या ठिकाणच्या निमशहरी भागात होतात. इतक्या ठिकाणची स्थानिक गुंतागुंत मला माहित नाही. त्यामुळे या धाग्यावर माझा पास.

राष्ट्रीय मुद्दयाना स्थानिक स्वराज्य संस्थाच्या निवडणुकांशी जोडणार्या आय. डी. ना माझा सर्वप्रथम शि.सा.न. नगरपालिका आणि नगरपंचायतीत स्थानिक मुद्दे महत्वाचे असतात. मी जिथे राहतो त्या कराडला कुठेही प्रचारात नोट्बंदीचा मुद्दा नव्हता. अगदी कुठल्याही पक्षाने ह्याचा उच्चारही केला नाही. तेव्हा उगाच नरेन्द मोदि अ‍ॅप वैगरे वरचे मुद्दे मुर्खपणाचे आहेत हे नमुद करतो. अर्थात काही ठणठणपाळांकडुन दुसरी अपेक्शाही नाही. कराड्ला प्रचाराने सुदैवाने पातळी सोडली नाही. सातार्यात मात्र पुर्णपणे धुळवड खेळली गेली. पत्यातले राजे म्हणावेत अशा या दोघानी एक्मेकाची सर्व अंडीपिल्ली बाहेर काढली. त्यातुन जे कदाचीत फक्त सातार्याच्या प्रजेला ( जनतेला नाही ) ते सर्व महाराष्टाला समजले. प्रत्येक ठिकाणाचे प्रश्न आणि उमेद्वाराचे कार्य त्याला निवडुण देते. मनसे विषयी नाराजी उभ्या महाराष्ट्रात असताना जुन्नरमधुन त्यांचा आमदार निवडून आलाच की. विधानसभेच्या वेळी मी कितीही मोदी समर्थक असलो तरी मत प्रुथ्वीराज चव्हाणांना दिले होते. कारण कराडसाठी त्यांनी चांगले काम केले. तेव्हा या निवड्णुकावरून राज्य किंवा राष्ट्रीय पातळीवरचे निष्कर्श काढ्णे मला तरी चुकीचे वाट्ते.

मी हि प्रतिक्रिया लिही पर्यंत कराडचे निकाल हातात आले आहेत. जागा :- २९ काँग्रेस :- १६ भा.ज.प. :- ०४ रा. काँ. :- ०६ नगर विकास आघाडी. :- ०३ नगर पालिका प्रुथ्वीराज चव्हाणांकडे. नगराध्यक्षपद भा.ज.प. कडे. पाच वर्षात चोविस तास पाणीपुरवठा , रस्ते आणि मुख्यमंत्र्याकडुन आलेला निधी अडवून धरणार्या भ्रष्तवादिचे तोंड चांगलेच फुटले.

नानासाहेब, एकीकडे म्हणता की माझे डोके कोठेच चालत नाही, मला व्यवहारज्ञान नाही आणि दुसरीकडे अनेक विषयांवर धागे काढत असता.

कळत नाही म्हणूनच असले धागे काढतात ना! तुम्ही पण ना गुरुजी, कोणाशी प्रतिवाद करताय? Why waste your precious time and energy on fools?

बाकी दुर्गविहारी स्थानिक पातळींवरील निवडणूक अश्याच असतात हे सगळ्यांना माहित आहे त्यात काही नवीन नाही हो . कोण कोणाच्या गळ्यात गळे टाकेल सांगता येत नाही. ते गुंतागुंतीचं आहे . त्यामुळे असा कोणी संबंध लावत नाही . पण भाजपा ऐकलं कि आमचे गुरुजी पटकन येतात हे एकदम भारी असतं. अवांतर ._ @ गॅरी हो बरोबर आहे आज पण अलिबाग ची नगरपालिका शेकाप ने राखली अतिअवांतर -तुमचे प्रतिसाद एका बाजूने झुकताना दिसत आहेत सध्या . विशेषकरून इतकी वर्ष तुम्ही लिहिताय तरी यावेळी जरा जास्त वाटत आहे .

भाजप . काल हार मानली होती तुम्ही, मी बोलो होतो कि भाजप ला जास्त जागा मिळणार मागील निवडणुकांपेक्षा . आता ह्यात नगराध्यक्ष पद निवडणूक हा अजून एक मुद्दा आहे. तो नंतर बोलू . बाकी मनसे ला एक पालिका मिळाली आहे वाटतं तिथे पण शिवसेनेचा नगराध्यक्ष ....असो . खरा धक्का मुंडेंना आहे इतके मत नोंदवू इच्छितो .

अरे.. भाजप चक्क नंबर एक.. हे नगरपालिकेचे मतदान नरेंद्र मोदींचे अँप वापरून झाले काय ?

काय हे! कुठे नेऊन ठेवलाय महाराष्ट्र माझा! किती ही (विरोधी पक्षांबाबत्)असहीष्णूता! परत एकदा आक्रोश दिन केला पाहीजे! रच्याकने, आजच्या आक्रोश दिनाचे काय झाले. एनडीटिव्हीचा निषेध! त्यांच्या गृहपानावर आक्रोश दिन कसा यशस्वी झाला याची बातमी दिलेली नाही!

वापी मध्ये ४४ पैकी ४१ जागा भाजपाने जिंकल्या, काकणपूर-कांसद (सुरत) मधे २८ पैकी २७ जागा जिंकल्या. गोंडल तालुका पंचायतीत २२ पैकी १८ जागा जिंकल्या आणि सात पैकी पाच जिल्हा पंचायती भाजप जिंकला आहे...