बाळासाहेबांचा करीश्मा आणि मोदींचा प्रभाव या दोन मुख्य गोष्टींना लक्ष करण्यासाठी हुकुमाचा एक्का वापरण्यात आलेला आहे. मला नाही वाटत की काँग्रेस कसाब ला एका राज्याच्या निवडणुकीसाठी फाशी देइल्,कॉंग्रेस ला मुस्लिम मतांची काळजी असते नेहमी तसे नसते तर त्यांनी अफजल ला कधीचेच फासावर लटकविले असते,ते फक्त चर्चेचा झोत कसाब कडे वळवण्याचा प्रयत्न करताहेत.जेणेकरुन शिवसेनेबद्दल लोकांच्या मनामध्ये जी सहानभुती निर्माण होइल तीला अगोदरच पायबंद घालता येइल. राहीले बाळासाहेब, बाळासाहेबांच्या आणी मोदींच्या करीश्मा कसाकाय झाकोळला जाइल बरे,कसाब ला इतके दिवस बिर्याणी खाउ घातली आहे ते लोक सहजासहजी नाही विसरनार, अफजल गुरुचीही फाशी लटकलेली आहेच ना त्याचे काय?

नुकतीच मटाच्या इ-आवृत्तीत बातमी वाचण्यात आलीय. त्याला आज सकाळी ७.३० वा फासावर लटकवण्यात आले आहे. आज करोडो भारतीयांच्या मनाला खर्‍या अर्थाने शांती मिळेल.

वा वा, यातही राजकारण शोधताय. असं एका रात्रीत ठरतं काय हे? तो मेला, याचा तुम्हाला आनंद नाही झाला काहो?

सहमत . बाकी कसाब लटकला हे उत्तमच अमोल केळकर मला इथे भेटा

झक्कास. बाळासाहेबांची इच्छा पूर्ण झाली म्हणायची.

२०१२ सालातली सर्वांत चांगली बातमी. बाळासाहेब असतानाच हे घडले असते तर अजून छान वाटले असते. असो... प्रणवदांना बाळासाहेबांनी केलेल्या विनंतीला मान दिल्याबद्दल त्यांना धन्यवाद.

बाळासाहेबांचा करीश्मा आणि मोदींचा प्रभाव या दोन मुख्य गोष्टींना लक्ष करण्यासाठी हुकुमाचा एक्का वापरण्यात आलेला आहे.">>>>>>> चिंतामणी यांच्याशी सहमत.. कसाबला फाशी द्यायची असती तर केव्हाच देता आली असती पण योग्य वेळ साधून हे केलेले आहे... वा वा, यातही राजकारण शोधताय. असं एका रात्रीत ठरतं काय >>>> मग काय इतके दिवस त्याला ठेऊन लोणचे घालायचा विचार करत होतं का सरकार..!!!!!! मेला याच आनंद झाला पण इतक्या उशीरा का??? हा च प्रश्न पडतोय..

वास्तविक कोणाच्या मरणांवर आनंद व्यक्त करावा अशी आपली संस्कृती नाही.. अश्या हरामखोराला वास्तविक जाहीर फाशी द्यायला हवी होती. सी. एस . टी . वर नागडा करून उल्टा टांगून पब्लिक कडून त्याला मारवण्याची माझी इच्छा मात्र अपुरी राहीली....थान्कु प्रणव दा !

मुंबई हल्ल्यात मरण पावलेल्या निष्पाप नागरीकांना आज खर्‍या अर्थाने शांती मिळेल.. भारतीय न्याय संस्थेचा अभिमान व कौतुक वाटावे तेवढे कमीच.. प्रणवजींनी शब्द पाळला...

मला वाटते अशा खेळ्यानी आपले मत बदलावे इतकी भारतीय जनता खुळी नाही. ह्या फाशीला जनतेच्या मते उशीरच झालेला आहे. सबब कॉग्रेसला याचा भावनिक लाभ मिळेल व त्याचे रुपांतर मतात होईल असे वाटत नाही. बाकी मी तुम्हाला राष्ट्रपति निवडणुकीत पाठबळ देतो तुम्ही माझी ही कसाबला फाशीची विनंति मान्य करा अशी जर अट बाळासाहेबानी टाकली असेल तर त्यांच्या राजकारणाला व देशभक्तीला सलामच केला पाहिजे !

हे वृत्त अधिकृत नाही तेव्हा त्यावर प्रतिक्रीया देणे किंचित घाईचे ठरावे .. मात्र जर हे खरे असेल तर या प्रकरणात सद्य कायद्यानुसार - भारतीय घटनेनुसार- सदर आरोपी दोषी ठरण्यासाठी भरपूर कष्ट उपसून साक्षी-पुरावे गोळा करून भक्कम केस उभी करणार्‍या पोलिस पथकाचे, निर्भिड साक्षी देणार्‍या नागरीकांचे, जबाबदार वृत्तांकन करणार्‍या पत्रकारांचे, समर्थपणे केस उभी करणार्‍या वकील मंडळींचे, अतिशय वेगाने व खास लक्ष देऊन पाठपुरावा करणार्‍या न्याययंत्रणेचे, संयमी प्रतिक्रीया देणार्‍या राजकीय पक्षांचे/नेत्यांचे आणि कसाबलाही आपले म्हणणे मांडायची संधी मिळण्यासाठी त्याची वकीली करणार्‍या वकिलांचेही आभार आणि अभिनंदन करणे अधिक अगत्याचे वाटते.

आजचा दिवस तमाम भारतीयांसाठी अतिशय आनंदाचा दिवस आहे. प्रणवदांचे, सुशीलकुमार शिंदे व आर आर पाटील ह्या सर्वांचे मनापासुन अभिनंदन.

सरकारने वेळेतच हुकुमाचा एक्का टाकला आहे.

मेला एकदाचा!!!!!!!

२६/११/२००८ च्या मुंबईवरील अतिरेकी हल्ल्यामधील एक अतिरेकी अजमल कसाब याला मे २०१० मध्ये सत्र न्यायालयाने फाशीची शिक्षा ठोठावली. त्यावर त्याचे अपील उच्च (फेब्रू २०११) व सर्वोच्च न्यायालयानेही फेटाळले. परकीय नागरिकाला भारतीय न्यायालयाने फाशीची शिक्षा ठोठावण्याचे हे उदाहरण कदाचित पहिलेच असावे. ऑगस्टमध्ये सर्वोच्च न्यायालयाने अपील फेटाळल्यावर कसाबने राष्ट्रपतींकडे दयेचा अर्ज केला होता. नियमाप्रमाणे राष्ट्रपतींनी केंद्रीय गृहमंत्रालयाकडून यावर मत (अहवालाच्या रूपाने) मागवले व केंद्रीय गृहमंत्रालयाने महाराष्ट्र सरकारचे मत मागवले. दोन्हीकडून दयेचा अर्ज फेटाळण्याची विनंती राष्ट्रपतींना करण्यात आली. ५ नोव्हेंबरला राष्ट्रपतींनी या अर्जावर नकारात्मक निर्णय घेतल्यावर २ दिवसांत कसाबला फाशी देण्याच्या प्रक्रियेवर निर्णय घेण्यात आला. २१ नोव्हेंबर हि तारीख ठरवण्यात आली. या हल्ल्यांतील मृतांना व शहिदांना यामुळे थोड्या प्रमाणात का होईना न्याय मिळाला. या हल्यांचे खरे सूत्रधार अजूनही सीमेपलीकडे मोकळे असल्याने पूर्ण न्याय झाला असे म्हणता येणार नाही. एवढा क्लिष्ट व मोठ्या आकारमानाचा खटला विशेष सत्र न्यायालयाने केवळ १ वर्षांत संपवला हि नक्कीच कौतुकाची गोष्ट आहे. गुन्ह्याच्या तीव्रतेमुळे दया दाखवली जाण्याची कुठलीही शक्यता नव्हती. कसाब भारताच्या शत्रुराष्ट्राचा नागरिक असल्याने त्याच्याबद्दल निर्णय घेण्यात कुठल्याही पातळीवर वेळखाऊपणा दाखवला गेला नाही. तरीही कुठल्याही नियमांचे उल्लंघन केले गेले नाही हे पण महत्त्वाचे. याबद्दल राज्य व केंद्र सरकारचे व शिक्षेची प्रक्रीया पार पाडणाऱ्या अधिकाऱ्यांचे अभिनंदन. हल्ल्यांना ४ वर्षे पूर्ण होण्याअगोदर हि शिक्षा देण्यात आली हे बरेच झाले. कारण जखमांवरच्या खपल्या पुन्हा एकदा निघाल्या असत्या. आता या सर्व घडामोडींमागे (निवडणुकांचे अथवा मतांचे) राजकारण असल्याचे म्हणणे पूर्णपणे असंयुक्तिक आहे. कारण वेळेत कारवाई नाही केली तरी लोक आक्षेप घेतात अन केली तर त्यामागे राजकारण शोधतात, हे एका प्रगल्भ समाजाचे घटक म्हणून शोभनीय नाही.

हा हुकुमाचा एक्का असेल तर हुकुमाचे राजे,राणीं, गुलाम ते दुर्री कोण अशा विचारात पडलोय. असो, मारलं ते बरंच झालं. आनंद आहे.