साहित्यः
अर्धा किलो सिडलेस खजुर किंवा आख्या खजुराच्या बिया काढून
दिड ते दोन वाट्या सुक्या खोबर्‍याचा किस.
५० ग्रॅम बदाम
२ छोटे चमचे खसखस
३ चमचे तुप
पाककृती:
खजुराचे छोटे छोटे तुकडे करुन घ्या.
बदाम कापुन घ्या. खसखस निवडून घ्या.
खोबर्‍याचा किस मंद गॅसवर खरपुस भाजुन घ्या.
आता भांड्यात तुप घालुन ते गरम झाले की खसखस घाला. मग त्यावर बाकिचे सगळे साहित्य म्हणजे खजुर, बदाम आणि भाजलेल खोबर घाला.
आता हे सगळ मिश्रण ५ ते ७ मिनिटे म्हणजे चांगले गरम होईपर्यंत मिडीयम गॅसवर ठेवा. जास्त शिजवण्याची गरज नाही.
भांडे खाली उतरवा व लाडू वळा. झाले लगेच तय्यार पौष्टीक, लज्जतदार, सोप्पे खजुराचे लाडू.
अधिक टिपा:
ह्याच साहित्याच्या खजुराच्या वड्या व रोलही करु शकता.
हे लाडू करायला अगदी सोप्पे असतात. थंड गरम कसेही वळता येतात. खजुराच्या मऊपणामुळे ते पटकन वळतात.
तुम्हाला आवडतील ते ड्रायफ्रुट्स तुम्ही टाकु शकता.
बाळींतिणिंसाठी पौष्टीक.
प्रतिक्रिया
18 Aug 2011 - 12:38 am | चिंतामणी
फोटो आणि पाकृ छान.
खूप दिवसांनी गोड पदार्थाची पाकृ आल्याने बरे वाटले.
18 Aug 2011 - 12:53 am | रेवती
असं कसं म्हणता चिंतुकाका?
गेल्या चार दोन दिवसात आल्यात की नारळी भात आणि करंज्यांच्या पाकृत्या!
आता ही पाकृ कोणाला आवडणार नाही गं जागुतै?;)
आजकाल बाळंतीण स्पेशल पाकृत्या येत आहे म्हणून मजा वाटते आहे.
18 Aug 2011 - 1:01 am | प्रभो
तूझी मजा वाटून झाली असेल तर माझ्यासाठीचं नारळीपाकाच्या लाडवांचं पार्सल कुठेय? ही सायलंट रिमायंडर आहे ;)
जागूताई, लाडू मस्तच. माझी आई हे सगळं मिक्सरमधून काढून घेते एकदा.
18 Aug 2011 - 10:30 pm | रेवती
माझी आई हे सगळं मिक्सरमधून काढून घेते एकदा
नशीब तेवढा वेळ तरी ते मिश्रण शिल्लक राहतं.
लाडवाबद्दल खरडलय.
18 Aug 2011 - 1:35 am | सानिकास्वप्निल
ह्या विकांता नक्की बनवते
मस्तच दिसत आहेत :)
18 Aug 2011 - 1:56 am | शेखर
वा वा !! एकदम छान दिसतात....
पुढच्या वेळी कुंद्याला खजुर आणायला सांगितले पाहिजेत....
18 Aug 2011 - 10:39 am | निवेदिता-ताई
छानच.............:)
ए दोन्ही प्लेटमधील तू एकटी खावू नकोस, एक इकडे पाठव ह...
18 Aug 2011 - 10:54 am | जाई.
+१
18 Aug 2011 - 12:10 pm | गवि
:) उत्तम..
आमचे राघवदास आणि गूळपापडी पेंडिंग आहेत ते विसरु नको म्हणजे झाले हो ताई.
18 Aug 2011 - 1:15 pm | प्राजक्ता पवार
मस्तं ! फोटोदेखील छान आलाय .
18 Aug 2011 - 4:16 pm | इरसाल
खजूर आपल्याला कधीही, केंव्हाही , कुठेही चालतो.त्यामुळे टेन औट ऑफ टेन.
लड्डू उठाके अब्बीच खाने का दिल कर ऱ्हां !
जागुताई आवरा बनवताव तेचा करताव काय ?
18 Aug 2011 - 5:11 pm | स्मिता.
मस्तच! माझे आवडते लाडू... मीपण या विकांताला करणार.
18 Aug 2011 - 9:40 pm | जागु
चिंतामणी, रेवती, प्रभो, सानिका, शेखर, निवेदिता ताई, जाई, प्राजक्ता, स्मिता धन्यवाद.
गगनविहारी नाही विसरले नाही. गुळपापडी लवकरात लवकर टाकण्याची व्यवस्था करते. राघवदास साठी दिवाळी पर्यंत थांबावे लागेल.
इरसाल माझ्याकडे ५ डोकी व दिरांकडे ३ डोकी. व अधुन मधुन येणारे पाहूणे. एवढ्यांना संपवायला किती वेळ लागेल ?
18 Aug 2011 - 11:55 pm | ५० फक्त
लाडु भारीच हो, पण करणं ठरवलं तर ते शेतात बैलाच्या तोंडाला जाळी बांधुन कामाला लावतात ना तसं करावं लागेल.
अवांतर - पुन्हा एकदा बिनचमच्याची पाक्रु, छे छे छे काय दिवस आलेत चमच्यांना, अरेरे अरेरे.
19 Aug 2011 - 10:14 am | डावखुरा
ओ काका लाडु खायला काय चमचा लागतो का?
हा घ्या सोन्यचा चमचा आणि आता सांभाळुन ठेवा बरंका...
19 Aug 2011 - 10:09 am | डावखुरा
आय हाये काय दिसतयेत म्हणुन सांगु....जाउदे प्रतिक्रिया देण्यात वेळ.. नाही घालवत ..
19 Aug 2011 - 11:52 am | जागु
सगळ्यांचे मनापासुन धन्यवाद.
19 Aug 2011 - 12:38 pm | कच्ची कैरी
व्वा !!नणंदबाईंची चांगलीच सेवा चालली आहे ;)मजा आहे बुवा !!