तुमच्या आवडीचं हेरगिरीचं पुस्तक कुठलं?

शॅली शॅली हे सु शिं चे पुस्तक मला आवडतं मराठीत....
इंग्रजीमधे जेम्स हॅडली चेस,इयान फ्लेमिंग आणी रॉबर्ट लडलम ची सर्व पुस्तके मस्त आहेत.

--प्रभो
-----------------------------------------------------------------------
काय सांगावे स्वतः विषयी,आहात तुम्ही सूज्ञ !! एका सारखे एकच आम्ही,बाकी सगळे शून्य !!

(जेम्स बाँड व्यतिरीक्तही) चित्रपट अनेक आहेत , पण एक वेगळ्यापद्धतीने घेतलेला चित्रपट एकदम आठवला: शायनिंग थ्रू. मेलानी ग्रिफिथ आणि मायकेल डग्लस.

मला हे.र.गिरी यांचे एक पुस्तक आवडले आहे, फक्त त्याचे नाव विसरलो. नाव आठवले की मला खरड पाठवा मी उत्तर देईनच.

नीलकांत, म्हणजे आता तुम्हीही एकवाक्यी धागा मार्गावर चालू झालात तर.

चालूद्या. अन लवकर लवकर वाचा व येथे परिक्षणे येवू द्या.
------
आजकाल मी वृत्तपत्रातील, टिव्हीवरील ( व जालावरील धाग्यातही) पाकिस्थान चा उल्लेख असणार्‍या बातम्या/ लेख वाचत नाही.

पासानभेद बिहारी

बाबूराव अर्नाळकर हे माझे आवडते हेरकथा लेखक. त्यांची पुस्तके जरुर वाचा.

मराठीत चिंतामणी लागु, गुरुनाथ नाईक, संजय सोनवणी हे हेरगिरीवर लिहीणारे हातखंडा लेखक. त्यातही संजय सोनवणींची पुस्तके छान असायची. कारण लेखन टू द पॉईंट असे. बाकी लागू आणि नाईक पण छान लिहीत पण त्यात पाल्हाळ फार असे.
सुशिंनीही काही पुस्तके लिहीलीत हेरेगिरीवर पण ती वेगळ्या प्रकारची हेरगिरी असे. सुशिंचे लेखन मुख्यत्वे रहस्य, रोमांच आणि साहस यावर आधारलेले असे. पण या लेखकांमध्ये सुशिच जास्त आवडते लेखक होते.
इंग्रजीमध्ये.... अ‍ॅलिस्टर मॅक्लीन आवडता लेखक आहे. त्याची पुस्तके मला जास्त आवडतात. त्याची "गोल्डन गेट" आणि "एअरफोर्स वन इज डाऊन" ही खुप आवडलेली पुस्तके. अ‍ॅलिस्टर मॅक्लीनचे वैशिष्ठ्य म्हणजे त्याचा नायक एकहाती कसल्याही, कुठल्याही आधुनिक शस्त्रे किंवा तंत्रज्ञानाच्या मदतीशिवाय केवळ स्वतःची विचारक्षमता आणि बुद्धीमता याच्या जोरावर सगळे कार्य तडीस नेतो. अ‍ॅलिस्टर मॅक्लीन तुम्ही वाचाच नीलकांतजी.

त्यांच्याबद्दल जास्त माहिती इथे वाचता येइल.

हेरगिरीवरील इतरही काही गाजलेल्या पुस्तकांची माहिती विकि वर उपलब्ध आहे.

सस्नेह
विशाल
*************************************************************

आम्ही इथेही पडीक असतो "ऐसी अक्षरे मेळविन!"

खरे (वास्तववादी) हेर कसे वागतात हे वाचायचे असेल तर "जॉन ल कॅरे" ची स्माईली-ट्रायलॉजी वाचावी. गेला बाजार "दी स्पाय हु केम इन फ्रॉम कोल्ड"

त्यात कुठल्याही अतिरंजित प्रसंग /अतिआधुनिक शस्त्रात्रांच्या फोडणीशिवाय केवळ कथानक आणि नायकाच्या स्वभावाच्या जोरावर विणलेल्या थरारक हेरकथा वाचायला मिळतील.

अवांतरः निळूभाऊ एकदम चार ओळींचे नवशे धागे कसे काय काढू लागले बुवा?

नीलकांतचा आयडी हॅक झाला आहे. असले धागे स पासुन सुरु होणा-या एखाद्या नवशिक्याचे असल्याचे स्मरते. आमच्या माहितीतला नीलकांत कमीत कमी १००० शब्द (गणित कच्चे आहे, कमी जास्त होवु शकतात) असलेला लेख लिहितो आणि माहिती मागण्याऐवजी माहिती देतो.

--अवलिया
======
आमचे कडे कशाचाही कशाला बादरायण संबंध लावुन विनोदी लिहुन मिळेल. चिल्लर मधे बसेस फोडुन मिळतील. अधिक माहिती व्यनीमधुन.

फार काही भर नाही टाकता यायची, पण
दुकानात जावं, विषयांप्रमाणे मांडलेल्या आद्याक्षरांप्रमाणे ठेवलेल्या रॅकमधून 'R' किंवा 'L' शोधावं आणि रॉबर्ट लडलम्/लुडलुम(च्यायला..ह्याचा उच्चार नक्की काये राव? ) ह्याचं कोणतंही पुस्तक उचलावं. एकदम झक्कास.

ह्याशिवाय, फ्रेडरिक फॉर्सिथदेखील उत्तम! न चुकता 'द डे ऑफ जॅकल' वाच.

केन फॉलेटची
'द की टू रिबेका',
'आय ऑफ द निडल',
'मॅन फ्रॉम सेंट पिटर्सबर्ग',
'ऑन विंग्ज ऑफ इगल्स' देखील मला खुप आवडली.

पिटर हॉपकिर्कचं 'द ग्रेट गेम' हे वाचल्याशिवाय "मी हेरगिरीची पुस्तकं वाचली आहेत" असं म्हणणं शक्य नाही असं माझं मत आहे

पोलिस (आणि एफ.बी.आय.) इन्व्हेस्टिगेशन्स साठी David Baldacci वाच. मलातरी आवडली ह्याची पुस्तकं.

आपला,
-(जनु बांडे ००८) मिश्टर ध.

या विषयात मदत केल्याबद्दल सर्वांचे आभार. खरं तर या विषयी मला खरंच काहीच माहिती नाही. फार फार तर जेम्स बॉण्डचे एक दोन चित्रपट पाहिले आहेत. त्यात हेरगिरी सारखं काही वाटलंच नाही. डेआप्फ्टर पाहिला तो मित्राने त्यात हॅल बेरी झकास दिसते म्हणून बघ म्हटल्यावरच. आणि आताच्या डॅनिअर क्रेग ने सुरूवातीची फाईट झकास दिलीये असे होते. आता डॅनिअलचा जेम्सबॉन्ड भाग २ सुध्दा पाहिली पण काही समजलंच नाही. असो.

तर या विषयावर एका ओळीचा धागा काढण्याचा प्रमाद आदानांच्या कमतरतेमुळे झाला आहे. हे म्हणजे कसं की मासे घ्यायला बाजारात जायचं आणि मासे पाण्यात असतात आणि खायला चवदार लागतात याशिवाय काहीच माहिती नसल्यासारखं झालं.

तुम्ही सुचवलेली शक्य तेवढी पुस्तके वाचण्याचा प्रयत्न करेन. विंजिनेर आणि विशाल कुलकर्णींनी सुचवलेले दूवे पाहिले. खरं तर या विषयात धमाल मुलाजवळ भरपुर माहिती मिळेल याची खात्री होतीच, मात्र इतर मिपाकरांचे मत घ्यावे असे वाटले आणि त्याचा फायदा झालेला दिसतो आहेच.
धन्यवाद.

जॉन ग्रिशामच कुठलही पुस्तक उचल !! बेस्ट

सू हा स...

आख्खी सेरीज सुंदर आहे. सगळी अट्टल डिटेक्टीव्हगिरी. अन एकॉनॉमी एडीशनपण आहे अ‍ॅव्हेलेबल.

एक आणखी आवडलेलं पुस्तक `द एव्हिनिंग न्युज' - त्यात एका चॅनेलच्या अँकरची फॅमिली दहशतवादी किडनॅप करतात अन तो पत्रकार त्याच्या सहकार्‍यांच्या मदतीनं त्यांची सुटका करतो. मस्त थ्रिलींग रिड आहे.

सिनेमात मला आवडलेला म्हणजे गन्स ऑफ नॅव्हेरॉन.

दक्षता अंक नियमितपणे वाचत जा रे नीलकांता..

आपला,
(पोलिस आयुक्त) तात्या.

नीलकांत,
हेरगिरीबद्दल 'स्पाय गेम' हा माझा अत्यंत आवडता चित्रपट आहे.
हा सिनेमा आवर्जून बघ.

रॉबर्ट रेडफर्डने साकारलेला हेर नुसता बघत रहावा.
चित्रपटाचे ट्रेलर इथे पहा.
ट्रेलरमधे जरी खूप मारधाड दिसत असली तरी सिनेमाची खरी ष्टोरी हेरगिरीच्या कौशल्याबद्दल आहे !

****************************************************
दुरितांचे तिमीर जोवो/विश्व स्वधर्मसुर्ये पाहो/जो जें वाछील तो तें लाहो/प्राणिजात/

भारतीय संदर्भातले भन्नाट आवडलेले गुप्तहेर पुस्तक - "बँडीकूट रन" (Bandicoot Run, लेखक : मनोहर माळगांवकरचे) .

बाकी निव्वळ करमणूक म्हणून जेम्स बाँडचे चित्रपट आणि पुस्तके मस्त आहेत (पैकी कुठलेही वाचा/बघा - डोक्याला त्रास नाही, तरी थरारक आणि विनोदी).

जरा गंभीर मनोवैज्ञानिक गुप्तहेर पुस्तक आहे जोसेफ कॉनराड याचे "द सीक्रेट एजंट". पण त्या दिशेला जायचे - म्हणजे गुप्तहेराच्या मनात शिरून तिथल्या घडामोडी बघायच्या - तर हल्लीच्या काळातला स्टीव्हन स्पीलबर्गचा चित्रपट "म्यूनिक" हा बघण्यालायक आहे.

डॅन ब्राऊन ची पुस्तके वाचायला भन्नाट असतात. पण त्याला हेरगिरी म्हणता येणार नाही.
शोधक डिटेक्टीव्ह गिरी वरची क्लासीक पुस्तके म्हणजे ऑर्थर कॉनन डॉईल लिखीत शेर्लोक होम्स ची पुस्तके.
गेल्या पन्नास वर्षात तरी त्यातल्या लॉजीक ला कुणी छेद देऊ शकलेला नाहिय्ये.

ज्यांना द बोर्न ट्रायोलॉजी आवडला असेल त्यांनी टेकन जरुर पहावा., क्लिंट ईस्टवुड आणि रिचर्ड बर्टनचा व्हेयर इगल्स डेअर सुद्धा पाहण्यासारखा आहे.

सर ऑर्थर कॉनन डॉईल - .
अ‍ॅड्वेंचर्स ऑफ शेर्लक होम्स

फास्टर फेणे आपला एकदम आवडीचा बुवा!!

सुचवणी करताना हेर आणि डिटेक्टिव ह्यात गल्लत केली जात आहे का?
नीलकांत यांना नक्की काय अभिप्रेत आहे?

Doing what you like is freedom. Liking what you do is happiness.

सिडने शेल्डन चे 'अदर साइड ऑफ मिडनाइट' सौ.मोहनतारा यायचं
अनुवादीत पुस्तक वाचेल हाये, आता लय दीस झालं समदं आठवतं नाय.

'रेंज ऑफ एंजल्स' सिडने शेल्डनचं बूक. पर त्याचा इषय इसरलो

माहीती गोळा करायला स्त्री कोणत्याबी थराला जायच्या. लय आवडीनं
बूक वाचाचो.

बाबुराव

एम आय - भाग पहिला.
हॅरिसन फोर्डचा पेट्रियट गेम्स
लिओ डी कॅप्रिओचा दि डिपार्टेड
दी बर्लिन कॉन्‍स्पिरसी
ग्रेगरी पेक-ऑड्री हेपबर्न जोडीचा - शरेड
अनटचेबल्स - हा हेरपट नसून पोलिसपट आहे.