सोया चंक्स आणि खजुराचे पौष्टीक लाडू

श्वेता२४'s picture
श्वेता२४ in पाककृती
23 Mar 2018 - 5:28 pm

सोया चंक्स आणि खजुराचे लाडू

मुलाला डब्यात देण्यासाठी एखैदा पौष्टीक पाककृती शोधत होते. घरात सोयाबीन चंक्सचे पीठ व खजूर शिल्लक होते. त्याचा वापर करायचे ठरविले .

साहित्य -

1 मोठी वाटी सोया चंक्स चे पीठ (मी हे चक्कीतून दळून आणते)
1 नेहमीची वाटी कणीक
1 वाटी तूप (फोटोमध्ये कमी दिसत असले तरी मी नंतर वरुन घातले आहे.)
12-15 खजूर बीया काढून
1 वाटी चिरलेला गूळ
अर्धी वाटी पीठीसाखर
10-12 काजू पाकळ्या
10-12 बदाम
अर्धा चमचा वेलची पावडर
साहित्य

प्रथम खजूर, काजू, बदाम व गूळ मिक्सर मधून फिरवून घ्यावे थोडे भरडसर राहिले तरी चालेल. निम्मे तप घालून कढईत घालून पीठे खरपूस भाजून घ्यावीत. पीठ मध्यम आचेवर भाजावे. साधारण 15-20 मि. नंतर पीठाचा रंग गडद होईल व खरपूस वास सुटला की बंद करावे. गरम असतानाच त्यात खजूराचे मिश्रण, पीठी साखर व वेलची पावडर घालावी. उरलेले निम्मे तूप घालून कालवून घ्यावे. कोमटसर असतानाच लाडू वळायला घ्यावेत. या मिश्रणात माझे छोट्या आकाराचे 30 लाडू झाले. हे लाडू चवीलाही खमंग लागतात व पौष्टीकही आहेत.

लाडू

प्रतिक्रिया

सोया चंक्स आणि खजुराचे लाडू
लाडू
साहित्य
हे फोटो पोस्ट करता येतील का

जेम्स वांड's picture

23 Mar 2018 - 5:35 pm | जेम्स वांड

कसली रिच पाककृती आहे,

थोडं टायमिंग हुकले, हिवाळ्याच्या तोंडावर टाकली असती तर डबाभर करूनच ठेवले असते! उन्हाळ्यात इतकं रिच खायची हिम्मत नाही होणार, पण तरी बुकमार्क आहेच!

manguu@mail.com's picture

23 Mar 2018 - 6:42 pm | manguu@mail.com

छान. सुंदर

manguu@mail.com's picture

25 Mar 2018 - 10:07 pm | manguu@mail.com

K

सोया चंक्सच्या पिठाऐवजी फुटाणे डाळीचे पीठ आणि नाचणीचे पीठ घेतले.

लाडू फारसे बांधता आले नाहीत. पीठदेखील चमच्याने खाता येइल.

manguu@mail.com's picture

26 Mar 2018 - 6:30 am | manguu@mail.com

थोडे पीनट बटरही घातले आहे. पीठ भाजताना तेल - तूप थोडेच घातले. त्यामुळे लाडू बांधता येत नाही आहेत. पण चव मस्त आहे.

हाच ऐवज पाण्यात शिजवला तर सांजा होईल का ?

श्वेता२४'s picture

26 Mar 2018 - 10:40 am | श्वेता२४

हा पण प्रयोग भारी आहे. खरं म्हणजे वेगवेगळी पीठे घालून अशाप्रकारे लाडवाच्या कीतीही पाककृती बनवता येतील

केडी's picture

26 Mar 2018 - 11:13 am | केडी

छान! करून पाहीन एकदा...

मला वाटते बदाम आणि काजू वाटण्याआधी थोडेसे भाजून घ्यावेत. त्याने चव अधिकच छान लागेल. बाकी लाडू भारी दिसत आहेत. तोंपासु.

श्वेता२४'s picture

26 Mar 2018 - 3:17 pm | श्वेता२४

सर्व प्रतिसादांबद्दल धन्यवाद

पद्मावति's picture

26 Mar 2018 - 9:19 pm | पद्मावति

मस्तच.

पैसा's picture

14 Apr 2018 - 10:14 pm | पैसा

लै भारी