सदाहरित धागा - मनातले प्रश्न..शंका..जिज्ञासा..सल्ला, माहिती- भाग १

ग
गवि यांनी
 ·  लेख
लेख
सदस्यहो.. हा धागा, हे पान मिसळपावच्या नवीन उपक्रमाचा भाग आहे. एकोळी धागे, मदत हवी, माहिती हवी, प्रश्न पडला आहे, अशा प्रकारचे अनेक धागे येतात. आणि त्याहून जास्त धागे अनेकांच्या मनात असूनही "केवळ एक शंका, प्रश्न विचारण्यासाठी कुठे धाग्याची मांडणी करणार?" अशा विचाराने काढलेच जात नाहीत. एका ओळीत प्रश्न विचारावा तर धाग्याचं "मटेरियल" होत नाही आणि एकोळी म्हणून धोरणानुसार तो अप्रकाशित होतो. त्यामुळे सदस्यांनी एकमेकांना आपल्या मनात येणारे प्रश्न किंवा एखाद्या विषयावर माहिती नसल्यास ती मिळवणं अशा कारणांसाठी कोणीही या धाग्यात प्रतिसाद लिहू शकेल. रोचक प्रश्न किंवा अडचणी, मग त्या कोणत्याही क्षेत्रातल्या का असेनात, इथे विचारा. त्या क्षेत्रातली माहिती असलेले अनेकजण इथे असण्याची खूप शक्यता आहे. शंभरच्या आसपास प्रतिसाद झाले की धाग्याचा पुढचा भाग काढला जाईल.. आणखी एक पान जोडलं जाईल. त्यामुळे वाचनातली सोयीस्करपणा राहील. शंभरच्या आसपास प्रतिसाद पोहोचल्यावर त्यानंतरच्या एखाद्या नवीन प्रश्नाचा नवीन धागा त्या प्रतिसादलेखकाच्या नावानेच सुरु करण्यात येईल. प्रश्न छोटे, मोठे, साधे, क्लिष्ट कसेही असोत. माझ्या मनातला सध्याचा प्रश्न असा की: कार / वाहनाच्या इंजिनबाबत बोलताना "डिसप्लेसमेंट" आणि "पॉवर" असे दोन शब्द वापरले जातात. एकच डिसप्लेसमेंट असलेल्या (उदा १२०० सीसी) इंजिनची दोन वेगवेगळ्या गाड्यांमधली "पॉवर" कमीजास्त बीएचपी कशी असू शकते?
वर्गीकरण
56715 वाचन
💬 प्रतिसाद (153)

प्रतिक्रिया

गवि
Mon, 06/15/2015 - 22:59 नवीन
..हल्लीच रामदासकाकांनी इथे याविषयी एक धागा काढला होता.अर्थात नेमकी ती रिक्वायरमेंट आता नसेलही, पण धागा कोणाला सापडला तर लिंक द्यावी.
↩ प्रतिसाद: जयन्त बा शिम्पि

एस
गुरुवार, 06/18/2015 - 13:05 नवीन
दुधातील (विशेषतः पिशवीतल्या दुधातील) भेसळ घरच्या घरी कशी ओळखावी? युरियाची भेसळ पकडता येते का?

संदीप डांगे
गुरुवार, 06/18/2015 - 16:37 नवीन
खालच्या दुव्यावर वेगवेगळ्या पदार्थांच्या घरगुती टेस्ट्स कशा कराव्या या बद्दल माहिती आहे. http://www.fssai.gov.in/Portals/0/Pdf/Final_test_manual_part_I%2816-08-2012%29.pdf
↩ प्रतिसाद: एस

काळा पहाड
गुरुवार, 06/18/2015 - 13:35 नवीन
जेव्हा मी गाडी दुसर्‍या गियर मध्ये ५००० आरपीएम ला चालवतो तेव्हा आणि जेव्हा चौथ्या गियर मध्ये ५००० आरपीएम ला चालवतो तेव्हा मला सारखेच मायलेज मिळते का? उदाहरणार्थ ५००० आरपीएम दुसर्‍या गियर मध्ये २० च्या वेगात येवू शकते आणि चौथ्या गियर मध्ये ४० च्या वेगात. तर इथे फरक फक्त वेगाचाच असतो का?

टवाळ कार्टा
गुरुवार, 06/18/2015 - 14:20 नवीन
नाही...एकाच आरपीएम्ला हायर गीयरमध्ये जास्त मायलेज मिळते पण प्रत्येक गीअरमध्ये आरपीएम जास्तीत जास्त किती वाढवावे त्याचे आकडे मून्युअल मध्ये दिलेले अस्तात
↩ प्रतिसाद: काळा पहाड

सूड
Wed, 06/24/2015 - 15:40 नवीन
पावसाळ्याच्या दिवसात कपडे नीट वाळले तरी त्यांना एक वेगळाच कुबटसा वास येत राहतो. तो न येण्यासाठी काय करावे?

एस
Wed, 06/24/2015 - 16:04 नवीन
नीट धुवावेत. ;-) बादवे, कपड्यांना वाळल्यावर इस्त्री करून ठेवल्यास कुबट वास येणार नाही.
↩ प्रतिसाद: सूड

बाळ सप्रे
Wed, 06/24/2015 - 16:46 नवीन
इस्त्रीचा उपाय बेस्ट आणि खरंतर कुरकुरीत वाळलेल्या कपड्यापेक्षा अशा थोड्याशा ओलसर कपड्याला इस्त्री चांगली होते..
↩ प्रतिसाद: एस

कपिलमुनी
Wed, 06/24/2015 - 16:07 नवीन
कपड्याच्या थरामध्ये कापूर ठेवा.
↩ प्रतिसाद: सूड

गवि
Wed, 06/24/2015 - 16:24 नवीन
मशीनमधे धूत असल्यास एकाच धुण्यात किंवा हाती धुवत असल्यास एकाच बादलीत कपड्यांची महाप्रचंड क्वांटिटी भिजवू नये. दोनतीन छोट्या बॅचेस कराव्यात. पाणी जास्त असावे. याखेरीज दुसर्‍यांदा बिनसाबणाच्या स्वच्छ पाण्यातून ते काढावेत आणि मग शक्यतो बंदिस्त नसलेल्या जागी वाळत घालावेत. या सर्वांमुळे कुबट वासाची शक्यता कमी होते.
↩ प्रतिसाद: सूड

गवि
Wed, 06/24/2015 - 16:36 नवीन
हो.. पण लाल लाईफबॉय, मार्गो नीम, मेडिकेअर (अ.भा. लॉजेस हॉटेल मालक महासंघ प्रमाणित) यांपैकी नको. त्याचा वास घालवायला आणखी उपाय करावे लागतील.
↩ प्रतिसाद: टवाळ कार्टा

काळा पहाड
Wed, 06/24/2015 - 16:40 नवीन
पण कुठलातरी साबण वापरावा हे नक्की. नुसतं पाणी शिंपडून येण्यापेक्षा गेलाबाजार लाईफबॉय, मार्गो नीम, मेडिकेअर हे सुद्धा चालतील.
↩ प्रतिसाद: गवि

संदीप डांगे
Wed, 06/24/2015 - 16:48 नवीन
कपड्यांचा वास घालवणे, रंग उजळवणे आणि स्वच्छ करणे या तीनही कामांसाठी एकच रामबाण उपायः खाण्याचा सोडा! कपडे भिजवतांना बादलीभर पाण्यात नेहमीच्या सर्फ/एरीयल्/टाइड सोबत २-३ ग्रॅम खा.सो. आणि २-३ ग्रॅम मीठ टाकावे. कपडे धुवून झाल्यावर शेवटी १० मिनिट फक्त खा.सो.च्या पाण्यातून बुचकळून काढावे. नव्यासारखे चमकतात. फॅब्रीकचा फील कमालीचा सॉफ्ट होतो, रंग उजळतात. वास घालवतो, (कम्फर्ट वैगेरे वापरायची गरज राहत नाही). ३ वर्ष जुनी जीन्स नव्याने चमकू लागली आहे. घरातले सगळे कपडे, चादरी इत्यादींसोबत हाच प्रयोग केला आहे. उत्तम रीझल्ट्स. सूचना: वेगवेगळ्या पावडरींसोबत खा.सो. आणि मीठाचे प्रमाण वेगवेगळे ठेवावे लागते. आम्ही सर्फ एक्सेल वापरतो, ५ ग्रॅम सोडा एका मशीनला व्यवस्थित रीझल्ट देतो.

संदीप डांगे
गुरुवार, 06/25/2015 - 17:53 नवीन
सांगीतले की वरच... १ बादली पाण्यात २-३ ग्रॅम खायचा सोडा व मीठ. धुतल्यावर तेवढ्याच पाण्यात तितकाच सोडा घेऊन परत १० मिनिटे भिजत घाला, नीट पिळून झटकून झटकून (खांदे दुखेपर्यंत) वाळत घाला. मुंबईत असाल तर आर्द्रता कपड्यांची मदर-सिस्टर करते. मूळ कपड्यांतून घामाचा वासच जात नसतो, तो ही आर्द्रता अजून असह्य करते. त्यासाठी आधी घामाचा वास पूर्ण जाण्यासाठी सोडा. नंतर झोडा. कोरड्या वातावरणात इतका त्रास होत नाही. ( मुंबई सोडा! ;-) )
↩ प्रतिसाद: सूड

कंजूस
Wed, 06/24/2015 - 19:39 नवीन
संदीपभाऊ नावे घेतलीत तर नवीन मंडळ तुमच्या पोस्टीला कमर्शलचा चार्ज लावेल.झैरातींच्या रेटची चाचपणी सुरू आहे.

आदूबाळ
Wed, 06/24/2015 - 19:49 नवीन
सोडा हो!
↩ प्रतिसाद: कंजूस

नाखु
गुरुवार, 06/25/2015 - 15:05 नवीन
नाहीतर काय "खायच्या" बाता आहेत त्या!!
↩ प्रतिसाद: आदूबाळ

संदीप डांगे
गुरुवार, 06/25/2015 - 17:56 नवीन
????
↩ प्रतिसाद: कंजूस

धनावडे
Wed, 06/24/2015 - 20:33 नवीन
कर्णाळा किल्यावर जुलै महिन्यात जाण्यासाठी परवानगी असते का? आणि यावेळी जाणे ठिक होइल का?

धनावडे
Fri, 06/26/2015 - 00:18 नवीन
नेहमीच्या वाटेने नाही जाता येणार का? म्हणजे कर्णाळा अभयारण्याच्या गेट वरून
↩ प्रतिसाद: कंजूस

भिंगरी
Fri, 06/26/2015 - 15:34 नवीन
छातीत दुखत असलेल्या रुग्णाला अतीदक्षता कक्षात ठेवले जाते. छातीत दुखण्याची अनेक कारणे असतात पण तपासण्या झाल्यावर त्याचे निदान १५ मिनीटे ते साधारणपणे ८/१० तासात होते. ECG नॉर्मल, हृदयासाबंधी काहीही आजार नाही, रक्ताच्या तपासणीतही गंभीर असे काहीही नाही असे असताना २४ तासानंतरही रुग्णाला ICU मध्ये का ठेवले जाते?

कपिलमुनी
Fri, 06/26/2015 - 17:31 नवीन
कोणतेही निदान अचूक असेल याची खात्री नसते खास करून ECG ! ECG ही प्राथमिक टेस्ट आहे, जर निदान चुकीचे ठरले आणि आणीबाणीची परीस्थीती आली तर उपचार लगेच्ग मिळावेत म्हणून रुग्णाला ICU मध्ये ठेवले जाते
↩ प्रतिसाद: भिंगरी

अरुण मनोहर
Wed, 07/01/2015 - 05:01 नवीन
कृष्ण ह्या शब्दाचा अर्थच मुळी "काळा" असा आहे. किंवा शामल, सावळा असा देखील असू शकतो. मग गोकुळातला कृष्ण निळा कां अन कधीपासून चित्रात किंवा वर्णनांत दाखवू लागले? या विषयी काही माहीती असेल तर सांगा!

काळा पहाड
Wed, 07/01/2015 - 11:31 नवीन
कृष्ण काळाच आहे, राम निळा. कदाचित भारतीयांचा काळ्या रंगाबद्दलचा तिरस्कार पाहून तसा बदल केला गेलेला असावा. -
काळा
पहाड.
↩ प्रतिसाद: अरुण मनोहर

गवि
Wed, 07/01/2015 - 12:18 नवीन
लहानपणचे उपद्व्याप खोड्या इत्यादि पाहता मोठ्या लोकांकडून भरपूर मार खात असण्याची शक्यता नाकारता येत नाही. काळेनिळे होणे आपणांस ठाऊक आहेच. ;)
↩ प्रतिसाद: अरुण मनोहर

संदीप डांगे
Wed, 07/01/2015 - 22:17 नवीन
ब्रेड आणि अंड्यात आहे तेवढाच. :-) जोक्स अपार्ट, प्रश्न नेमका कशा संदर्भात आहे त्यावर उत्तर अवलंबून आहे. म्हणजे रासायनिक, जैविक, पोषणमूल्य, चयापचयातले त्यांचे कार्य की अजून वेगळं काही?
↩ प्रतिसाद: स्पा

कंजूस
गुरुवार, 07/02/2015 - 08:25 नवीन
आपला आधार कार्ड नंबर वोटर कार्ड नंबरशी संसग्न करण्यासाठीचे काम चालू आहे. १) मोबाइल sms पद्धतीने झाले नाही. २)ceo-Maharashtra site वरून झाले नाही. ३) National voter service portal च्या साइटवरून होत आहे. Page-- वोटर कार्ड प्लस आधार असं दिसेल- Image removed. आधार कार्डावरचे नाव, EPIC NO वोटर कार्ड नंबर,आधार चा बारा आकडी नंबर चार चार असा तीन चौकोनात ,मोबाइल नंबर,owner id=self,emai,भरून "submit करा. लगेच "Your request for associating Aadhaar number with Electoral Roll has been registered successfully" असा मेसेज येईल.

पिलीयन रायडर
Wed, 07/15/2015 - 11:02 नवीन
L2 विजा वर जाणारी व्यक्ती आपला कंपनीचा लॅपटॉप US ला नेऊन तिथे काम करु शकते का? (बिनपगारी रजा टाकली आहे आणि काही अभ्यास करायचा असल्याने लॅपटॉप नेणे आवश्यक आहे.) नेता येत असेल तर सोबत काय डॉक्युमेंट्स लागतील? कोणताही लॅपटॉप नेताना (पर्सनल / कंपनीचा) सोबत पावती / परवानगीचे पत्र लाग्तेच का?

श्रीरंग_जोशी
Wed, 07/15/2015 - 22:24 नवीन
माझ्या माहिती व निरिक्षणाप्रमाणे नेहमीच्या ओळखीतले कुठलेही उपकरण अमेरिकेत कुठल्याही व्हिसावर येताना वेगळी परवानगी लागत नाही. कंपनी लॅपटॉप अमेरिकेत नेणारे कंपनीकडून पत्र सोबत घेतात कारण भारतात परतताना ते नवा लॅपटॉप सोबत आणू शकतात. ते पत्र नसल्यास अन भारतील विमानतळावर उतरल्यावर कस्टम्स अधिकारी नव्या लॅपटॉपवर कस्टम्स ड्युटी आकारू शकतात. प्रत्येक व्यक्ती परदेशातुन परतताना १ पर्सनल लॅपटॉप अन ₹२५,००० किमतीचे सामान आणु शकते. यावर कुठलेही आयात शुल्क लागत नसते. या नियमात एवढ्यात काही बदल झाला असल्यास ठाऊक नाही.
↩ प्रतिसाद: पिलीयन रायडर

भाते
Fri, 07/17/2015 - 14:47 नवीन
माझ्या मित्राला घराच्या वारसा हक्कासाठी (नॉमिनी) कायदेशीर मदत हवी आहे. त्याची माहिती त्याच्याच शब्दात पुढे देत आहे. आजोबांचे दादरला चाळीत दोन खोल्यांचे घर होते. आजोबांच्या पश्चात, चाळीच्या पुनर्विकासात तिकडे इमारत झाल्यावर, ते घर आजीच्या नावावर झाले. त्यांना चार अपत्ये आहेत. दोन मुले आणि दोन मुली. आजीच्या पश्चात ते घर चारही भावंडांना मिळाले. आता त्यातला एक मुलगा (मोठा) ते घर आपल्या नावावर करून द्यावे असे म्हणतो आहे. दुसऱ्या मुलाचे स्वत:चे घर आहे. त्यामुळे बाकी भावाबहिणींचा याला विरोध नाही आहे. सध्या यात कुठलाही आर्थिक व्यवहार होणार नाही आहे. पण ज्याच्या नावावर घर करायचे आहे त्याला अपत्य नाही आहे. त्यामुळे सध्या वारसदार म्हणुन त्याच्या बायकोचे नाव टाकायचे ठरले आहे. इतर दोन मुलींना आणि एका मुलाला अपत्य आहेत. इतर तिन भावंडांच्या मुलामुलींचा, वडिलोपर्जित मालमत्ता म्हणुन, आजीआजोबांच्या मालमत्तेवर कायदेशीर हक्क आहे का? ते आत्ता घर एकाच्या नावावर करताना, नातवंडे आपल्या आईवडिलांकडे, आपल्या वारसा हक्कासाठी आग्रह धरू शकतात का? एकदा घर मोठया मुलाच्या आणि बायकोच्या नावावर झाल्यावर नंतर त्यांच्या पश्चात त्या घरावर हक्क सांगणे इतरांना अशक्य आहे. मोठया मुलाची बायको आपल्या पश्चात आपल्या माहेरच्या लोकांना ते घर देईल अशी शक्यता आहे.

संदीप डांगे
Fri, 07/17/2015 - 15:39 नवीन
इतर तिन भावंडांच्या मुलामुलींचा, वडिलोपर्जित मालमत्ता म्हणुन, आजीआजोबांच्या मालमत्तेवर कायदेशीर हक्क आहे का? माझ्यामते असला पाहिजे. आजोबांची मालमत्ता ही नातवांच्या नावे सरळ ट्रांसफर होत असते. या प्रकरणात चारही भावंडांच्या मुलांचाही ह्या घरावर समान हक्क आहे. पण भावांनी आपसातल्या समजूतदारीने हा फ्लॅट रितसर पुर्णपणे मोठ्याच्या नावावर केला आणि आपआपली ना-हरकत प्रमाणपत्रे दिलीत तर नातवंडे हक्क सांगू शकणार नाहीत. पण पुढे तंटा होऊ नये म्हणून आताच मोठ्या भावाने बाजारभावाप्रमाणे पैसे देऊन तो फ्लॅट रितसर विकत घ्यायला पाहिजे. अथवा चौघांचा हक्क कायम ठेवला पाहिजे. भविष्यात ज्या कुणाला ती जागा स्वतःकरिता हवी असेल त्याने त्यावेळेच्या बाजारभावाप्रमाणे सगळ्यांना पैसे चुकते करावे. बाहेरच्याला विकायची असेल तर आलेले पैसे समान वाटून घ्यावे. माझ्या नात्यात हेच प्रकरण झाले आणि सर्वात लहान असलेल्या एकट्या भावाने इतर चार बहिणींना हुशारीने भुलवून १-१.५ लाखाला मनवले, प्रत्यक्षात फ्लॅटची बाजारभावाप्रमाणे किंमत ४५-५० लाख होती. बहिणींना सगळं कळत असून भावाशी काय भांडायचं म्हणून विषय सोडून दिला. त्यातल्या दोन बहिणींची अगदी हलाखीची परिस्थिती असूनही रग्गड पैसा असलेल्या भावाने काहीच विचार केला नाही. माझ्यामते हा प्रश्न नेहमीचाच आहे, त्यामुळे मेनबोर्डावर वेगळा धागा म्हणून काढावा.
↩ प्रतिसाद: भाते

केवळ_विशेष
Fri, 07/17/2015 - 15:43 नवीन
मला तात्या अभ्यंकरांचा नंबर मिळेल का? खरड्वहीत पाठवेल का कोणी? धन्स

भिंगरी
Fri, 07/17/2015 - 15:49 नवीन
मेल बॉक्स मध्ये येणारे नको असलेले मेल कसे थांबवावेत? जसे होरोस्कोप फ्री,युवर डेली याहू स्टोरिज्.....इ.

श्रीगुरुजी
Tue, 08/04/2015 - 15:29 नवीन
नको असलेली मेल्स उघडा. त्याच्या तळाला Unsubscribe असे लिहिलेली लिंक असते. त्यावर क्लिक करून स्वतःचा ईमेल आयडी टाकून त्या मेल्सला Unsubscribe करा. समजा तशी लिंक नसेल तर ऑप्शन्स मध्ये जा. काही विशिष्ट शब्द असलेली ईमेल्स किंवा विशिष्ट आयडीकडून येणारी ईमेल्स ब्लॉक करता येतात. तेथे जाऊन होरोस्कोप फ्री,युवर डेली याहू स्टोरिज् असे शब्द असलेली ईमेल्स थांबवा किंवा ती मेल्स पाठविणारे मेलआयडी ब्लॉक करा.
↩ प्रतिसाद: भिंगरी