क्यालीफोर्नियाचा कोकण....

शिवास रिगल, ग्लेन्फिडीच जॅक डॅनियल्स वगैरे बंद करुन ताडी, माडी, फेणीची भरपुर उघडावी लागतील
ओपेरा शो ऐवजी दशावतारी नाटके ;)
बाकी आठवेल तसे टंकतो
कोकणभुषण आणि कॅलिफोर्निया किंग पिवळा डांबिस यांच्या प्रतिसादाच्या प्रतिक्षेत

कोकणीपणा अस्सल व्हायला तसे जीन्स लागतील. म्हणजेच कोकणाचे बीज रुजवावे लागेल.

रोचक आहे कल्पना.

मुळात पलीकडल्या आवारातल्या शेजा-याच्या आंब्याची खांदी आपल्या परसात आली तर त्यावरच्या कै-या चुपचाप उतरवून नंतर वरुन त्या खांदीची तक्रार नोंदवणे शिकले पाहिजे. उदा.

आमच्या कौलाला तुमची खांदी घासते.
तुमच्या कै-या पिकून आमच्या कौलांवर पडतात त्याचा आवाज होतो.
तुमच्या खांदीवरुन काल घरात जनावर आले. आमच्या घरी पोरेबाळे आहेत. ( शेजा-याला नसतील तर या वाक्यावर जोर)
उद्या तुमची खांदी आम्ही उपभोगली असा आरोप आमच्यावर नको.

तस्मात ती खांदी तोडा.

सगळे शक्य आहे पण आमच्या कोकणात पडणारा धोधो पाउस कुठुन आणणार ?
"प्रत्येक घरातुन एक केस कोर्टात" या धर्तीवर तिथे तेवढी न्यायालये लागतील..तेवढीच एकमेकान्बरोबर भांडणारी माणसे कोकणातुन आयात करावी लागतील.
कोकणात चालणारी यष्टी तिकडे न्यावी लागेल.
पानाची सुपारीची दुकानं.
पान खाउन पचा पचा थुकणारी माणसं

येवडा सगला पायजे. तवा कायता कोकन दिसुक लागल !!

उत्तम कल्पना रे विजू.
हॉटेलांमध्ये 'थंडगार कोकम सरबत' ठेवावे लागेल.
तिकडच्या स्त्रियांनि करवंदाचा जॅम्,लोणचे,सुपारी बनवायला शिकले पहिजे.
आंबे विकणार्यांनी त्यांच्या व्यवसायचे नाव 'निक्सन बंधू आंबेवाले'वगैरे ठेवायला शिकले पाहिजे.

तेथिल सर्व फॅक्ट-या, प्रकल्प हाकलून लावले पाहीजेत.

अहो विजूभाऊ, आहात कुठे?
दोन तीन महाराष्ट्र मंडळ वा तत्सम मराठीभिमुख संस्था काढून आणि आपापसात वाद घालात त्या सॅन ओझे वाल्यांनी मधल्या आळीचं नाव सार्थ केलय म्हणॅ.. खरा काय ता तिथलीच मंडली सांगतिल.. ;)

लिंबू मिरची मिळतात काय हो क्यालिफोर्नियात ? नाही म्हणजे करणी करायला अडचण येऊ नये, झालेच तर मुंजे, हडळ, खवीस, झोटींग इ. इ. जमाती एक्स्पोर्ट कराव्या लागतील.

नुकत्याच एका सेल-बाय-डेट होऊन गेलेल्या कोकणी नेत्याने म्हटल्यानुसार, प्रथम गुजरात्यांना बडवून काढावे लागेल. आता कोकणचा कॅलिफोर्निया करतांना काय अथवा कॅलिफोर्नियाचा कोकण करतांना काय, गुजरात्यांचा त्यात संबंध काय, असे विचारायचे नाही.

पण धर्मा मांडवकराची म्हैस कुठुन आणायची :(

आणि मग ....
सॅमचे श्याम
मूरचे मोरू
अ‍ॅनीचे अनू
मायकलचे मछिंन्द्र
इ.इ. नावे बदलावी लागतील
मग म्हणा.....
यावा,कॅलिफोर्निया आपलाच आसा.

किनार्‍यावर, नवसाला पावणारे, कुठल्याशा उत्खननात सापडलेले गंपती/येशू बसवावे लागतील.
बिकनी-बेब्जना पोकल बांबूचे फटके दिले जातील. पुरषांनी फक्त चट्टेरी-पट्टेरी चड्ड्या आणी 'प्यांटी' (हो, माहीत्याय माका याक्रण) घालावे आणी बायांनी फक्त साडी/च्युडीडार!!

चट्टेरी-पट्टेरी चड्ड्या घालून गडग्यावर एक पाय ठेवून मशेरी लावता आली पाहिजे.रशिया-जपानच्या पंतप्रधानापासून ते कुडाळच्या सरपंच- सर्वांची मापे काढता आली पाहिजेत.

कॅलिफोर्निया म्हणजे काली-पूर्णिया हो मूळची!!!! पौर्णिमा आणि अमावस्या अर्थात 'काळी' रात्र या दोन्ही वेळेस जी चांगली वाटते ती कालीपूर्णिया. त्याचा आता या हरामखोर इ. इंग्रजांनी अपभ्रंश केला ही गोष्ट वेगळी.

अदुगर शेराच्या मध्यावर एक पिंपलाच्या झाडासर पार आनी चावडी बांदूक व्हयी.. गाववाले थयसर सुशेगात बसूक तम्हाखूचा बार टाकत आजूबाजूच्या गावातल्या खबरींची देवान घेवान करतले....

अवांतर....सोकाजीनानांक क्यालीफोर्नियाचो म्हापौर करूक व्हया...

तुमच्या त्या pier 39 वर सोलकढी,कोंबडी वडे,गोटी सोडा ठेवावयास हवा.शॉपिण्ग मॉलमध्ये आंबा पोळी,खास उग्र वासाची फणस पोळी,तळलेले गरे हवेत.

.

विश्वजीत भोसले पाटील

आमच्या पश्चिम महाराष्ट्रावर एक धागा काढा, शिकागोचे सांगली वगैरे....

हे वाक्य पहिल्यांदा कोणी म्हंटले कोणास ठाउक. नंतर कायम चिकटले आहे कोकणाच्या बाबतीत. कॅलिफोर्निया आणि कोकण यात दोन्ही पश्चिम किनार्‍यावर आहे हे सोडले तर काय साम्य आहे मला माहीत नाही. अमेरिकेच्या एखाद्या भागाशी साम्य शोधायचेच म्हंटले तर हवाई शी जास्त आहे. तेथील निसर्ग, फळे, फुले ही जास्त कोकणासारखी वाटतात.

नारबाची वाडी हा त्यांचा णॅशणल शिनेमा घोशित करा. राजकारणातल्या नारोबाचं तिकडं पुनर्वसन होतय का पाहा.

नाष्ट्याला आम्लेट पावाऐवजी उसळ पाव

ब्याकयार्डाची पडवी करुन टकावी व तिथे एक कॉमन संडास बांधावा

विजुभाऊ उथळ निव्वळ कॉमेडी चालू केलीत पण शेवटी फारच शिरेस काकांसारखे बोलताय. टेँपो जातो ना अशाने. मस्त अर्ध पान चुना आणि बकणाभर सुपारी तोंडात कोंबून चिऱ्यावर बसायचं. अगोदर पंचमंडळी मुंडी हलवू देत. मग दशावतार रंगेल इकडे. असं सह्याद्री मुलाखतीसारखं लगेच आवराआवर करायची नाही.सध्या पुण्यावरचं वादळ कोकणात गेलं म्हणून जरा दम खाऊ दे त्यांना. तोपर्यँत प्रतापगडावरची चर्चा जोर पकडतेच आहे.

जपानचे पंतप्रधान एकदा बोधगयेचे दर्शन करण्यासाठी बिहार मध्ये गेले होते. त्यावेळी तत्कालीन मुख्यमंत्री लालूप्रसाद यांना भेटले होते. त्यांनी लालूजींना सुचवले की बिहारची सर्वसत्ता त्यांच्याकडे पाच वर्षे सोपवली तर ते बिहारचा जपान करून दाखवतील. त्यावर लालूजी म्हणाले त्यात काय मोठे!तुम्ही माझ्याकडे तीन वर्षासाठी सत्ता सोपवली तर मी जपानचा बिहार करून दाखवतो .

ठिव तुझो डबो, सोन्याचो नाय तो.

कॅलिफोर्नियात मालवणा नेमके कुठे शोभून दिसेल ;-) ?