मिसळपाव कट्टा म्हंजी सम्दे लोक एकत्र येत्यात. दोन चार शाण्यासारक्या गोष्टी करत्यात. देशाच्या सदयपरीस्थीतीवर (ह्यो सबुद आमच्या गावच्या मास्तुर नं सागीटला) चर्चा कर्त्यात. म्या कदी गेलो न्हाय पर म्हायती हाये. ह्ये बेनं जे कट्टा घेउन राज ठाकरे ला माराया आलं व्हतं त्यो कट्टा म्हंजी "पीस्टुल / बंदुक". हे साले सायकली पासुन कट्टे बनवत्यात बिहार मंदी. ५०० रुपायापासुन मिळतय बगा. घास घीस केली तर ३०० रुपायात देत्यात. सुक्या (बोंबील) मु. पो. डोंबलेवाडी ( आमच्या गावात पोस्ट हापीस नाय. लिवायचं म्हुन लिवलं.)

कट्टा= पट्टा सोडलेले जनावरं जो वापरतात तो..

कट्टा= ज्यात दारु भरुन ऊडवतात तो...

वरील तिनही माहीतीपूर्ण प्रतिसादांसाठी धन्यवाद! एकंदरीत पाचशेचा कट्टा घासाघीस करून तीनशेला मिळवला असला, तर जीवन हे काहीजणांच्या बाबतीत लाखमोलाचे असण्याऐवजी तीनशेच रुपयांचे कसे ठरू शकते हे कळले...

अनामिका, तुमचे म्हणणे बरोबर आहे.... राजकारणात लोक कधी शब्द फिरवतील हे सांगता येत नाही.. पण आबांकडून तरी ही अपेक्षा नव्हती.... विलासराव कधीच धडाडीचे निर्णय घेताना दिसत नाहीत. नाहीतर आपल्या देशात उद्योग धंदे न येता सगळे गुजरात मधे का जातात? याचा साधा विचारही केलेला दिसत नाही. तर प्रयत्न कोठून करणार... मराठी लोकांसाठी राज ठाकरेंनी उभे केलेल्या आंदोलनाला एक प्रकारे मोठी कारवाई न करुन मूक संमती देऊन किमान आबांनी तरी मराठी मनांत एक आदर्श स्थान मिळवलं होतं. आणि आता जर आबाच दिल्लीश्वरांच्या पायाशी लोटांगण घालू लागले तर मुंबई पोलिसांनाही कोणी वाली उरणार नाही.... उद्यापासून कोणीही मुंबईत बंदूका राजरोस घेऊन फिरतील आणि पोलीस नुसते बघत बसतील.... दिल्लीने जर समतेचे राजकारण केले तर केव्हाही मराठी माणूस सोबत आहे. पण आमच्या मराठी मातीत आमचे पाय उखडायचा प्रयत्न कराल तर तुमची मुंडकी छाटायला मराठी माणूस कमी करणार नाही , हा संदेश दिल्लीला खास करुन लालू-पासवान-नितीशला जाणे फार गरजेचे आहे. या मुद्द्यावर सगळ्या राजकीय पक्षांनी मतभेद बाजूला ठेऊन समोर यावे असे माझे मत आहे. राज ठाकरेंवर कायद्यानी भाषण , वक्तव्य करायला बंदी आहे नाहीतर सगळ्यात पहिला जवाब आणि तो ही मराठी ठसक्यातला राज ठाकरेंनी नक्कीच दिला असता. तेव्हा मात्र या शिपुर्ड्यांना पळता भुई थोडी झाली असती... असो.... मराठी अस्मितेसाठी सगळ्याच मराठी लोकांनी आपला लढा एकत्र येऊन लढावा या मताचा मी आहे. राज ठाकरे म्हणतात तसे, आपापसातील वाद आपण नंतर बघून घेऊ. पण बाहेरच्या आक्रमणाला तरी सगळ्यांनी एकत्र आले पाहिजे.... जय महाराष्ट्र..... सागर

हिंसा सर्वथैव वाईटच. मूळ मुद्दा मान्य. बहुधा बिहारच्या नेत्यांना मूंबईचे कायदे माहित नसावे. वरील वाक्यात "मुंबईचे" हा शब्द घालायची गरज नाही. : "बहुधा बिहारच्या नेत्यांना कायदे माहित नसावेत अथवा नाहीत." असे म्हणले तर जास्त योग्य ठरेल. ;) ऍनकॉन्टर ला चकमक अथवा पारध असा मराठी शब्द वापरावा. पारध नक्की नको, कारण पारध हा शिकारी आपल्या शिकारीची करतो. त्याचा अर्थ वेगळा होईल.

सहमत -- आम्ही जालिय देशमुख आहोत. आम्ही फालतु आठयाळ, राखुंड्या लोकांकडे लक्ष देत नाही. योग्य वेळी आम्ही त्यांना कात्रजचा घाट दाखवु.

स्वामी सारखे काही जण असतात त्यांना आरक्षणाशिवाय काही दिसत नाही. स्वामी साहेब बिहारी असो वा आणि कोणि महाराष्ट्रात प्रत्येक जण पोट भरण्यासाठी येतो. इथे दोन वेळच्या अन्नाची मारामार त्यांना सतावत असते. त्याचा विचार ते करत असतात आणि तुमच्या सारखे उच्चभ्रु त्यांची खिल्ली उडवतात . शेवटी आपला आर्थिक,सामाजिक उत्कर्ष साधणे महत्वाचे काही जण उभ्या हयतीत तो ही साधू शकत नाहीत. आपला कॉ.विकि

समजा आता जर सर्व बिहारि जनतेने आम्हाला आरक्षण मिळावं अशी मागणी केली तर?ते मागासलेले आहेत, त्यांच्यावर अत्याचार(?) होत आहेत,समाजातल्या गरीब आणि पिछ्ड्या वर्गासाठी काहि तरी केलं पाहिजे या जाणीवेतुन त्यांना आरक्षण का देण्यात येवु नये?

=)) =)) =)) =)) =)) बाकी आमच्यासारख्या गरिब ओपन लोकांचं काय हो ? शैक्षणिक कर्ज आत्ताशी फिटलं ... बाकी आज काल श्रीमंती असायला काही उच्च कुळातलंच असावं लागतं असं काही दिसत नाही , राडोची घड्याळं आणि स्कॉर्पियो आजकाल रामदास (आठवले का ?) यांच्या समर्थकांकडे असतात असं दिसतं .. आपल्याला काय घेणं देणं नाय ब्वॉ जातिशी, पण तथाकथित बहुजन असला म्हणजे सरसकट चटया न भेळ विकणारा असावा का ? असा विनोदी प्रश्न पडतो... बाकी समस्या फार आहेत. न्याय सगळ्याच स्तरांतल्या लोकांना समान असावा असे वाटते , उगाच कोणी केवळ कोणत्या जातिचा आहे ते पहाण्यापेक्षा कुठे सामाजिक दृष्ट्या खालावलेला असेल तर काही शैक्षणीक लेव्हल पर्यंत त्यांना (फक्त आर्थिक दृष्ट्या मागासलेल्यांना, जातिच्या नावावर माजलेल्यांना नव्हे) वर आणन्यासाठी प्रयत्न व्हावेत असं मनापासून वाटतं ... (अवांतर : आमचा वाद फक्त माणसांशी आहे. शिंगावर घेणार्‍या बैलांशी नाही. त्यांच्याशी द्वंद्व करण्यासाठी फाटा उत्तम ,मिपावर रिप्लाय अपेक्षित नाही. आम्ही कोणाचे प्रत्यक्ष नावही घेतले नाही, आपला संबंध लावुन आपली लाल करून घेणारा स्वत: जबाबदार असेल. :) ) कळावे, लोभ नसावा --टाराज ठाकरे (मिसळपाव नवनिर्माण सेना) बघता काय सामिल व्हा

.

भारतीय संघराज्याचे विघटन. महाराष्ट्र वेगळे . हा उपाय आहे की अपाय याचा विचार करायला हवा. मला वाटते की विकीसाहेब हे त्राग्याने अथवा उपरोधाने म्हणाले असावेत. तरी देखील ते मनापासून म्हणत आहेत असे गृहीत धरून उत्तर देतो... आता प्रत्येकाला स्वतःची भाषा,भाषिक अस्मिता महत्वाची वाटू लागली आहे. सारख दिल्ली च्या पुढे झुकण्यापेक्षा राज्यांचे विघटन हा सरळ सोपा उपाय. तो बिहारी तरुण किंवा अन्य कोणि राज द्वेषाने का पछाडला. या बाबींचा विचार करणे आवश्यक आहे. राजची आंदोलन करण्याची पद्धत कुणाला पटेल न पटेल, त्यात त्याचे व्यक्तीगत राजकारणी स्वार्थ आहेत याबाबत दुमत नसले तरी ते कारण काही चुकीचे होते असे वाटत नाही...विकी साहेबांचा हिंसेला विरोध असेल तर तसे त्यांनी सांगावे की त्यांचा सर्वांकडून होणार्‍या हिंसेला विरोध आहे म्हणून केवळ राज ठाकरे करतात त्याच हिंसेला नाही म्हणून ;) भाषा, अस्मिता वगैरे महत्वाचे वाटणे एक आणि त्याचा परीणाम म्हणून इतके टोक गाठणे एक झाले. असे टोक कधी गाठले जाते? - जेंव्हा स्थानीक माणसावर जाणून बुजून अन्याय होतो तेंव्हा. जेंव्हा स्थानीक भाषेला कुत्सितपणे वागवले जाते तेंव्हा. आणि जेंव्हा नवीन प्रांतात येऊन तेथील योग्य राहणी शिकण्याऐवजी "आम्ही बिघडलो तुम्ही बिघडना" म्हणले जाते तेंव्हा... आज या सर्व प्रसंगावर एकंदरीत बोलणारे कोण आहेत? - उत्तर प्रदेश आणि बिहारातील नेते. आज तुमचे कलकत्याचे कॉमिबंधू तरी बोलतात का ते पहा... कारण त्यांना माहीत आहे बिहारी म्हणजे काय ते. आसामातील काँमी बंधूंनी पण बिहारींना काय केले ते माहीत असेलच. तीच अवस्था कॉमी नसून देखील कर्नाटकातील. पण त्यावेळेस महाराष्ट्रासंदर्भात जसा आरडा ओरडा झाला तसा झाला नाही... असे का? आणि तरी देखील मला अनेक बिहारी माहीत आहेत जे अतिशय चांगले, कर्तुत्वान वगैरे आहेत...तेच इतरांच्याबाबतीत ही असेल पण सांख्यिकीच्या दृष्टीने पहाल तर जेथे जातो तेथे स्वतःचे बस्तान बसवताना तेथील लोकांवर अन्याय, बेकादेशीर वागणे, भाषेचा अपमान, हे जितके होईल तितका असाच प्रकार सर्वत्र असे जे कोणी वागतील त्यांच्या बाबतीत होईल. येथे ते बिहारी आहेत इतकेच काय ते.. हे सर्व होण्याचे कारण केवळ या सर्व प्रांतातील सामान्य नाहीत तर येथे कुठलीच व्यवस्था न निर्माण करणारे राज्यकर्ते आहेत. कधी कधी मला असे खरेच वाटायचे, की हे प्रदेश किमानपक्षी काही काळाकरता तुमच्या कम्युनिस्ट पक्षाकडे चालवायला द्यावेत. एकदा का लोकशाहीच्या लाडाऐवजी ठोकशाहीत प्रसाद मिळाला की येईल तमाम जनता ताळ्यावर. पण मग कलकत्त्याचे काय केले ते पाहीले आणि बोलणेच खुंटले... असो.