उपवासाचा पौष्टिक चिवडा साहित्यः नायलॉन साबूदाणा डिंक शेंगदाणे सुक्या खोबर्‍याचे काप काजू-बेदाणे बटाट्याचा खिस (वाळवलेला) (वरील सर्व एक-एक वाटी) तळण्यासाठी तूप किंवा रिफाईन्ड तेल जिरे, मीठ, साखर, तिखट (चवीप्रमाणे) कृती: तेल/ तूप कढईत गरम करावे. आधी साबूदाणा तळून घ्यावा. पाठोपाठ एक एक करुन डिन्क, शेंगदाणे, खोबरे, बटाट्याचा खिस, काजू, बेदाणे, जिरे तळून घ्यावेत. सर्व पदार्थ एकत्र करावेत. त्यावर मीठ, पिठीसाखर, तिखट भुरभुरून एकत्र करावे. हा चिवडा उपासाला चालतोच, शिवाय बाळंतिणींना पारंपारिक पद्धतीच्या डिंकाच्या लाडूंऐवजी, पौष्टिक पदार्थ म्हणून उपयोगी होउ शकतो.