बाटाटा हाईट्सवर प्रतिक्रिया दिलेल्या सर्वमिपाकरांचे आभार. ही कथा मी मनोगत २००७ च्या दिवाळी अंकात दिली होती. हीच कथा मिपावर पुनःप्रकाशित केली याचे कारण असें की, गेल्या आठवड्यात मी , 'अजि म्या बी बर्म पाहिले' या शीर्षकाखाली पु.ल. देशपांडे यांच्या कांही व्यक्तिचित्रांच्या आधारे एक लहानशी स्वप्नकथा प्रसिद्ध केली होती. ती आवडल्याच्या अनेक प्रतिक्रियाही आल्या. पु.ल. देशपांडे हे माझं एक श्रद्धास्थान. त्यांच्याच व्यक्तिचित्रांच्या आधारें आणखी कांही लिहावे अशी मनस्वी इच्छा होती व तसे केले तर ते वाचकांना आवडेल ,कारण मूळ स्त्रोत - भाईंचे लेखन- कमालीचे आवडणारे आहे, असा एक कयास होता व आहेही. याच सूत्राला धरून एक कथा किंवा कथा मालिका मनात घोळते आहे. ती यथवकाश प्रसिद्धीला येईलच. दरम्यान ही पुर्वप्रकाशित कथा भाईंच्या चाहत्यांना पुनः प्रत्ययासाठी द्यावी असे वाटून मी ती मिपावर दिली. यात कांही निराळा हेतू नव्हता. अन्य स्थळांवरील अथवा जालनिशींवरील लेखने पुन्हा मिपावर प्रसिद्ध होणे ही कांही नवीन गोष्ट आहे असे नाही. तथापि, ज्या कोणाला या शिळ्या पोळीचा चिवडा खाऊन अपचन अथवा अजीर्ण झाले असेल तर मी त्या सरवांची क्षमा मागतो आणि नवीन कांही शिजवता आले तरच मिपाच्या 'मेनू कार्डावर' देईन, असें मी अफेडेव्हिट करीत आहे. ते मेहेरबानांस जाहीर होय. पुन