✍ मराठी साहित्य, संस्कृती आणि लेखनाचे व्यासपीठ

तुम्ही आय लव्ह यू च उत्तर काय द्याल?

सुवर्णमयी यांनी
 ·  लेख
लेख
"व्हॅलेंटाईन्स डे" यंदा पौर्णिमेला येतो आहे (बहुधा.. ) म्हणजे अगदी दुर्मिळ असा योग! प्रेम कुणावर, केव्हा आणि कोणत्या वयात होऊ शकत त्याच काही सांगता येत नाही अस म्हणतात. एकदा प्रेमात पडलेली व्यक्ती किमान तीन वेळा आयुष्य़ात प्रेमात पडते.. (पडते म्हणजे तोंडघाशी पडते असा अर्थ घेऊ नये..) तेव्हा अगदी ध्यानी मनी नसतांना, किंवा अनपेक्षित व्यक्तीकडून तुम्हाला प्रेमाचा या दिवशी संदेश मिळाला तर तुमची प्रतिक्रिया काय असेल?
42291 वाचन
💬 प्रतिसाद (126)

प्रतिक्रिया

भाते
Sun, 02/02/2014 - 20:49 नवीन
धागा वाचुन माझ्या मनात पण हेच आले होते. :) पण धाग्याचा वार आणि वेळ बघितल्यावर शंका आली कि कदाचित शुक्रवारी हापिसात वेळ जात नसेल म्हणुन काढला असेल धागा. ह. घ्या. हो सुवर्णमयी.
↩ प्रतिसाद: आदूबाळ

सूड
Fri, 01/31/2014 - 19:02 नवीन
तो: (लाडात येऊन)संगे, गंऽऽऽ संगे. ती: तुला कांय झालांय रं मेल्या आज? तो: मांजा पिरेम हांय तुज्यावं. *blush* ती: आँऽऽऽऽ!! जल्लां म्होरा तुजा. पटकी आली नाय ती तुज्यावं!! आसली फालतू कामा करीत बसलो तं मांजी गुरां कोन बगील? तू परत आसला काय बोलच, नाय चुलीतला कोलीत मारला तुज्या पाटानीत तं नावाची संगी नाय !! तो: *shok* =))))

पैसा
Fri, 01/31/2014 - 19:46 नवीन
जल्लां तुजां कालीज करपाटलां तां!
↩ प्रतिसाद: सूड

उपास
Fri, 01/31/2014 - 20:20 नवीन
व्हॅलेंटाइन डे 'पौर्णिमेला' आल्याचा दुर्मिळयोग साधायची तयारी अंमळ पंधरा दिवस आधीच सुरु झालेय तर.. असो माझं उत्तर - 'उशीर केलास' किंवा उत्तर भारतीय असेल तर 'देर आये दुरुस्त आहे' आणि अभारतिय असेल तर 'Better late than never' काहीही झालं (नाही) तरी एक कॉफी मात्र नक्की होईल.. बाकी (नेहमीच्या) व्हेलेंटाईन बरोबर (नेहमीचा) व्हेलेंटाईन साजरा होईलच ;)

आयुर्हित
Fri, 01/31/2014 - 20:52 नवीन
आप का साथ, साथ फूलों का आप की बात, बात फूलों की फुल खिलते रहेंगे दुनियाँ में रोज निकलेगी, बात फूलों की साभार: गीतकार: मखदुम मोहिद्दिन, गायक: लता-तलत अजीज, संगीतकार:खय्याम, चित्रपट:बाजार - 1982

श्रीरंग_जोशी
Sat, 02/01/2014 - 02:18 नवीन
जो प्रश्न मिपाकरांना विचारलाय त्याचं उत्तर तुम्ही पण द्यायला हवं? केवळ लाईकून चालणार नाय...
↩ प्रतिसाद: सुवर्णमयी

पिवळा डांबिस
Sun, 02/02/2014 - 10:53 नवीन
लिहा, सविस्तर लेख लिहा, आम्ही जरूर वाचू... आम्ही फक्त 'ब' च्या प्रेमात असलेल्या 'अ' शी जर 'क' ने 'अ' वर असलेलं प्रेम व्यक्त केलं तर 'अ' ची प्रतिक्रिया काय असावी ते सांगितलंय!! आमच्या उत्तरात 'अ' ने 'क' चं त्याच्या/तिच्यावर असलेलं प्रेम अ‍ॅकनोलेज तर केलंय पण आता त्यावर काय अ‍ॅक्शन घ्यायची ते सर्वस्वी 'अ' च्या हातात आहे.... :) "बझीचा-ए अतफाल, है दुनिया मेरे आगे, होता है शबो-रोज, तमाशा मेरे आगे ||" :)
↩ प्रतिसाद: विजुभाऊ

विजुभाऊ
Sun, 02/02/2014 - 13:49 नवीन
ओ पिडां काका. अ ब क असली काळकाम वेगाची गणीते नका टाकु? आमच्या गणीताच्या मास्तरानी फुटके हौद गळक्या तोट्या आणि भिंत बांधणारे अ ब आणि क नामक मजूर असलंच शिकवलय. अ ब किंवा क नामक मजूर प्रेमात पडले तर काळ काम आणि वेगाची गणना करायला लावणारी गणीते कधी शिकवलीच नाहीत. काय करणार आम्ही पडलो सातार्‍याचे. ठाण्यातले असतो तर गोष्ट वेगळी झाली असती. ;)
↩ प्रतिसाद: पिवळा डांबिस

प्यारे१
Sun, 02/02/2014 - 14:21 नवीन
का नाव घालवायलाय सातारचं विजुभौ! ;) आक्ख्या महाराष्ट्रात जगप्रसिद्ध महाबळेश्वर सातार्‍यात आहे, आक्ख्या भारतात शालेय शिक्षणासाठी प्रसिद्ध पाचगणी सातार्‍यात आहे जिथं शालेय शिक्षणाबरोबर/आधी सगळ्या बाराखड्या शिकल्या शिकवल्या जातात. नुसतं अ ब क काय घेऊन बसला आहात??? बरेच ठाणेकर 'पंचगनी महाबलेश्वर' ला येतात हो 'कोचिंग क्लासेस' साठी.
↩ प्रतिसाद: विजुभाऊ

भाते
Sun, 02/02/2014 - 20:35 नवीन
तुम्ही 'फुटके हौद गळक्या तोट्या आणि भिंत बांधणारे अ ब आणि क नामक मजूर' ही ऊदाहरणे दिलीत पण भिंतीवर चढणाऱ्या पाली 'एक फुट वर जा अर्धा फुट खाली ये' विसरलात की!
↩ प्रतिसाद: विजुभाऊ

वामन देशमुख
Sat, 02/01/2014 - 15:00 नवीन
अहो, "हे काय" म्हणून काय विचारता? कुणी आपल्याला "हॅपी न्यू इअर्" म्हटल्यावर आपण "थँक्यू, अँड् सेम् टू यू!" असेच म्हणतो ना? "आय् लव् यू"चही तसंच झालंय आजकाल... हा हा हा...!!!
↩ प्रतिसाद: आनन्दिता

प्रा.डॉ.दिलीप बिरुटे
Sun, 02/02/2014 - 12:22 नवीन
असं थेट विचारलं तर मी गोंधळून जाईन. माझा विश्वास वगैरे बसणार नाही. आणि सावरलोच धक्क्यातून तर 'लव यू टू' असं म्हणेनच म्हणेन. पण, वाट बघायला लावू नये बॉ कोणी कोणाला असं.... लय जीवघेणं असतं ते. आणि कोणीही कोणत्या निमित्तानं 'व्यक्त' होत असेल तर मी त्या सर्व निमित्तांचं स्वागत करेन. Thanks To facebook :) -दिलीप बिरुटे

तिमा
Sun, 02/02/2014 - 14:24 नवीन
दुसर्‍या कोणीही विचारले तर आम्ही नाही म्हणू. पण या वयातही वहिदा रेहमान, प्रभा अत्रे,शबाना आझमी यांनी विचारले तर टुणकन उडी मारुन गळ्यांत पडू.

सुवर्णमयी
Sun, 02/02/2014 - 23:50 नवीन
धन्यवाद असे म्हणेन. तीनही प्रेम आहेत तेव्हा आता आणखी नव्याला जागा नाही... क्षमस्व:)

समीरसूर
Mon, 02/03/2014 - 23:20 नवीन
विवाहितांसाठी हा प्रश्न बाद आहे का? कारण काही स्कोपच नाही म्हटल्यावर उगीच कोप तरी कशाला ओढवून घ्या. प्रेमाचं म्हणाल तर फार सोपं असतं हो ते...छान, सुरेख मुलगी दिसली की तात्काळ तिच्या प्रेमात पडायचं आणि ती नजरेआड झाली की सर्रकन स्वतःला बाहेर काढून घ्यायचं. बहुतेक सगळे ३०-५० वयोगटातले पुरुष असंच करतात. ५० च्या पुढचे काय करतात माहित नाही. ३० च्या आधीचे नाहक मजनू-बिजनू बनून फिरतात आणि "दिल का दर्द, तुम्हारी आंखों मे देखा तो उल्फत..." वगैरे अवस्था करून टाकतात स्वतःची. एवढं काही ते अवघड नसतं. ;-) बाकी आता कुणी तसा संदेश पाठवला (ज्याची की शक्यता शून्य टक्के आहे) तरी मी डगमगून जाणार नाही. मोठ्या धीरोदात्तपणे मी या समरप्रसंगाला सामोरा जाईन. कुठल्यातरी हॉटेलात तिला घेऊन जाईन, मस्त कॉफी वगैरे पितांना तिच्या निर्णयातला फोलपणा तिला समजावून सांगीन आणि "पुढच्या जन्मी मी फक्त तुझाच..." असं भरघोस आश्वासन देऊन तिला घरी सोडून येईन (आणि गुपचूप तिचं घर ही पाहून ठेवीन ;-)).

प्रसाद गोडबोले
Tue, 02/04/2014 - 17:48 नवीन
विवाहितांसाठी हा प्रश्न बाद आहे का?
का बरं ? प्रेमाचा अन लग्नाचा काय संबंध ;)
↩ प्रतिसाद: समीरसूर

प्रसाद गोडबोले
Tue, 02/04/2014 - 17:51 नवीन
तेव्हा अगदी ध्यानी मनी नसतांना, किंवा अनपेक्षित व्यक्तीकडून तुम्हाला प्रेमाचा या दिवशी संदेश मिळाला तर तुमची प्रतिक्रिया काय असेल?
>>> चालेल की ! सवती सवती भांडनार नसाल तर आमची काही हरकत नाही ! मोअर द मेरीयर :) ---- खरा तो एकचि धर्म जगाला प्रेम"बिम" अर्पावे !! - गोडबोले गुरुजी

सुहास..
Tue, 02/04/2014 - 21:05 नवीन
केवळ गम्मत ..ह घ्या रे बाबांनो ती : आय लव्ह यु सोन्याबापु : प्रेम हाच ग्रंथ , व्हॅलेन्टाईन हाच प्रेमग्रंथ ती : आय लव्ह यु सुड : आजचा सुविचार (?) : जिथे प्रेम नसेल तिथे सुड ही नसेल ती : आय लव्ह यु प्रशांत आवले : पांडुंरग पाडुंरग ती : अरे, आय लव्ह यु प्रशांत आवले : श्री हरी श्री हरी ती : *$#^%$^&$ प्रशांत आवले : विठ्ठल विठ्ठल, जय हरी विठ्ठल ती : आय लव्ह यु पैजारबुवा : ॐ प्रेममदः प्रेममिदं प्रेमत्प्रेममुदच्यते प्रेमस्य प्रेममादाय प्रेममेवावशिष्यते तो : आय लव्ह यु पैसा : Don't waste your time with explanations: people only hear what they want to hear - Paulo Coelho ती आय लव्ह यु विजुभाउ : तेरी मेरी कहानी ...एक नैंन पे दुसरा फ्री !! ती: आय लव्ह यु मोदक : काय ...कधी ...कुठे ? ती : आय लव्ह यु मुक्त विहारि : ( आता प्रेमकट्टा पण भरवायला हवा ! ) प्रेमकट्टा ! आपआपल्या प्रेमाबरोबर ती : आय लव्ह यु श्रीरंग_जोशी : आय_लव्ह_यु_टु_ खरड_फळ्या_वर_ये ( क्रमश : )

श्रीरंग_जोशी
Tue, 02/04/2014 - 21:42 नवीन
मजा आली. ती : आय लव्ह यु बारामतीचे काका : नियमात बसते की नाही हे पाहून धोरणात्मक निर्णय घ्यावा लागेल.
↩ प्रतिसाद: सुहास..

प्यारे१
Tue, 02/04/2014 - 21:59 नवीन
ती: आय लव्ह यु क्लिंटनः (स्वगत) १९८७ साली ती एकदा असंच म्हणालेली, त्यानंतर १९९२ साली ती दुसर्‍याच्या प्रेमात पडता पडता राहिली. ९७ साली असंच काहीतरी झालं.... उत्तर व्यनितूनच देईन! ती: डिपॉझिट जप्त झालंय तुझं! ;) ती: आय लव्ह यु स्पावड्या: खिक्क्क! ती: आय लव्ह यु लिमाऊ : तुझ्या लाल रिबीनीत कोंडा साठलाय. ती: आय लव्ह यु गणेशा: मला तू दिसत नाहीयेस. ती: आय लव्ह यु इ ए: चल, अल्जिरियाला प्रवास करुन येऊ. ती: आय लव्ह यु मुवि: चल कट्टा करु. ती: आय लव्ह यु वल्ली: तुझ्यात मला मूर्ती दिसतेय ती: आय लव्ह यु .... : तुला तू काय बोलतेय ते कळतंय का? काही आचपेच नाही, अक्कल काडीची नाही नि .... मी आधीच्च सांगितलेलं.
↩ प्रतिसाद: सुहास..

लॉरी टांगटूंगकर
Wed, 02/05/2014 - 00:46 नवीन
दोन्ही लै लै भारी !!! ती: आय लव्ह यु बॅटमॅन- आश नाझ्ग दुर्बातुलुक, आश नाझ्ग गिम्बातुल, आश नाझ्ग थ्राकातुलुक, अघ बुर्झुम ईशी क्रिम्पातुल!!!! ती- मर मेल्या .. ती: आय लव्ह यु जेडी- आयला धामीण !!!!! ती: आय लव्ह यु गणपा- चल पेरी पेरी चिकन खाऊ ती: आय लव्ह यु - हे सप्रमाण सिद्ध करायला काही विदा आहे का? या जाणीवेसंदर्भातले संशोधन आपण कुठे केलंत ?? कुठल्या जर्नलमध्ये या भावनेबद्दल काही केस स्टडी आहे का?? ती: आय लव्ह यु स्वॅप्स – ते काहीही असलं तरी क्यामेरा मात्र निकॉनच भारी !!! चल जाऊन खाऊ चहा खारी.. ती: आय लव्ह यु मालक- जागेवरून गायब, दुसऱ्या दिवशी फोटो आणि खाली ओळी.. ही आमची ढमी. हिच्यावर आमचा भारी जीव. ती: आय लव्ह यु धमु- फुस्स्स्स्स्स्स्स्स्स्स्स काय लाजवता का जीव घेता? नाकातोंडातुन कॉफी उडाली ना.
↩ प्रतिसाद: आदूबाळ

पैसा
Wed, 02/05/2014 - 08:38 नवीन
मस्त आहे! सगळ्यांची प्रतिभा मोकाट उधळते आहे!
↩ प्रतिसाद: लॉरी टांगटूंगकर