आता लोकांना भेट द्यायला वापरता येतील

आपले निरीक्षण बरोबर आहे - असे माझेही मत आहे.

जाउद्या हो... असते काही जणांना काजू कतरी सोडून शेण खायची सवय... आपण आपलं वाचन कमी होऊ द्यायचं नाही.. सिरियल बघून जगाचं जे काही अगाध ज्ञान मिळतं त्यापेक्षा आपल्याला पुस्तकातून मिळालेलं ज्ञान पुरे...

मग ती पुस्तकं एखाद्या सार्वजनिक वाचनालयात देऊन त्यांचं सदस्यत्व घ्यायचं.... आणि नवनवीन वाचत रहायचं... इच्छा तेथे मार्ग... :)

वाचनालयात लॅपटॉप किंवा कॉप्युटर वर मिसळपाव उघडुन ठेवा...ईथेहि बरच वाचनीय असतं! लोक्स ऑनलाईन वाचाला तरि नाहि म्हणणार नाहि. @ संजयः :))

हल्ली इंटरनेट जास्त वापरणारे जास्त चिडचीड करतात म्हणे, म्हणुन म्हणतो वाचाल तर वाचाळ

वाचन कमी होत चाललं असेल-नसेलही पण तुमची टीचभर धाग्यांची फ्रीक्वेन्सी काही कमी व्हायला तयार नाही.

बदलत्या काळानुसार, रुचीनुसार बदलणारी पुस्तके लिहिली का जात नाहीत? असा प्रश्न पडायला हवा. बाकी, हीच वेळ नसणारी माण्सं राशीभविष्य, गर्भसंस्कार, यशस्वी होण्याचे क्षक्षक्ष उपाय वगैरे पुस्तके मात्र हमखास वाचताना दिसतात नै?

नाही वाचले तर काय झाले? सगळ्यांनी सगळे केलेच पाहिजे का? अभ्यासाची पुस्तके तर सगळेच वाचतात. काहिंना तेव्हडेच पुरेसे वाटत असेल तर तुमची काय हरकत आहे?

=)) =)) =)) हो सर , आम्ही तुमचे फ्यान हौत

वाचन कमीबिमी काहीही होत नाही आहे. उलटपक्षी त्यात वाढच होत आहे. १. मराठी पुस्तकांच्या विक्रीत गेल्या काही वर्षांत सातत्याने वाढ होत आहे. नवनवीन प्रकाशक येताहेत. जुने प्रकाशक वाचकांना आकर्षित करण्यासाठी वेगवेगळ्या योजना काढत आहेत (५० रुपयांत कुठलेही पुस्तक, किलोच्या भावाने पुस्तके वगैरे) २. आंतरजालावर मराठी साहित्याची भरभराट होते आहे. मिपा (आणि इतर प्रतिस्पर्धी मंचां) वर उत्तमोत्तम साहित्याची लयलूट सतत चालू असते. त्यामुळे आंतरजाल हे साहित्याच्या वाढीला मारक नसून पूरक आहे हे लक्षात घेतलं पाहिजे. ३. टीव्हीचं (आणि इतर माध्यमांचं) ही तसंच. नुकतेच आलेले "शाळा", "निशाणी डावा अंगठा", "पांगिरा" हे चित्रपट साहित्यकृतींवर आधारित होते. मालिकांच्या बाबतीत "गंगाधर टिपरे" आणि "साळसूद" या आठवतात. तुमच्या सोसायटीच्या वाचनालयाबाबत खालील मुद्दे तपासून पहा: - पुस्तकांचा संग्रह किती मोठा आहे? - त्यातली "हमखास उठावाची" पुस्तकं किती (उदा. सुहास शिरवळकर, वपु), अभिजात पुस्तकं किती (उदा. खांडेकर), वगैरे. ही यादी अजूनही पुढे वाढवता येईल. - कार्यपध्दतीमध्ये काही बदल करणे आवश्यक आहे का? (उदा. लोकांना वाचनालयात आणण्याऐवजी घरपोच पुस्तकं देणे) मी स्वतः वाचनालयाचा सभासद होताना (किमान) या बाबींचा विचार केला असता. अजून एकः वाचनालय सुरू करताना "मार्केट सर्व्हे" नीट केला आहे ना?

आजकाल लोकांना पोरं कमी असतात म्हणून कमी होत आहे हो लोकांच.... असं म्हणायच का?

हल्ली मराठी लेखक इंग्रजीमध्ये बेस्टसेलर म्हणून मिरवत आहेत. किती दिवस ते दहा कॉपी फ्री च्या बोलीवर पुस्तक छापायला द्यायचं मराठी लेखकांनी तरी ?

प्रताधिकार कायद्याचा अभ्यास करा..

पुस्तके वाचणे कमी होत चाललंय असं अजिबात वाटत नाही पण पुस्तके त्यांच्या पारंपारिक म्हणजेच कागदी स्वरूपात वाचली जाणे कमी होत चाललंय असे मात्र वाटते. हा बदलही प्रचंड स्वरूपात होत आहे असे नाही.पण आंतरजाल हे एक अपार ज्ञानभांडार बनून आपल्यासाठी हवे ते ज्ञान मिळवणे अत्यंत सुकर झाले आहे.