Skip to main content

जंबो पास्ता शेल्ल्स सॅलॅड

लेखक Mrunalini यांनी बुधवार, 07/11/2012 21:14 या दिवशी प्रकाशित केले.
साहित्यः जंबो पास्ता शेल्ल्स - १०-१२ चिकन - १ कप (उकडुन आणि shreded) क्रिम चिज - १ कप (मी लसुणच्या फ्लेवरचे घेतले होते) स्वीटकॉर्न - १/४ कप चेरी टोमॅटो - ३ चमचे बारीक चिरुन (टोमॅटो मधील गर काढुन टाकावा) गाजर - ३ चमचे बारीक चिरुन बेसील - २ पाने बारीक चिरुन ऑलिव्ह ऑईल - २ चमचे काळि मिरी पावडर - १ चमचा मिठ चवीनुसार पाणी पास्ता उकडण्यासाठी कृती: १. एका भांड्यामधे पाणी गरम करण्यास ठेवावे. त्यात १ चमचा ऑलिव्ह ऑईल व २ चमचे मिठ टाकावे. २. पाणी उकळल्यावर त्यात पास्ता टाकुन १०-१२ मिनिटे शिजवुन घ्यावा. (किंवा तुम्ही पास्ताच्या पॅकेटवर दिल्या प्रमाणे कृती करु शकता) ३. पास्ता उकडल्यावर तो गार पाण्याखाली २-३ मिनिटे धुवुन घ्यावा. त्यावर वरतुन १/२ चमचा ऑलिव्ह ऑईल टाकुन मिक्स करावे, त्यामुळे ते चिकटणार नाहित. salad ४. एका बाउल मधे क्रिम चीज, चिकन, स्वीटकॉर्न, टोमॅटो, गाजर, बेसील, ऑलिव्ह ऑईल, काळि मिरी पावडर व चवीप्रमाणे मिठ घेउन मिक्स करावे. ५. हे सॅलॅड प्रत्येक पास्ता शेल मध्ये भरावे व १०-१५ मिनिटे गार करावे. ६. सॅलॅड बेसील, लाल मिरची पावडर किंवा chilly flakes व ऑलिव्ह ऑईलने सजवुन serve करावे. salad
वाचने 27049
प्रतिक्रिया 16

प्रतिक्रिया

रेवती बुधवार, 07/11/2012 21:59
वाह! फोटो तर चांगला आला आहेच पण साहित्यही भारतात मिळण्यासारखे आहे. आम्ही चिकन वगळून हा प्रकार बनवू.

Mrunalini गुरुवार, 08/11/2012 11:48
धन्स पियुशा :) तु हेच सॅलॅड चिकन वगळुन पण करु शकते किंवा त्या बदली अजुन उकडलेला बटाटा, फ्लॉवर etc वापरु शकते.

गणपा गुरुवार, 08/11/2012 13:06
जब्रा दिसतय. पहिल्यांदा जेव्हा हा पास्ता चाखला तेव्हा तो चक्क रब्बर सारखा चिवट होता. तेव्हा पासुन एकुणच पास्ता प्रकाराविषयी धास्ती बसली आहे मनात.

स्मिता. गुरुवार, 08/11/2012 14:06
एक नंबर जबराट प्रकार दिसतोय हा... करून बघायलाच हवा. लसूणाच्या फ्लेवरचं चीज क्रीम आवडतंच.

कच्ची कैरी शनिवार, 10/11/2012 08:43
माझ्या मुलाला पास्ता हा प्रकार खुपच आवडतो तेव्हा ही पाककृती त्याला नक्की आवडेल :) नक्कीच करुन बघीतली जाईल http://mejwani.in/

पैसा शनिवार, 10/11/2012 15:13
पण पास्ता फार आवडत नाही त्यामुळे त्यात काहीही [चिकन्/भज्या]भरण्यापेक्षा फोटो बघून समाधान झालं.

मदनबाण शनिवार, 10/11/2012 16:38
पैसा तायशी यकदम सहमत... मला पण हे पास्ता प्रकरण आवडत नाही. काय माहिती पण हे मला अगदी लिबलिबीत वाट्ट खाताना !

इरसाल शनिवार, 10/11/2012 16:50
हे भरलेले पास्ता म्हणजे कोणीतरी शंखच सजवुन ठेवले आहेत असे वाटते.फटु लै भारी. पास्ता हा माझ्या मुलीचा जीव की प्राण आहे. ट्राय मारावा म्हणतो. जरी इतका छान आणी सुंदर नाही बनवता आला तरी. अवांतर : हे बघा मी अजुनही माझा झेंडा घट्टपणे सांभाळत सुचना देतोय की ह्या मोजक्या २/३ गृहिणा/गृहिणींना बंदी घाला मिपावर. मागाहुन तक्रार चालणार नाही. ;)