जन्मकुंडलीत नोकरी, करीअरचे स्थान कोणते? सहावे की दहावे?

या सगळ्याची फळे म्हणून तुम्हाला तिरकस आणि घालून्-पाडून प्रतिक्रीया येतील.
तुमच्या सहाव्या स्थानाला पर्‍या लागणार आहे तेंव्हा अता असलेल्या ग्रहांपेक्षा ह्या लागणार्‍या ग्रहाची चिंता करा....'
तुमचे नशिब चांगले म्हणून या धाग्याला टार्‍याचे दशा नाही... नाही तर काही खरे नव्हते.
असो... जाणकार सांगतीलच

बघू किती स्कोअर होतो... ;)

निमिष'जी.. दहाव्या स्थानावरूनच प्राथमिकतः नोकरी, व्यवसाय, करियर इ. गोष्टी बघितल्या जातात.
आपण म्हणता त्याप्रमाणे जर कुणाच्या कुन्डलीत सहाव्या स्थानाचा -सिंह राशीचा स्वामी रवि बारावा असेल.. म्हणजेच व्ययात बुधाबरोबर असेल.. तर तो एकप्रकारचा "विपरित राजयोग"च आहे. कारण ६,८, १२ ही स्थाने ज्योतिषात निगेटीव्ह स्थाने मानली जातात. पण त्या स्थानांतील राशींचे स्वामी जर एकमेकांच्या स्थानात बसले असतील.. तर "माईनस .. माईनस इजीक्वल टू प्लस" या नियमानुसार विचित्ररीत्या शुभकारी होतात..
षष्ठेश किन्वा अष्टमेश जर व्ययात असेल.. किन्वा वाईसे वर्सा असेल. तर त्यात काहीही वाईट नाही..
आणि आपण म्हणता.. त्यानुसार..

दहाव्या स्थानात धनू राशी असून त्याचा मालक गुरू हा तिसर्‍या स्थानात चंद्राबरोबर वृषभ राशीत असेत तर

तर ही व्यक्ती एक ऊच्च दर्जाची वक्ता/ प्रोफेसर/ज्योतिषी/अ‍ॅन्कर / स्वतःचे कोचिन्ग क्लास चालवणारी / समुपदेशक/ धर्मोपदेशक असू शकते. तसेच व्ययातल्या बुधादित्य-योगामुळे या व्यक्तीला परदेशात जाऊन आपले 'थिसेस' मांडण्याचा देखील योग येऊ शकतो.

अर्थात इतर ग्रहस्थितीदेखील विस्तृतरीत्या सांगितली असती.. तर अधिक सखोल सांगता आले असते...
:)

अरेरे... फारच क्लिष्ट उत्तर आहे बुवा. काहीच झेपत नाहीये. निमिष दादांना कळेल बहुदा.
चालु द्या!
बाय द वे ..पुण्यात कोणी खरच ज्ञानी असतील तर मला पण सुचवा. पत्रिका दाखवण्यासाठी!
"येथे काँप्युटर वर कुंडली काढुन मिळेल" टाईप्स नको.
जरा डेडीकेटेड मनुष्य सुचवा.

मृगनयनी यांनी दिलेले विवेचन अभ्यासपूर्ण आहे. विशेषत: विपरीत राजयोगाबाबतचे विवेचन समर्पक आहे. मी माझी कांही मते खाली मांडत आहे.
१) दहावे स्थान हे कर्म स्थान. यावरून नौकरी, व्यवसाय, उपजीविकाचे साधन इ. जाते. थाचप्रमाणे या भावाला असपद स्थान असेही म्हटले जाते. म्हणजे चरितार्थाचे साशन करतांना कोणत्या प्रकारचा दर्जा अथवा मान मरातब मिळतो हेही पाहिले जाते.

२) सहावे स्थान हे जरी रोग, रिपु स्थान असले तरी. भावात भाव या पद्धति नुसार ते दशमाचे भाग्य स्थान होते. त्यावरूनही नौकरी व ती मधील शुभाशुभ फले पाहता येतात. षष्ठेश रवि व्ययात (बारावे स्थान) असेल तर सामान्यतः नौकरी व्यवसायात कांहीसे त्रास, अपयश किंवा सफलतेत विलंब दिसून येतो. परंतु रवि - बुधाची अंशात्मक स्थिती पाहिली पाहिजे तरच निश्चित अनुमान निघू शकते. रविजवळचा बुधअस्तंगत असण्याचीही शक्यता आहे. ढोबळमानाने येथे रवि कांही प्रमाणात अत्मविश्वासाचा अभाव दर्शवतो.

३) तृतिय स्थानांत उच्च चंद्राच्या सहवासातील गुरु दशमाच्या दृष्टीने काय फल देईल हे इतके ढोबळ मानाने सांगणे थोडे कठिण आहे. कारण तृतिय स्थान व पंचम ही स्थाने दशमाला विरोध करतात. मात्र येथे गुरू भाग्यस्थानाला पहात आहे, त्या मुळे भाग्य स्थानाची फले सुधारण्याची शक्यता आहे.

जन्म कुंडली संपूर्ण अंशात्मक असेल तर अधिक अभ्यास करता येतो. निदान चंद्राचे नक्षत्र - चरण तरी द्यावयास हवे होते.

मानव आता मंगळावर जाईल. तेथे वस्ती लोकसंख्या वाढेल. तेथे नोकर्‍यांची कमतरता जाणवेल.
तेव्हा तेथील मानव "नोकरीसाठी पृथ्वी कोणत्या स्थानात आहे?" असा प्रश्न विचारेल काय?

करीयरच्या दृष्टीने दशमस्थानाचा विचार करणे त्याच बरोबर दशमेश आणि दशमस्थानातले ग्रह यांचा एकत्रीत परिणाम पहाणे गरजेचे आहे. याशिवाय दशमेशाच्या बरोबर होणारे युतीयोग सुध्दा महत्वाचे.

"तर ही व्यक्ती एक ऊच्च दर्जाची वक्ता/ प्रोफेसर/ज्योतिषी/अ‍ॅन्कर / स्वतःचे कोचिन्ग क्लास चालवणारी / समुपदेशक/ धर्मोपदेशक असू शकते. तसेच व्ययातल्या बुधादित्य-योगामुळे या व्यक्तीला परदेशात जाऊन आपले 'थिसेस' मांडण्याचा देखील योग येऊ शकतो." हे अगदी बरोबर.

केवळ राशी न पहाता दशमेश कोणत्या नक्षत्रात आहे आणि त्याचा स्वामी वक्री नाहीना हे पहाणे महत्वाचे. द्शमेश वक्री ग्रहाच्या नक्षत्रात असता नोकरी/व्यवसायात स्थिरता येणे अवघड असते.

दशमेश गुरु तृतिय स्थानात असल्याने त्याच प्रमाणे मीन लग्नला वृषभ राशी तृतिय स्थानात असल्याने व ती स्थीर राशी असल्याने नोकरी व्यवसायात स्थिरता असेल. याच बरोबर नोकरी व्यवसायाच्या निमीत्ताने लहान प्रवास घडणे अपेक्षीत आहे. हा जॉब फिरतीचा नाही तरी पण फिरणे व्हावे.

नोकरीचे स्थान पहिले.
मग ती आल्यामुळे दुसरे पत्नीचे,
ती आल्यामुळे मग तिसरे पोरांचे..कुंडली बाजूला ठेवा, डायपर बदला..

चौथे मित्रांचे आणि शत्रूंचे. काही विशिष्ट मित्र असल्यावर वेगळे शत्रू लागत नाहीत.
आईवडिलांना पाचवे सहावे यांपैकी एक देण्यास हरकत नाही.

"बुध" म्हणजे "शहाणा". तो असल्या कुंडलीबिंडली भानगडीत येणारच नाही. त्याला इथे स्थान असेल असं वाटत नाही.

"गुरु"चे स्थान शाळेच्या काळात सर्व क्रमांकांवर (१ ते ८ पिरेडांवर) असते. शाळा सुटल्यावर ते रिकामे होते.

इत्यादि.

ज्यांचे करिअर हे त्यांच्या शरीरावर अवलंबून आहे अश्यांचे काय ? प्रथम स्थान पहावे कि दशम ?
(ज्यांचे करिअर हे त्यांच्या शरीरावर अवलंबून आहे = गायक , खेळाडू इ. )

नोकरीचे स्थान फार लांब असू नये.
सहा किंवा दहा मिनिटांवरच असावे. तसे नसल्यास कष्टदायक प्रवासाचे योग येतात! :P

व्यवसाय नसेल तर नोकरीचे स्थान पहिले . अदरवाईज बत्तेचाळिसावे.

भावात भाव काय (नशीब तिच्याआयला बहीणीत बहीण असं काही नसतं ;) ;-) :wink: ), विपरित राजयोग काय....वक्री, दशमेश एक ना दोन..ढ्यांव ढ्यांव ढ्यांव..नुसत्या ज्योतिषांकडुन नळ गळावा तसे ज्योतिष विद्या गळतीये...

मरतय आता..घे पॉपकॉर्न आनि पळ पटकन....

- (पोपटाकडुन भविष्य विचारणारा) वाट्या...

संपादक महोदय,
कृपया विषयाशी संबंधित नसलेले प्रतिसाद काढून टाकता येतील का?
(या प्रतिसादासहीत)

संपादक महोदय,
कृपया विषयाशी संबंधित नसलेले प्रतिसाद काढून टाकता येतील का?
(या प्रतिसादासहीत)

-निनाद

सहमत!

मृगनयनी
खालील ग्रहस्तीथी असता जातक कुठल्या क्षेत्रात नौकरी / व्यवसाय करेल.

वृषभ लग्न - केतू रोहिणी
४- मंगल वक्री - आश्लेषा
६ - शनि वक्री
७ - राहू
९ - चंद्र, श्रावण
१० - नेप
११ - सूर्य , बुध वक्री, हर्शल
१२ - शुक्र भरणी, गुरु अश्विनी

माफ करा आधी हे लिहिले नाही…पन हे आकडे राशीदर्शक नसून , स्थानदर्शक होते. परत सुधारून देत आहेत

वृषभ लग्न - केतू रोहिणी
सिंह - मंगल वक्री
तूळ - शनि वक्री
वृश्च्किक - राहू
मकर - चंद्र, श्रावण
कुंभ - नेप
मीन - सूर्य , बुध वक्री, हर्शल
मेष - शुक्र भरणी, गुरु अश्विनी

म्हणजे जातक डॉक्टर होईल का? थोडे स्पष्ठ केले तर बरे होईल..

बहूतेक नाही .