राम राम मंडळी,
कालच पार पडलेल्या भारताच्या स्वातंत्र्यदिनाच्या मुहुरावर लोकायत डॉट कॉम हे मायमराठीतील एक नवे संकेतस्थळ स्थापन झाले आहे. मिसळपावचेच तांत्रिक सल्लागार श्री नीलकांत यांनी हे संकेतस्थळ सुरू केले आहे. मी वैयक्तिकरित्या, तसेच समस्त मिसळपाव परिवारातर्फे नीलकांतचे व लोकायत डॉट कॉमचे सहर्ष स्वागत करतो. हे संकेतस्थळ संगणक, संगणकीय तंत्र, तसेच आंतरजाल इत्यादी विषयांवरील तांत्रिक माहितीच्या देवघेवीकरता स्थापन झालेले व त्याला वाहिलेले संकेतस्थळ आहे. हे संकेतस्थळ संगणक-तंत्र या विषयावरील मराठीतील अग्रगण्य संकेतस्थळ ठरो अशी शुभकामना मी व्यक्त करतो आणि लोकायतला सुयश चिंतितो...
आपला,
(शुभेच्छुक) तात्या.
लोकायत डॉट कॉम या संकेतस्थळाचे निवेदन येथे देत आहे -
- निवेदन -
नमस्कार,
आज आपल्याला या निवेदनाद्वारे मराठीतील एका नव्या संकेतस्थळाबद्दल माहिती देतांना आनंद होत आहे. १५ ऑगस्ट २००८ ह्या भारताच्या ६१ व्या स्वातंत्रदिनापासून मराठीत लोकायत डॉट कॉम ( http://www.lokayat.com/ ) नावाचे एक नवे संकेतस्थळ सुरू झाले आहे.
लोकायत.कॉम, ओळख :
या संकेतस्थळाचा मुख्य हेतू इंटरनेटवर संगणकावर मराठीच्या वापरास चालना देणे हा आहे. येथे साध्या सोप्या मराठीतून संगणक व इंटरनेटच्या वापराबद्दल मार्गदर्शक लेख, नवनवीन तंत्रांची मराठीतून ओळख तसेच आपल्या संगणक व इंटरनेटबद्दलच्या अडचणींबद्दल तज्ज्ञांना प्रश्न विचारण्याच्या सोई उपलब्ध आहेत/ उपलब्ध करुन् देण्याचा मानस आहे.
मराठीचा वापर इंटरनेटवर वाढावा यासाठी अनेक लोक काम करीत आहेत. त्यांच्या कार्याबद्दल माहिती, त्यांचे प्रकल्प आदींबाबत सविस्तर वृतांत येथे देण्यात येतील. तसेच मराठी फ्रीलांसर्सची सूची येथे उपलब्ध करून देण्याचा मानस आहे. या संकेतस्थळावर अत्यंत सोप्या पध्दतीने मराठी लिहीता येते. त्यासाठी वेगळं मराठी टायपींग शिकण्याची गरज नाही. त्यामुळे दहा मिनीटातच आपण या मराठी संकेतस्थळावर सहज होतो आणि लिहू लागतो.
येथे या आणि सदस्य व्हा. एक साधा अर्ज भरून सदस्य होता येते. वाचण्या करिता सदस्य होणे गरजेचे नाही मात्र लेख लिहीण्यासाठी तसेच प्रश्न विचारण्यासाठी मात्र सदस्य होणे गरजेचे आहे.
आपण सुद्धा या प्रकल्पात सामील व्हा. सदस्य व्हा. आपल्या आवडीच्या तंत्रज्ञानासंबधी लेख लिहा. प्रश्न विचारा, इतरांच्या शंकांना उत्तरे द्या.
आपल्या सर्वांचे सहर्ष स्वागत..!
धन्यवाद.
अवांतर: हा नीलकांत आहे का? :) -- तात्या.
प्रतिक्रिया
16 Aug 2008 - 4:24 pm | अवलिया
नीलकांत यांचे अभिनंदन व पुढील वाटचालीस शुभेच्छा
नाना चेंगट
(ठरावाच्या बाजुने मतदान करणारा प्रथम मतदार)
16 Aug 2008 - 4:26 pm | ब्रिटिश टिंग्या
लोकायत ह्या तांत्रिक माहितीची देवाणघेवाण करणारे संस्थळ सुरु केल्याबद्दल नीलकांतचे अभिनंदन अन् लोकायतच्या वाटचालीस हार्दिक शुभेच्छा!
- टिंग्या
अवांतर - वरील चित्रातील व्यक्ती नीलकांती वाटतेय ;)
16 Aug 2008 - 4:30 pm | इनोबा म्हणे
लोकायतकरिता नीलकांत यांना शुभेच्छा!
कर्मण्ये वाधिकारस्ते | मां फलकेशू कदाचनं
: कार्यकर्त्यांनी कर्म करीत रहावे,आपल्या नावाचे फलक लागतील अशी अपेक्षा करु नये.
-इनोबा म्हणे -मराठमोळे वॉलपेपर
16 Aug 2008 - 4:48 pm | आनंदयात्री
लोकायतकरिता नीलकांत यांना अनेक शुभेच्छा!
16 Aug 2008 - 8:26 pm | धमाल मुलगा
लोकायत आणि विश्वकर्मा नीलकांत ह्यांचे मनापासुन अभिनंदन, आणि लोकायतच्या पुढील वाटचालीकरता हार्दिक शुभेच्छा !!!
17 Aug 2008 - 12:10 pm | टारझन
लोकायत च्या पुर्ण टिमचे हार्दिक अभिनंदन.आम्ही ऑलरेडी लोकायत मेंबर :)
-- ( टारझन ऊर्फ खवीस )
आम्ही खाण्यासाठी जगतो, जगण्यासाठी तर सगळेच खातात
17 Aug 2008 - 6:51 pm | सखाराम बाइंडर
- सर्किट
16 Aug 2008 - 4:36 pm | प्राजु
मी घेतले आहे सदस्यत्व..
लोकायत कडून उत्तमोत्तम कार्याची अपेक्षा आहे.
- (सर्वव्यापी)प्राजु
http://praaju.blogspot.com/
16 Aug 2008 - 4:52 pm | अभिज्ञ
नीलकांत,
ह्या नवीन संकेतस्थळाबद्दल तुमचे मनापासुन अभिनंदन व शुभेच्छा.
मराठी आंतरजालसागरात मिसळपाव व लोकायत सारखी संकेतस्थळे निश्चितच दिपस्तंभाचे कार्य करतील
ह्यात काहि शंका नाहि.
पुन्हा एकदा अभिनंदन.
अभिज्ञ.
16 Aug 2008 - 5:01 pm | प्रियाली
अभिज्ञच्या प्रतिसादाशी सहमत.
नोंदणीही कालच केली. :)
16 Aug 2008 - 4:58 pm | बहुगुणी
लोकायत वर नोंदणी करतांना माझ्या (मनोगतावरच्याच) ई मेल आय डी चा स्वीकार होत नाही, .....@जीमेल.कॉम किंवा ...@जिमेल.कॉम या दोन्ही प्रकारे टंकित करूनही ई मेल आय डी चुकीचा असल्याचा संदेश येतो आहे. काय करावे?
18 Aug 2008 - 2:07 pm | इनोबा म्हणे
तुमचा विरोपाचा (ईमेल) पत्ता व हवे असलेले सदस्यनाम नीलकांत यांना कींवा मला व्यनीने पाठवू शकता.
आपल्याकरिता सदस्यखाते तयार करुन त्याचा परवलीचा शब्द(पासवर्ड) विरोपाद्वारे पाठवला जाईल. त्यानंतर तुमच्या सदस्यखात्यामधे जाऊन तुम्ही तुमचा परवलीचा शब्द बदलू शकता.
कर्मण्ये वाधिकारस्ते | मां फलकेशू कदाचनं
: कार्यकर्त्यांनी कर्म करीत रहावे,आपल्या नावाचे फलक लागतील अशी अपेक्षा करु नये.
-इनोबा म्हणे -मराठमोळे वॉलपेपर
16 Aug 2008 - 5:10 pm | सुनील
एका नवीन संकेतस्थळाची माहिती आपण आपल्या संकेतस्थळावरून देता यात आपलाही मोठेपणाच दिसतो.
लोकायत तसेच मिपा वर्धिष्णू होवोत ही शुभेच्छा!!
Doing what you like is freedom. Liking what you do is happiness.
16 Aug 2008 - 5:14 pm | सर्वसाक्षी
या स्तुत्य उपक्रमा बद्दल नीलकांत यांचे अभिनंदन व संस्थळासाठी हार्दीक शुभेच्छा!
ही माहिती दिल्याबद्दल तात्याबा माहाराजांचे जाहिर आभार!
16 Aug 2008 - 5:37 pm | सखाराम_गटणे™
मी घेतले आहे सदस्यत्व..
अवांतर: हा नीलकांत आहे का?
हा खरा कौलाचा प्रश्न आहे.
सखाराम गटणे
16 Aug 2008 - 5:39 pm | भडकमकर मास्तर
अभिनंदन आणि शुभेच्छा...
______________________________
ही आमची अनुदिनी ... http://bhadkamkar.blogspot.com/
18 Aug 2008 - 10:51 am | मेघना भुस्कुटे
- मेघना भुस्कुटे
16 Aug 2008 - 6:03 pm | शितल
लोकायतच्या स्थापनेसाठी नीलकांताचे अभिनंदन.
:)
16 Aug 2008 - 6:07 pm | चंबा मुतनाळ
मी पन झालोय मेंबर
16 Aug 2008 - 6:54 pm | रामदास
लोकायत वर नक्की भेटू.
16 Aug 2008 - 6:55 pm | देवदत्त
माझ्याकडूनही अभिनंदन आणि शुभेच्छा :)
16 Aug 2008 - 8:18 pm | डॉ.प्रसाद दाढे
अभिन॑दन नीलका॑त! वाटचालीसाठी शुभेच्छा!
16 Aug 2008 - 8:33 pm | कलंत्री
http://mr.upakram.org/node/1390#comment-22487
लोकायत बद्दल माहिती उपक्रमावर नोंदवली होती. त्यात आणखी एका संकेतस्थळाचा शोध लागला. सचिन आणि नीलकांत सारखे मुले आपल्याकडे असतील तर असे म्हणावेच लागेल की, मराठी पाऊल पडते पूढे....
17 Aug 2008 - 4:48 am | मदनबाण
अभिन॑दन नीलका॑त! वाटचालीसाठी शुभेच्छा!
मी या संकेत स्थळाचा सदस्य झालो आहे..
"First, believe in the world-that there is meaning behind everything." -- Swami Vivekananda
17 Aug 2008 - 12:12 pm | मनिष
नीलकांतचे (आणि इतर संबधित मंडळींचे) अभिनंदन आणि शुभेच्छा!
17 Aug 2008 - 5:06 pm | ऋषिकेश
वा! मराठी जालविश्व चहुअंगांनी बहरत चाललं आहे.
नव्या युगात नव्या तंत्रज्ञानाशी जुळवून जी भाषा/संस्कृती घेते तीच टिकते. मराठी भाषा ललित अंगाने, माहितीपर लेखांनी जालविश्वात पुढे नेण्याचे काम मनोगत,मिसळपाव, उपक्रम वगैरे करतच आहेत. सध्याची मराठी संस्थळे ही लेखनाच्या दर्जाने उत्कृष्ट असली तरी तांत्रिकदृष्ट्या विकास होण्यास भरपूर वाव आहे. त्यासाठी एखादा नीलकांत, एखादा ओंकार झटतोही आहे. परंतु काळाच्या वेगात पावले टाकायची असल्यास जितक्या जणांचा सहभाग तितकी प्रगती अधिक! आता लोकायत स्थापनेनंतर अश्या तांत्रिक बाबींबरही मनसोक्त चर्चा होईल आणि नवनव्या अंगाने तंत्र बहरेल अशी आशा करतो. लोकायत सार्‍या मराठी जालविश्वाचे तांत्रिक विदागार बनो आणि त्यातून तयार होणार्‍या तंत्राचा वापर करून संपूर्ण मराठी जालविश्व उत्तरोतार प्रगती करो हीच सदिच्छा!
लोकायतला माझ्या अनेकोत्तम शुभेच्छा!
-('मिसळ'लेला) ऋषिकेश
17 Aug 2008 - 6:48 pm | धनंजय
हार्दिक शुभेच्छा -
(लोकायतवरील सदस्य क्रमांक २६) धनंजय
17 Aug 2008 - 6:53 pm | कुंदन
नीलकांता,
अभिनंदन !
आणि उत्तरोत्तर प्रगतीसाठी शुभेच्छा !!!
18 Aug 2008 - 10:47 am | नीलकांत
आपल्या शुभेच्छांसाठी धन्यवाद. या प्रकल्पात सुध्दा तुम्हा सर्वांचा सहभाग अपेक्षीत आहे.
नीलकांत.
18 Aug 2008 - 4:07 pm | नंदन
लोकायतला अनेक शुभेच्छा.
नंदनमराठी साहित्यविषयक अनुदिनी
18 Aug 2008 - 9:56 pm | चतुरंग
लोकायतच्या वाटचालीस शुभेच्छा!
(खुद के साथ बातां : रंग्या, उत्साहाच्या भरात एकदम सदस्यत्व घेऊन ठेऊ नकोस. तिथे काही बरे करु शकणार असलास तरच नीट विचार करुन सदस्य हो! :? :W )
चतुरंग
20 Aug 2008 - 12:13 am | भास्कर केन्डे
लोकायतचे अभिनंदन व सहर्ष स्वागत.
तात्या, हा ६१ वा स्वातंत्र्यदिन की ६२ वा?
आणि हो, आम्ही एक-दीड वर्षांनी पुन्हा मराठी आंतरजाळावर आलो बरं का? आणि ते ही थेट आपल्या मिसळपावावर!
आपला,
(स्वतंत्र) भास्कर
आम्ही येथे वसतो.
20 Aug 2008 - 1:38 am | मुशाफिर
'लोकायत'चे मनापासून अभिनन्दन आणि पुढील वाटचालीस शुभेच्छा! मराठी भाषेत संगणक, संगणकीय तंत्र आणि आंतरजाल ह्या विषयी माहिती सहज उपलब्ध व्हावी, यासाठी 'लोकायत' करित असलेल्या प्रयत्नाना सलाम!
तसेच, लोकायतची माहिती इथे दिल्यबद्दल मि.पा. चेहि आभार.
21 Aug 2008 - 1:05 pm | सुमीत भातखंडे
लोकायतकरिता नीलकांत यांना अनेक शुभेच्छा!
21 Aug 2008 - 1:12 pm | स्वाती दिनेश
नीलकांत,
अभिनंदन आणि पुढील वाटचालीसाठी खूप शुभेच्छा!
स्वाती
21 Aug 2008 - 7:41 pm | खादाड_बोका
लोकायतकरिता नीलकांत यांना अनेक शुभेच्छा!
बोका
21 Aug 2008 - 8:02 pm | लिखाळ
लोकायत संकेतस्थळाच्या रचनेबद्दल नीलकांत आणि सहकार्‍यांचे अभिनंदन आणि पुढील वाटचालीसाठी अनेक शुभेच्छा !!
--लिखाळ.