शब्द हल्ली सारखे छळतात मजला
आणि ओळी चार मग सुचतात मजला
बोलली नाहीस तू काही तरीपण
अर्थ नजरेचे तुझ्या कळतात मजला
चांदण्यांना रोजची का रात्रपाळी?
प्रश्न हे आता असे पडतात मजला
कायदे काही शहाण्यांचे असू द्या
फायदे वेडात हे दिसतात मजला
मी भरवसा माणसांचा काय द्यावा?
सावल्याही जर अशा गिळतात मजला
देवळांची सर्व ह्या झाली दुकाने
भावभक्ती रोज ते विकतात मजला
एकदा घेईन म्हटले मी भरारी
पिंजरे छद्मीपणे हसतात मजला
चैन रडण्याची मला करता न आली
एवढी कोठे सुखे मिळतात मजला
प्रतिक्रिया
30 Jul 2008 - 5:09 pm | मिसळपाव
काय छान रचना आहे, व्वा!
...एकदा घेईन म्हटले मी भरारी
पिंजरे छद्मीपणे हसतात मजला......
'छद्मीपणे'' शब्द काय चपखल बसलाय !
30 Jul 2008 - 5:17 pm | नारदाचार्य
'ती' निवृत्ती सार्थकी लागतेय म्हणायचे. सुरेख रचना. कोणत्याही द्विपदीचा वेगळा उल्लेख नकोच. पण -
चैन रडण्याची मला करता न आली
एवढी कोठे सुखे मिळतात मजला
ही खास. रडणे आणि सुखे... दाद देतो.
माणसांचा भरवसा आणि सावल्या हेही खूप भावले.
30 Jul 2008 - 5:23 pm | पद्मश्री चित्रे
>>चैन रडण्याची मला करता न आली
एवढी कोठे सुखे मिळतात मजला
सुंदर..
30 Jul 2008 - 5:24 pm | स्वाती दिनेश
चैन रडण्याची मला करता न आली
एवढी कोठे सुखे मिळतात मजला
फार छान !
स्वाती
30 Jul 2008 - 5:33 pm | प्रा.डॉ.दिलीप बिरुटे
मी भरवसा माणसांचा काय द्यावा?
सावल्याही जर अशा गिळतात मजला
देवळांची सर्व ह्या झाली दुकाने
भावभक्ती रोज ते विकतात मजला
एकदा घेईन म्हटले मी भरारी
पिंजरे छद्मीपणे हसतात मजला
चैन रडण्याची मला करता न आली
एवढी कोठे सुखे मिळतात मजला
माणसांवरील विश्वास हरवल्याची जाणीव सावल्यातून व्यक्त होतांना सावल्याही तशाच, सोपी झालेली देवभक्ती ( देव काही बाजारचा भाजीपाला नाही रे ची आठवण झाली. ) , आणि सुखाचे ठिकाण शोधता आलीच नाही ,असा वेगवेगळा आशय व्यक्त करणारी रचना आवडली !!!
30 Jul 2008 - 5:35 pm | पारिजातक
फारच छान आहे कविता भयंकरराव!!!! अश्याच कविता लिहित जा. आमच्या मनापासून शुभेच्छा !!!!
पारिजातकाच आयुष्य लाभल तरी चालेल पण लयलूट करायची ती सुगंधाचीच !!!
30 Jul 2008 - 7:12 pm | आनंदयात्री
का हो पारिजातक राव का आमच्या अभ्यंकररावांना भयंकरराव म्हणताय ?
30 Jul 2008 - 5:45 pm | इनोबा म्हणे
फारच सुंदर रचना...
चैन रडण्याची मला करता न आली
एवढी कोठे सुखे मिळतात मजला
या ओळी तर अप्रतिम...
'ती' निवृत्ती सार्थकी लागतेय म्हणायचे.
अगदी बरोबर
कर्मण्ये वाधिकारस्ते | मां फलकेशू कदाचनं
: कार्यकर्त्यांनी कर्म करीत रहावे,आपल्या नावाचे फलक लागतील अशी अपेक्षा करु नये.
-इनोबा म्हणे -मराठमोळे वॉलपेपर
30 Jul 2008 - 6:08 pm | शितल
सुंदर काव्य रचना.
:)
30 Jul 2008 - 7:08 pm | प्राजु
देवळांची सर्व ह्या झाली दुकाने
भावभक्ती रोज ते विकतात मजला
हे खासच...
आवांतर : निलकांता, सुरेश भट . इन सारखे आता अनिरूद्ध अभ्यंकर .इन सुरू करण्याचे मनावर घे बाबा. :)
- (सर्वव्यापी)प्राजु
http://praaju.blogspot.com/
30 Jul 2008 - 7:16 pm | मुक्तसुनीत
अनिरुद्ध ,
उत्तम , सुरेख रचना. आणि मार्मिक, भावसंपृक्त आशय. एकेक द्विपदी आस्वाद घेण्यासारखी.
तुमच्या काव्याच्या झाडाचा बहर असाच बारोमास टिकू दे.
30 Jul 2008 - 7:24 pm | चतुरंग
शब्दांचं तुला छळणं सार्थकी लागतंय रे बाबा! एकाहून एक सुरेख गजल देणारी तुझी प्रतिभा आता मुक्त संचार करते आहे. :)
अतिशय गोटीबंद रचना! फारच आवडली.
चतुरंग
30 Jul 2008 - 9:27 pm | मनीषा
गझल...
कायदे काही शहाण्यांचे असू द्या
फायदे वेडात हे दिसतात मजला
मी भरवसा माणसांचा काय द्यावा?
सावल्याही जर अशा गिळतात मजला .....खुप छान
30 Jul 2008 - 9:38 pm | धनंजय
(निवृत्ती सार्थकी लागली.)
सर्वच अशआर अर्थगर्भ जमले आहेत.
30 Jul 2008 - 10:37 pm | सर्किट (not verified)
जियो अभ्यंकर शेठ !
- सर्किट
30 Jul 2008 - 10:41 pm | बेसनलाडू
खणखणीत गझल. सगळेच शेर मस्त,गोळीबंद जमलेत.
(आनंदित)बेसनलाडू
30 Jul 2008 - 10:45 pm | यशोधरा
सुरेख!
31 Jul 2008 - 7:00 am | सहज
गजल आवडली
31 Jul 2008 - 8:30 am | विसोबा खेचर
अनिरुद्धा, सुंदर गझल रे!
31 Jul 2008 - 8:42 am | आनंदयात्री
>>एकदा घेईन म्हटले मी भरारी
>>पिंजरे छद्मीपणे हसतात मजला
हे कडवे खुप खुप आवडले :)
1 Aug 2008 - 1:30 am | ल्ल्या
सुरेख!
अप्रतिम...
1 Aug 2008 - 7:41 am | नरेंद्र गोळे
सुंदर कविता. सुदृढ रचना.
1 Aug 2008 - 7:54 am | श्रीकृष्ण सामंत
कविता खूप आवडली.
www.shrikrishnasamant.wordpress.com
श्रीकृष्ण सामंत
"कृष्ण उवाच"
shrikrishnas@gmail.com
1 Aug 2008 - 11:26 am | मदनबाण
बोलली नाहीस तू काही तरीपण
अर्थ नजरेचे तुझ्या कळतात मजला
क्या बात है..
देवळांची सर्व ह्या झाली दुकाने
भावभक्ती रोज ते विकतात मजला
फारच सुंदर !!!!!
मदनबाण.....
"First, believe in the world-that there is meaning behind everything." -- Swami Vivekananda
1 Aug 2008 - 6:26 pm | अनिरुद्ध अभ्यंकर
प्रतिसाद दिलेल्या आणि प्रतिसाद न दिलेल्या सर्व वाचकांचे मनापासून आभार!!
(आभारी)अनिरुद्ध अभ्यंकर
1 Aug 2008 - 6:30 pm | मनस्वी
देवळांची सर्व ह्या झाली दुकाने
भावभक्ती रोज ते विकतात मजला
एकदा घेईन म्हटले मी भरारी
पिंजरे छद्मीपणे हसतात मजला
सुंदर!
मनस्वी
* केस वाढवून देवआनंद होण्यापेक्षा विचार वाढवून विवेकानंद व्हा. *
1 Aug 2008 - 7:56 pm | अविनाश ओगले
उत्तम गझल!