श्री क्षेत्र भुलेश्वर..अद्भूत शिल्पसौंदर्य

नमस्कार मंडळी, आपल्या सर्वांना भुलेश्वरचं दर्शन घडवण्याचा मानस आहे. सासवड पासून साधारण २६ (?) कि.मी. वर आहे हे मंदिर.पुणे - सोलापूर रस्त्यावरून यवतच्या अलीकडे एक फाटा फुटतो. तिकडूनही एक रस्ता आहे. हे मंदिर आहे यादव काळातलं. अतिशय देखणी शिल्पं असलेलं. जगरहाटीपासून दूर घेऊन जाणारं, गूढरम्य... इथे गेल्यावर कसलीतरी अनामिक धुंदी चढते...स्वत:ला विसरून जातो आपण अगदी. असं वाटतं की तिथल्या मूर्तींकडे आपण पाहण्यापेक्षा भूतकाळाचा पडदा दूर करून त्याच आपल्याशी बोलायला उत्सुक असाव्यात. भारून जाणे, मंत्रमुग्ध होणे...छे..शब्दच सापडत नाहीत. यात मुळीच अतिशयोक्ती नाही. हे आहे मंदिराचं बाह्य रूप... या प्रवेशद्वारामधून आपण आत जातो... दोन्ही बाजूला चढून जायला जिने आहेत...अंधारातून चाचपडत पुढे गेलं कि मात्र आपण वेगळ्याच विश्वात असतो. इथून पुढे बोलायला फारसं काही राहत नाही... छाया प्रकाशाचा हा खेळ... इथे रामायणा मधले देखील काही प्रसंग आहेत. पण गाईड असल्यासच जाणून घेता येतं. काही सुंदर मूर्ती.. अजून एक विशेष असा की इथे स्त्री रूपातील गणपती पहावयास मिळतो. शिल्पकलेचे काही अद्भूत नमुने इथे आहेत.. अतीशय प्रमाणबद्ध आणि रेखीव शिल्पं... आणि काही उदासवाणी? जणू काही हा पराभूत योद्धा आहे... अप्रतीम काम आहे हे... फोटोच द्यायचे झाले तर खूप खूप देता येतील...पण स्वत: तिथे जाऊन हे सगळं अनुभवणं म्हणजे शब्दांच्या पलीकडचं आहे... डोळ्यांना जे काही दिसतं ते कॅमेरा कैद करू शकतो..मनाचे तरंग तर नाही... दर वेळी एक नवा अनुभव...श्री क्षेत्र भुलेश्वर...