मिपाचे मुखपृष्ठ व खादाडी सदर, एक निवेदन..

राम राम मायबाप मिपाकरहो, अदिती यांनी सुरू केलेल्या 'आजची स्त्रीची प्रतिमा' या धाग्यात मिपाच्या मुखपृष्ठाबद्दल, खादाडी सदराबद्दल अनेकांनी हिरिरीने आपले विचार मांडले व मते नोंदविली.. वास्तविक या धाग्याचा काही भाग हा 'आजची स्त्री व विविध माध्यमात तिचे होणारे दर्शन/प्रदर्शन' या संबंधी काही भाष्य करणारा होता, तोही पुसट अक्षरात! व बराचसा भाग हा चन्नम्मा या एका इतिहासकालीन कर्तृत्ववान स्त्रीवर होता. परंतु त्या संदर्भात फारच कमी प्रतिसाद-लेखन झाले व मिपाच्या मुखपृष्ठाबद्दल, खादाडी सदराबद्दलच अधिकाधिक लिहिले गेले असे वाटते आणि ही कदाचित खेदाची बाब म्हणावी लागेल..! असो, तरीही मिपाच्या मुखपृष्ठाबद्दलच्या, खादाडी सदराबद्दलच्या सर्व मतांचा, विचारांचा आदर आहेच व त्यांची नोंदही घेतली आहे. त्यावर यथावकाश विचार करून भविष्यात त्यानुसार मिपाच्या मुखपृष्ठात व खादाडी सदरात काही बदल केले जाऊ शकतील.. धन्यवाद, तात्या.