श्रीनिवास रामचंद्र सिरास

अलीगढ मुस्लिम युनिवर्सिटीच्या प्राध्यापक श्रीनिवास रामचंद्र सिरास यांचा नुक्ताच "संशयास्पद" मृत्यू झाला. त्यांना अलीकडेच विद्यापीठातील त्यांच्या पदावरून समलैंगिक संबंध ठेवल्याकारणाने निलंबित करण्यात अाले होते. प्रा. सिरास हे मराठी साहित्याचे अभ्यासक व शिक्षक होते. कुठल्यातरी बातमीपत्रात कवि ग्रेस यांनी त्यांची प्रशंसा केल्याचे वाचले. ते कविताही करत असत, व त्यांच्या कवितासंग्रहाला पारितोषिकही मिळाले होते असे ऐकले. त्यांच्या कविता किंवा अन्य लेख कोणी वाचलेय? त्याबद्दल काही अभिप्राय? मराठी साहित्यजगाकडून या घटनेला काय प्रतिसाद मिळाला अाहे? अंतरजालावरच्या शोधात फक्त हिंदी-मराठी वर्तमानपत्रातील मृत्यूची बातमी तेवढीच आढळली. त्यांच्या बद्दल मराठीत लिहीलेले लेख कुठे अाढळल्यास कृपया त्यांचा संदर्भ इथे कळवावा. धन्यवाद!