सुनीतः एक प्रयत्न

वृत्तबद्ध रचना करण्याचा हा पहिलाच प्रयत्न आहे. मलातरी हे सुनीत फसल्यासारखे वाटतेय पण तरीही तुमच्या अभिप्रायांच्या प्रतिक्षेत आहे.

सर्वांची करतो झटून कामे विचारे न कोणी मला
पूर्णत्व एक मागणीस असता दूजी वसे अंतरा |
साभांळून जरी घरास सगळ्या माझा असे कोपरा
लागे मी च जळी स्थळी अन तरी रात्री तिथे हा बरा ||

म्हातारी असते जर्जर तशी फिट्ट तिला मी करी
वैद्य'पाणि' असे भला जवळचा वाटे न मी अंतरी |
अन्नाने तुझिया भरून खळगी लाभे समाधानही
सांगावे मजला असे कुणितरी केव्हाचि ती आस ही ||

धिंगाणा पिउनी असे नि तरीही मी पाळली शांतता
त्याचे हेच असे मिळे फळ तरी माझ्यावरी आळ का |
अंधारात अश्या घरात तुमच्या दावी तुम्हा ज्योत ही
जेव्हा हा भरला प्रकाश सदनी, विचारले कोण मी ||

देव्हार्‍यात असेन कारण कि मी कामास आहे बरा
रामा नाहि असे वदून दमलो मी राम आहे खरा ||

ऋषिकेश