सिग्नल ......
आज लाल दिव्याने नाममात्र
थांबलेत काही गोंगाट ,
नाहीतर कोण इथे थांबतं ......
सगळेच घाईच्या लयीत !
इतक्यात .......
धुळीने माखलेल्या
चाळीस वर्षांच्या
रखरखीत पायाच्या बोटांवर
चार वर्षांच एक डोकं ठेवलं गेलं ..!
अन्
त्या कोमल गालांचा स्पर्श होताच ......
झटकन पाय मागे घेऊन
तो ओरडला " ए हट ...... "
त्याच्या डोळ्यातली लाचारी
पाहायला वेळ नसेल पण,
त्या स्पर्शाने काळीज
गलबलले असणार नक्कीच !
तरीपण ....
"कालच नवीन चप्पल घेतलीये...."
असं म्हणेपर्यंत, दिवा हिरवा झाला !
अन पोर ....... परत लाल सिग्नल ची वाट बघू लागलं !
------------- फिझा .
प्रतिक्रिया
6 Jun 2019 - 9:24 am | सोन्या बागलाणकर
वाह!
हृदयस्पर्शी वास्तव. =(
6 Jun 2019 - 3:13 pm | खिलजि
या अनुभवाला कवितेची साथ , शब्दांची गुंफण नसती
तरी ऊर भरून आला असता आणि पापणी ओलावली असती
या कविता वाचनानंतर ,
मलापण ते बाळ आठवलं
ज्याच्या आईला ( ? ) मी ओरडलो होतो
एक दिवसाचा प्रपंच दान दिला खरा
पण पुढचे चार दिवस अक्षरशः रोडावलो होतो
ते बाळ अजूनही तसंच आहे आणि त्याची आईही ( ?)
मी पण तिथून ये-जा करतो नेहेमी
आणि तो सिग्नलही ......
7 Jun 2019 - 10:49 pm | जॉनविक्क
अन तितक्याच प्रभावी काव्याला.
वाईट वाटतं काही क्षण, मग मी ही पुन्हा रमतो पुढील मन गुंतवणाऱ्या मजकुराच्या शोधात...
11 Jun 2019 - 8:51 pm | मिसळलेला काव्यप्रेमी
हेलावणारी रचना
13 Jun 2019 - 12:34 pm | प्रा.डॉ.दिलीप बिरुटे
लिहिते राहा.
-दिलीप बिरुटे