कलंत्रीसाहेबांना जाहीर प्रश्न..!

माझी उत्तरे -

१) त्या गुंडाला तिथल्या तिथे लाथा बुक्क्याने बडवणे ही मी केलेली कृती आपल्याला योग्य वाटते का?

गुंडाचे हात केळी खाण्यात मग्न असतील तर तुमची कृती योग्य वाटते. ;) नाहीतर, तो तुम्हाला उचलून बुकलण्याची शक्यता नाकारता येत नाही. त्यामुळे योग्य अयोग्य हे सबळ-दुर्बळ कोण यावर अवलंबून असावे, प्रश्नावरून ठरवता येत नाही.

२) आणि माझ्या या कृतीमुळे त्या गुंडाचे अश्लील उद्गार ऐकून भररस्त्यात माझ्या बहिणीची चारचौघात खाली गेलेली मान क्षणार्धात अभिमानाने उंचावेल आणि पर्यायाने तिचा आत्मसन्मान जपला जाईल असे आपल्याला वाटते का?

अश्लील उद्गार काढायचे गुंडाने, मारामारी करायची तुम्ही आणि मान बहिणीची खाली का जावी? गुंडाला मारण्याआधी बहिणीला समजावा की कोणा फालतू माणसाने तुला काही शब्द म्हटले तर त्यामुळे तुला मान खाली घालायचे कारण नाही.

३) की मी काही वेगळी कृती करायला हवी होती? असेल तर ती कोणती, की ज्यामुळे माझ्या बहिणीला तिथल्या तिथे न्याय मिळेल आणि ती मान उंचावून रस्त्याने चालू शकेल?

जर शब्दाने लाज वाटत असेल तर ती मारामारीने जाते असे वाटत नाही. हे म्हणजे बलात्काराच्या आरोपीला फाशीची शिक्षा झाली म्हणून त्या बाईच्या मनावरील व्रण पुसले गेले म्हणण्यासारखे आहे. तेव्हा, आधी आपल्या बहिणीला सबळ करा.

अशी घटना घडल्यास पोलीसात तक्रार करावी. आणि गुन्हेगाराला शिक्षा होण्यासाठी प्रयत्न करावेत. अशा गुन्ह्यांना शिक्षा देणारी समांतर व्यवस्था उभी होऊ नये असे वाटते.

चूक तुमच्या बहिणीची नसल्याने तिला लाज वाटण्याची काहीच गरज नाही. किंबहुना तिनेच मुस्काटीत मारले तर चालेल. कारण कायद्यानुसार स्वतःवर होणाऱ्या हल्ल्याचा प्रतिकार करण्याचा अधिकार प्रत्येकाला आहे.

सज्जनपणा गेला उडत...पेहेले हाथ(लाथ) फिर बात....आपण तर तेच करणार...गांधीगीरी वगैरे गेली उडत...आणि तेवढी शक्ती राखुनच आहोत...समजा आपल्यापेक्षा जास्त शक्तीवाला आला गुंड तर जीव गेलातरी बेहत्तर पण त्याला उत्तर देणारच...सोडणार नाही...तात्यांच्या पहिल्या पर्यायाला संबोधन...पोलीसवगैरे नंतर कारण त्या गुंडाने पोलीसाला विचारले होते का की "मी हे करु का?"....शत्रुवर धावुन जाताना आपण पोलीस आहोत का सामान्य नागरीक असा विचार करत बसलात तर आलच रामराज्य....आठवा जागतीक युद्ध..लेनीनग्राडमध्ये सामान्य नागरीक होते ज्यामुळे जर्मन सैन्याला पहिली माघार घ्यावी लागली तेन्व्हा त्यांनी असा विचार केला होता का...

(१) केले ते ठीकच आहे.
(२) बहिणीची मान उंचावेल का खाली जाईल हे तिच्या प्रकृतीवर अवलंबून आहे. माझी बहीण माझ्याच कानाखाली आवाज काढेल की कोणी काही उसकावले तर लगेच भडकायला तुला काय झाले म्हणून?
(३) ... तुम्ही काय करावे हे मी नाही सांगू शकत. प्रत्येक वेळी हात उगारून भागतेच असे नाही तसेच प्रत्येक वेळी सोडून देऊन चालते असेही नाही. भीतीपोटी करतो आहोत की सामर्थ्यापोटी ह्याचे उत्तर ज्यानेत्याने स्वतःला द्यायचे.

(४) माझ्याबाबतीत विचाराल तर काहीही करणार नाही. पण जर 'हलकटपणा' 'लिमिट'च्या बाहेर गेला तर त्या गुंडाला सांगेन "बाबारे - आता गप्प बस. नाहीतर गरज पडल्यास भाड्याचे मारेकरी आणून तूच नाही तर तुझे खानदानही जिथे कोठे असेल तेथे जाऊन संपवून टाकीन." निव्वळ बहिणीला शांत बस असे सांगणार नाही.

तुम्हाला त्याक्षणी जे योग्य वाटलं ते केलतं ना? मग त्या साठी तिर्‍हाईताच्या (जो तुमच्या बहिणीचा भाऊ नाही किंवा गुंडाचा नातलगही नाही) त्याच्या सर्टीफिकेटची गरज काय?

तुमच्याजागी मी असतो तर हेच केलं असतं.

"..गुंडाला मारण्याआधी बहिणीला समजावा की कोणा फालतू माणसाने तुला काही शब्द म्हटले तर त्यामुळे तुला मान खाली घालायचे कारण न"...."
हे सगळं ठीक आहे. पण कुठल्याही फालतू माणसाने काही कारण नसताना माझ्या बहिणीबद्दल असे शब्द का काढावे? ही त्याची पहिली चूक. आणि तीच चूक त्याची शेवटची चूक ठरवण्याची जबाबदारी माझी.

त्या गुंडाला तिथल्या तिथे लाथा बुक्क्याने बडवणे ही मी केलेली कृती आपल्याला योग्य वाटते का?
मला तरी ही कृती योग्य वाटते.

कर्मण्ये वाधिकारस्ते | मां फलकेशू कदाचनं
: कार्यकर्त्यांनी कर्म करीत रहावे,आपल्या नावाचे फलक लागतील अशी अपेक्षा करु नये.
-इनोबा म्हणे -मराठमोळे वॉलपेपर

लोकांनी कायदा हातात घेतल्याने अतिरेकी सापडला... हातात हात धरून बसले असते तर कदाचित ... जय मुंबईकर!

माझ्यामते तात्यासाहेब तुम्ही पुढील कृती करावी..

१) त्या गुंडाला तिथल्या तिथे लाथा बुक्क्याने बडवण्यापेक्षा त्याचे आभार मानावेत.शक्य झाल्यास त्याला साष्टांग प्रणिपात करावा...बहिणीलाही तसे सांगण्यास करावे आणि तिने तसे करायला नकार दिल्यास तिलाच रस्तात झोडावे.
२) त्या गुंड भाऊच्या समोर रोज रोज दोन किंवा तीन बहिणींबरोबर जावून त्याला अश्लिल उद्गार काढण्यास चेतवावे. हवे तर कधी कधी त्याला अश्लिल साहित्य ही पुरवावे. रोज रोज नवीन नवीन घाणेरडे शब्द ऐकून तुमच्या सर्व बहिणींना त्याची चांगलीच सवय होइल. मग त्यांची मान खाली जाणारच नाही. आहो स्वतः चे अस्तित्वच त्या विसरतील त्यामुळे आत्मसन्मानाचा प्रश्नच नाही राहणार..
३) अशाने तो गुंड बेजार होईल आणि मग तुमच्या बहिणीलाच काय पण स्वतःच्या बायकोला ही मातेसमान वागवेल. मात्र अशाने तुमच्या बहिणीची नाही पण गांधीगिरी करणार्या लोकांची मात्र मान उंचावेल.

माफ करा अशा सडेतोड उत्तराबद्दल ..पण पाकड्यांवर प्रेम करणार्या लोकांकडून यापेक्षा काही वेगळे उत्तर अपेक्षित नाही.

खादाडमाऊ

आता उत्तर : अनेक गोष्टी ठरवुन करता येत नाही. तेथे तुम्हाला जो योग्य वाटतो तो पर्याय निवडा. मारणे, दुर्लक्ष करणे, लोकाना सांगणे, बहिणीला घरी पाठविल्यानंतर त्या गुंडाची कणिक तिंबणे.

अवांतर : आपली बहिण आहे म्हणून आपण योग्य ते करालच. परंतु अशी कोणी मुलगी जी अश्या गुंडाच्या शेरेबाजीने त्रस्त आहे, तिच्या आजूबाजूला तिचे असे कोणी नाही अशा वेळेस कोणताही विचार न करता तिला तिचा आत्मसन्मान मिळवुन देणे आणि परत त्या गुंडाला असे न करता येणे हाच खरा भाग असायला हवा.

अहिंसावाद ही भारताची जगाला दिलेली देणगी आहे. हे विसरु नका. दुसरे असे इतके मोठे तत्त्व त्याचा किस आणि कस माझ्यासारख्या सामान्य माणसाच्या प्रतिपादानातुन कृपया काढु नका.

बाकी इतर लोकांनी खुपच चांगले निवेदन दिले आहे. इतक्या सुत्रबद्धपणे मलाही विचार करता आला नसता.

हे सगळं ठीक आहे. पण कुठल्याही फालतू माणसाने काही कारण नसताना माझ्या बहिणीबद्दल असे शब्द का काढावे? ही त्याची पहिली चूक. आणि तीच चूक त्याची शेवटची चूक ठरवण्याची जबाबदारी माझी आहे
आणी त्याचा **कापुन मी त्याचा हातात दिला असता हे आपले तत्व आहे फालतु अहिंसा आपल्या बुध्दीच्या बाहेर आहे
ज्याला ठोशाची भाषा कळते त्याला ठोसा द्या

अवांतर : ही माझी प्रतिक्रिया आहे कोणी सहमत असेल तर ठिक नसेल तर ठिक ...

मागोवा - आमच्या काही उचापत्याचा...

१ केले नाहीतर २ आणि ३ ला अर्थ नाही.
आणि १ केल्यानंतर २ आणि ३ चा विचार करायची गरज नाही.

१) योग्य कृती
२) अर्थातच
३) सध्याच्या व्यवस्थेत दुसरा पर्याय मला तरी सापडत नाही. दिल्यास मी स्विकारेन

-- अवलिया

अवलियाची अनुदिनी

मला वाटते मागे एका अप्रकाशित धाग्यात "स्त्रियाना गाडी चालवता येते का" मध्ये मी आपल्या वाहन चालवण्याच्य कौशल्यावर शंका उपस्थित करताच , आपन मला सांगितले होते की जर समोर तुम्ही आलात तर गाडी तुमच्या अंगावरच घालीन.व आता तुम्ही सांगत आहात की एखाद्याच्या शाब्दिक बोलचालीवर तुम्ही हात उगारत असाल तर अयोग्य. माणूस आपल्यापेक्षा दुर्बलांवर हात उगारतो. कायद्याच्या दृष्टीने तुम्हाला चिथावणार्‍या माणसामुळे तुम्ही गुन्ह्यास प्रवृत्त होत असाल तर तो गुन्हा आहे आणि तुम्ही गुन्हेगार आहात.. मग खरे काय?
बाकी काठावर बसुन बुडणार्‍याला सल्ला देणे खुपच सोपे असते. पण त्याला वाचावण्यास त्या पाण्यात उडी मारणे एकाद्यासच जमते.तात्या व गुंड ह्या दोन व्यक्ती मध्ये बोलाचाली झाली नसुन तो त्याच्या बहिणीस वेडेवाकडे बोलला आहे. आज जर त्याला नुसते डोळ्याच्या जरबेतुन बघणे किंवा समज देणे ह्या गोष्टी केल्या तर उद्या दुसरे लोक त्या तात्याच्या कृतीचा गैरफायदा घेवुन त्याच्या बहिणीची टिंगल करण्यास मागे पुढे बघणार नाहीत.तो गुंड तुमच्या बहिणीची टिंगल तुम्हाला दुबळा समजुनच करत असतो, त्यावेळी तुम्ही त्याला तुमच्या कृतीतुनच उत्तर दिले पाहिजे . म्हणजे बघणार्‍या बघ्याना व गुंडाला त्याची जरब बसेल.मग उद्या तुमची बहिण जर रस्त्यातुन एकटी निघाली तर तिच्या कडे वाकडी नजर करुन बघायची कोणाचेही धाडस होणार नाही.

अजुन एक तुमचे वाक्य जगात अनेक खून, मारामार्‍या, गोळीबार हे "स्पॉन्टेनियसली" होत असतात म्हणून चूक-बरोबर करून कायदा त्यांना सोडतो असे नाही.
म्हणजे तुम्हाला काय म्हणायचे आहे ताज.ओबेरॉय व नरिमन हाऊस मध्ये कंमाडोनी कारवाई करुन दहशतवाद्याना मारले त्याच्यावर सदोष मनुष्यवधाचे खटले चालवावेत?
तुमच्या सारख्या विचारवंतानी ह्यापुर्वीच पंजाब पोलिसदलाचे खच्चीकरण केले आहे.
वेताळ

मला त्यावेळी पण राग आला नाही व आता देखिल. पण तुम्हाला येवढे चिढायला काय झाले?
प्रियाली ताईच्या त्या प्रतिक्रियेचा आता वापर कशा करिता केला ह्याचा जरा ईचार करा की .माझ्या त्यावेळच्या लिखाणाचा त्याना जर इतका राग आला होता ,मग एकाद्या मुलीची रस्त्यात कोणी अत्यंत अश्लील उद्गार काढुन टिंगल करत असेल तर त्या मुलीची व तिच्या सोबत असणार्‍याची मानसिकता त्यावेळी काय असेल हे मला दाखवुन द्यायचे होते.अन तुमच्या लिखाणाकडे बघुन मला वाटते माझा हेतु साध्य झाला.
तसेच तुमच्या दुसर्‍या मुद्द्याचे उत्तर पण मी माझ्या वरच्या लिखाणात दिले आहे.
तुम्हाला असं वाटत असेल की या देशात मुलींना कधीच अशा कमेंट्सना सामोरं जायला लागत नाही तर ती चूक आहे. प्रत्येक वेळेला जरा असं गुंड प्रवृत्तीच्या माणसाला मारायचंच ठरवलं तर आयुष्यातला अर्धा वेळतरी असाच जाईल. करणार आहात का असं खरोखर?
शिवाय प्रॅक्टीकली या गोष्टीचा विचार करावा: तुम्ही (किंवा तात्या किंवा कोणीही भाऊ) आपल्या बहिणीबरोबर २४ तास फिरणार आहे का, बळकट स्नायू, काठ्या, (रिल्हॉल्व्हर, एके ४७, ग्रेनेड लाँचर, अणुबाँब इ.इ.) घेऊन??
त्यासाठी मला वर सुचवलेल्या हत्याराचा काही उपयोग होणार नाही व ती सध्या भारतात सहज उपलब्द पण होत नाहीत
त्यासाठीच हे (गुंड तुमच्या बहिणीची टिंगल तुम्हाला दुबळा समजुनच करत असतो, त्यावेळी तुम्ही त्याला तुमच्या कृतीतुनच उत्तर दिले पाहिजे . म्हणजे बघणार्‍या बघ्याना व गुंडाला त्याची जरब बसेल.मग उद्या तुमची बहिण जर रस्त्यातुन एकटी निघाली तर तिच्या कडे वाकडी नजर करुन बघायची कोणाचेही धाडस होणार नाही.
)मी लिहले होते.
बाकी तुमचे विचार खुप चांगले आहेत. परत एकदा ह.घ्या.
वेताळ

१) त्या गुंडाला तिथल्या तिथे लाथा बुक्क्याने बडवणे ही मी केलेली कृती आपल्याला योग्य वाटते का?
मुळीच नाही!!!! खुप सौम्य शिक्षा असेल ती!

आता, आमच्यासारख्या "बदनाम", "गुन्हेगारी मानसिकतेच्या" माणसाचं मत कितपत विचारात घ्यायचं ते ज्याचं त्यानं ठरवावं

आपल्या घरातली स्त्री ही आपल्या संपुर्ण कुटुंबाचा सन्मान्/अब्रु मानली जाते (माझ्या पाहण्यात तरी बहुतांश ठीकाणी. नियमाला अपवाद असतीलही, मला कल्पना नाही!). तिच्याबाबतीत कोणि वेडंवाकडं काही करत असेल तर योग्य त्या प्रकारे ह्या गोष्टीचा इलाज करावाच लागतो!

ह्या प्रकरणांमध्ये एकतर पोलीस इतके वाईट वागवतात, घाणेरडे प्रश्न विचारतात आणि सर्वसामान्य माणसाला मानसिक त्रास होईल असं वर्तन करतात, हे एक निरिक्षण. त्यामुळे सरळ पोलीसांकडे गेलात तर ह्या सगळ्या त्रासाला सहन करण्याची तयारी ठेवावी. हे एक, आणि
असले गुंड बर्‍याचदा टेबलाखालच्या मैत्रीमुळे सहीसलामत सुटतात, आणि बदनाम होते ती आपली बहिण्/आई/वहिनी/जी कोण स्त्री असेल ती!

त्यापेक्षा, सरळ एकच काम करावं,
.त्या बहिणीला रिक्षात बसवून द्यावं आणि घरी पाठवावं. ती गेल्यानंतर त्या गुंडाला धरून निवांत त्याच्या नडग्या फोडाव्यात!
असा चेचुन काढावा, की त्याच्याबरोबर इतरांनाही कळेल की 'साला, ह्याच्या बहिणीला त्रास दिला अन् ह्याला कळलं तर आपलेही पुढे ४ महिने चालायचे वांधे होतील!'
मग सतत बॉडीगार्डसारखं सोबत रहायला नको.

आपलाच,
-(नडगीफोड तरुण) ध मा ल.

माझ्या मते तत्या॑नी जे केल॑ ते या प्रस॑गात तरी योग्यच आहे.
अही॑सेचा मला कि॑चितही अनादर नाही,पण अही॑सेसारखे प्रबळ शस्त्र वापरण्यासाठी समोरचा पण तेवढाच तोडीचा लगतो(म्हणजे ज्याला जनाची नाही मनाची तरी असणारा!)....आणि ज्याला मनाची पण शिल्लक नसते त्याच्यावर अही॑सेसरख्या शस्त्राचा काय उपयोग होणार?
(कारण मनाची तरी असणारा अशी कृत्य॑ करणारच नाही) अशा लोका॑ना हीच भाषा कळते.

प्रिती

तात्या ही प्रश्नोत्तरातुन तत्वे जाणून घेण्याची कल्पना आवडली.

भले कुणी त्याला "One fool can ask more questions than seven wise men can answer." असे म्हणून हिणवो! :)

आता माझे काही प्रश्न आपल्याला :

एक माणूस गच्च पान खाऊन भर रस्त्यावर पाच्चकन थूंकला. तिकडून जाणार्‍या आणखी एका व्यक्तिला हा त्याच्या मातृभूमीचा अनादर वाटला. त्यामूळे संताप होऊन त्याने ह्या थुंकणार्‍या व्यक्तिला लाथा बुक्क्यांनी यथेच्छ चोपला. आता..

१) त्या थुंकणार्‍या असभ्य व्यक्तिला तिथल्या तिथे लाथा बुक्क्याने बडवणे ही कृती आपल्याला योग्य वाटते का?

२) या कृतीमुळे त्या थुंकणार्‍याने मायभुमीचा केलेला अनादर दूर होऊन तिचा आत्मसन्मान जपला जाईल असे आपल्याला वाटते का?

३) की सदर व्यक्तिने काही वेगळी कृती करायला हवी होती? असेल तर ती कोणती, की ज्यामुळे मायभुला न्याय मिळेल आणि अनादर होणार नाही?

प्रष्न विचारले. उत्तर कुठे आहे.
अवांतरः इथे भारी विनोद होउन राहीले की हो तात्याबा. जगातले बहुतेक खुन, मारामा-या ,गोळीबार स्पॉन्टेनियसली होतात. हे माहित नव्हते हो.

मी जर तात्या असेल तर पर्याय क्र. १ च वापरेल. ( कारण शक्ती असेल तर हिंसेने प्रश्न लवकर सुटतात.).

अवांतर : मी जर कलंत्री सारखा विचारांच्या जंजाळात अडकणारा असेल आणि परत प्रत्येक गोष्टीमागे तत्त्वज्ञान शोधणारा असेल तर,

दुसर्‍या दिवशी बहिणीला एक राखी देईल आणि सर्व आजूबाजुच्या लोकांना एकत्र बोलावेल आणि त्या गुंडाला राखी बांध असे सांगेन. शक्यता आहे की माझा आणि इतरांचाही प्रश्न सुटु शकेल.

तात्यांची कॄती योग्य वाटते. फक्त मारहाण जीवावर बेतणारी नको उलट त्या गुंडाला जरब बसेल आणि असले कृत्य करण्यास तो पुन्हा धजावणार नाही इतपत .

कलंत्री यांच्या उत्तराची मला ही उत्कंठा आहे.

मला वाटते तात्यांच्या म्हणण्यातील मतितार्थ लक्षात न घेता भलेभले मिपाकर फक्त शब्दांचा किस पाडत आहे.
तात्यांनी स्वतःवरील प्रसंग न सांगता असे विचारायला हवे होते की कलंत्री साहेब त्यांच्या बहीणीबरोबर रस्त्यावरून जात आहेत आणि वरील प्रसंग उद् भवला तर ते गांधीवादी विचार अमलात आणतील की त्या गुंडाला तिथल्या तिथे धडा शिकवतील.

दुसर्‍या दिवशी बहिणीला एक राखी देईल आणि सर्व आजूबाजुच्या लोकांना एकत्र बोलावेल आणि त्या गुंडाला राखी बांध असे सांगेन. शक्यता आहे की माझा आणि इतरांचाही प्रश्न सुटु शकेल >>>>

कलंत्री साहेब तूम्ही त्या गूंडाला मारवे की नाही ह्या बाबत मी काही बोलनार नाही. तो तूमचा निर्नय. पण तूम्ही जे लिहील त्यावर प्रतिक्रिया द्याविच लागेल.

मूळात त्या गुंडाला एखादी सक्खी, मावस, चूलत बहिन असन्याची शक्यता नाकारता येत नाही मग आधीच बहिन असताना देखील तो छेड काढतो, मग ह्या फाल्तू राखीचे काय ते महत्व? आणी गुंडानां आया बहिनी नसतात असा तर तूमचा समज नाही ना? एखाद्या मानलेल्या बहिनीकडे पाहून तो उमाळा येउन छेडने थांबवेल हे समजने म्हणजे ??? मुन्नाभाई एम बी बी एस ला वास्तव समजल्यामूळे ही गफलत.

तात्या !!!!!!!!!!!!!
तुमच्या बहीणीच रक्षण करायला तुम्ही खमके आहात्......................
पण आमच्या सारख्या भाऊ नसलेल्या स्त्रियांनी अश्या प्रसंगी काय करायच राव!
आमच रक्षण करायला कोणता कृष्ण धावुन येणार?.......देवाने हात हा अवयव हा फक्त ठराविक कामांसाठीच दिलाय का माणसाला?योग्य वेळी त्याचा वापर करायला लागतोच की .?गावगुंडांना बुकलुन काढायची क्षमता नसेल कदाचित आमच्यात पण दोन सणसणीत कानशिलात हाणून भर दिवसा तारे दाखवण्याची ताकद असायला हवीच की प्रत्येक स्त्री मधे
काय बिशाद लागुन गेली आहे कुणाची वाटेस जायची. :>
अश्या प्रकारचा प्रसंग कुणा स्त्रीवर कधी ओढवु नये खर पहाता.पण तरी वेळ आलीच तर मात्र..................
तुम्ही निवडलेला पहिला पर्याय एकदम योग्य.
माझ्या या कृतीमुळे त्या गुंडाचे अश्लील उद्गार ऐकून भररस्त्यात माझ्या बहिणीची चारचौघात खाली गेलेली मान क्षणार्धात अभिमानाने उंचावेल आणि पर्यायाने तिचा आत्मसन्मान जपला जाईल असे आपल्याला वाटते का?
याचे उत्तर म्हणजे त्या मवाल्याची तुम्ही केलेली पुजा सफल झाल्यावर बहिणीच्या हस्ते त्याची उत्तर पुजा देखिल तेथेच घालुन घ्यावी.कसें!
आणि असल्या मुर्ख लोकांच्या बाष्कळ बडबडिकडे लक्ष देऊन आपली मान खाली घालण्याचे कुठल्याही स्त्रीला कारणच काय?

"अनामिका"

वाखाणण्याजोगी आहे!

द्वारकानाथजी अडचण करणार्‍या प्रश्नांची उत्तरे देत नाहीत हे माहित असतानाही तु विचारतो आहेसः).

यांच्या क्र. २ च्या लेखात मी काही प्रश्न विचारले होते. सारे मिळुन जेमतेम ५-६ ओळी. पण साहेबांनी उत्तर देणे टाळले वर प्रश्न पुन्हा विचारा असे सांगितले. असो. गेली अनेक वर्षे आपण त्यांचे निरूतर होणे पाहत आहोतच.