Soap Opera

संदीप-लेले's picture
संदीप-लेले in जे न देखे रवी...
30 Aug 2020 - 8:42 pm

जमेल तसे जास्तीत जास्त स्वत:ला विकायला शीक
दळभद्री असल्या तरी मालिका तू पहायला शीक

सगळ्या मालिका सारख्या
त्यात दळली फक्त कणी
पाझरती सा-या वाहिन्या
जसे गटारातील पाणी
निर्बुद्धपणा कळसाला
सारे कैकयीचे वंशज
कमरेचे अजून कमरेला
तेही सुटेल लवकरच
रोज त्याच घाणीमध्ये डुकरासारखं लोळायला शीक
दळभद्री असल्या तरी मालिका तू पहायला शीक

पेराल तेच उगवते
पहाल तेच निपजते
तणासारखे वाढते
TRP वर फोफावते
पडद्यावर जे दिसेल ते
सुख देवो मनाला
अभिरुची सोडून दे
डोकं बांध गुडघ्याला
भरलं ताट टाकून कच-यावर पोट भरायला शीक
दळभद्री असल्या तरी मालिका तू पहायला शीक

पुरुषांना साड्या नेसवून
पाचकळ विनोद करूया
पडद्यामागून जोरदार
'चला हशा येऊ द्या'
आपल्याच मालिकांना
आपणच बक्षीस देऊया
अतीसुमार कलेवराला
खांद्यावर वाहून नेऊया
रोज रोज जगण्यासाठी रोज रोज मरायला शीक
दळभद्री असल्या तरी मालिका तू पहायला शीक

... संदीप लेले

कवितासमाजजीवनमान

प्रतिक्रिया

रंगीला रतन's picture

28 Apr 2021 - 3:47 pm | रंगीला रतन

कवितेतल्या भावनांशी १००% सहमत पण
भरलं ताट टाकून कच-यावर पोट भरायला शीक
दळभद्री असल्या तरी मालिका तू पहायला शीक

ह्या काय आपल्याला जमायचा नाय! नाय म्हंजे नायच! :)

गॉडजिला's picture

28 Apr 2021 - 3:53 pm | गॉडजिला

... क्या बात!

चित्रगुप्त's picture

30 Apr 2021 - 4:09 am | चित्रगुप्त

झकास कविता.

तुषार काळभोर's picture

30 Apr 2021 - 9:59 pm | तुषार काळभोर

भावनांशी सहमत.
आता ott पर्याय उपलब्ध असूनही हिंदी मराठी मालिकावाले सुधरत नाहीत, हे दुर्दैव.
अवांतर :
याहून जास्त डोक्यात जाणारा प्रकार म्हणजे सर्व प्रकारच्या माध्यमात दिसणारी अन् कानावर पडणारी मराठी भाषा. इंद्रायणी तांदळाच्या भातावर मटणाचा रस्सा (किंवा वरण अन् तुपाची धार फॉर दॅट मॅटर) ओतून ओरपताना प्रत्येक घासाला तीन खडे लागावेत असे वाटते.