गझल : पुन्हा एकदा...

Primary tabs

bhagwatblog's picture
bhagwatblog in जे न देखे रवी...
18 Jun 2019 - 3:15 pm

मा‍झ्याच स्वप्नांना लावला मी सुरूंग
संकल्प सोडला अर्धवट पुन्हा एकदा

शर्थीचे प्रयत्न सत्यात आले नाहीत
निश्चयाचे संपले बळ पुन्हा एकदा

स्वप्नांची लचके तोडली मी स्वत:
पराभवाने दिली मात पुन्हा एकदा

कष्टाची घागर भरली पुन्हा संपूर्ण
अपयशाचे भरले रांजण पुन्हा एकदा

प्रयत्नाचा डोंगर उभारला मी स्वत:च
नियतीनेच दिला घाव पुन्हा एकदा

सुखांना जिंकण्याचा भास मला झाला
दु:खाने केले गर्वहरण पुन्हा एकदा

काळेकुट्ट ढग अन दाटलेल आभाळ
संकल्पाचा सोडला बाण पुन्हा एकदा

gajhalगझल

प्रतिक्रिया

चौथा कोनाडा's picture

24 Jun 2019 - 10:58 pm | चौथा कोनाडा

छान !

स्वप्नांची लचके तोडली मी स्वत: ऐवजी स्वप्नांचे लचके तोडले मी स्वत: असं चालणार नाही का ?

bhagwatblog's picture

25 Jun 2019 - 12:07 pm | bhagwatblog

"स्वप्न" शब्दाचे अनेकवचनी लिहायचे होते त्यामुळे "स्वप्नांची लचके तोडली मी स्वत:" असे लिहिले आहे. प्रतिसादा साठी धन्यवाद!!!

चौथा कोनाडा's picture

25 Jun 2019 - 4:24 pm | चौथा कोनाडा

"स्वप्नांची लचके" असे बोलण्यात / ऐकण्यात / वाचण्यात आले नव्हते आता पर्यन्त. उच्चार देखिल गैरसोयीचा आणि विचित्र वाटतो आहे.

आपण नविन शब्द प्रयोग निर्माण करत असाल तर हार्दिक शुभेच्छा !

(आज काल मराठीची काळजी वाटते )

अभ्या..'s picture

27 Jun 2019 - 12:31 pm | अभ्या..

(आज काल मराठीची काळजी वाटते )

नुसती मराठीचीच नाही तर त्यातील घासून गुळगुळीत झालेले कंटेंट, चुकीचे सादरीकरण, त्यातील चुका दाखवल्यावरही मान्य न करता मीच सांगतोय ते बरोबर, नाहीतर द्या तुम्हीच उदाहरण अशा नवलेखकी वृत्तीची जास्त काळजी वाटतेय.
ते ही एक असोच म्हणा.

कल्पना ठीक आहेत. पण माफ करा तांत्रिकदृष्ट्या ही गझल नाही. तसेच थोडी गेयता कमी पडते आहे. कदाचित काही शब्द बदल करून फरक पडावा. पु.ले.शु.

राघव,? कृपया एखादे उदाहरण द्याल का?

राघव,,तुम्ही सांगितल्या प्रमाणे ही तांत्रिकदृष्ट्या गझल नाही. जाणकारांचे हेच मत आहे. धन्यवाद!!!

प्रतिसादा साठी धन्यवाद चौथा कोनाडा, राघव... "स्वप्नांची लचके" लवकरच बदल करतो. शब्द एखादे उदाहरण द्याल का?

सुखांना जिंकण्याचा भास मला झाला
दु:खाने केले गर्वहरण पुन्हा एकदा

वा...

मदनबाण.....

आजची स्वाक्षरी :- लफ्जों में कह ना सकू बिन कहे भी रह ना सकू... :- Abhijeet Sawant