केसरिया बालमा
हळूच खुणवे
लिहिता लिहिता
कोपर्यातला
हिरवा ठिपका
दोन दिशांना
दोघे आपण
नव्हती ओळख
नव्हते नाते
ऑर्कुटवरुनी
संवादाचे
इथेच रुजले
हिरवे पाते
व्हर्च्युअल जरी
भांडण अपुले
किती अबोले
लटके रुसवे
पण
केसरिया तो
हिरवा होता
अंतर सारे
क्षणात मिटवे
रंग बदलला
जगण्याचा मग,
फूलपाखरू
झालो आपण,
नवीन क्षितिजे
नवीन नाती
नवरंगातच
न्हालो आपण
.....
.....
.....
अजूनही सय
दाटून येता
लॅपटॉप मी
उघडून बसतो
केशर हिरवे
होण्याची मी
पुन्हा नव्याने
वाट पहातो
वाचने
9849
प्रतिक्रिया
11
मिसळपाव
प्रतिक्रिया
काळानुसार बदलेला केसरिया
काळानुसार बदलेला केसरिया बालमा. ;)
कविता आवडली.
वा!
चॅट विंडोतला केसरिया हिरवा झाला! :) कविता आवडलीच!
वा! सुरेख आहे कविता न चित्रही
वा! सुरेख आहे कविता न चित्रही अनुरूपच.
नाही कळली बुवा.
नाही कळली बुवा.
काय ग!
In reply to नाही कळली बुवा. by प्राची अश्विनी
फेसबुक मेसेंजर वापरत नाहीस का!
ओह, कळलं.:)
In reply to काय ग! by पैसा
ओह, कळलं.:)
क्या बात है! एकदम नव्या
क्या बात है! एकदम नव्या युगाची डिजिटल केसरिया कविता आवडली.
वा! सुंदर कविता.
वा! सुंदर कविता.
मस्त आहे नव्या युगाची नवी
मस्त आहे नव्या युगाची नवी कविता:)
आवडली
मस्त आहे
वाह
क्या बात डिजीटल केसरीया