सरकारने कोणाचे स्मारक उभारावे याबाबतचे निकष कोणते?

ह्यांना एक सेपरेट विभाग काढून द्या रे प्लीज.
भयानक पोटेन्शिअल आहे

ओ कुलकर्णी तुम्ही लिहिताये ते मुद्दे योग्य वाटतात . पण धडाधड धागे अन एकाच धाग्यात सत्राशे साठ विषय मांडण्याची घाई कशाला ?
प्रत्येक परिच्छेद एका दिवशी एक धागा म्हणुन घ्या की . जिलबी दुकान फुल्ल फॉर्म मध्य चालु होइल

'होऊ दे खर्च, मिपा आहे घरचं' म्हटल्यावर स्मारकं स्वारी 'चर्चा तर होणारच'.

तुम्हाला बाळासाहेबांविषयी फारशी माहिती नसावी असं वाटतंय. तुम्ही फक्त शिवसेनेने केलेल्या काही कृतींबद्दल बोललात पण त्यामागची पार्श्वभूमी आणि कार्यकारण भाव समजून घेणे आवश्यक आहे. मुंबईतील दंगल तुम्ही अनुभवली आहे कि नाही माहित नाही पण मुंबईतील हिंदू सुरक्षित राहिले ते केवळ शिवसेनेमुळे. हे मी प्रत्यक्ष अनुभवातून सांगतोय, कुठे वाचून नाही. अजून एक स्पष्ट करणे महत्वाचे आहे, मी शिवसेनेचा कार्यकर्ता, पदाधिकारी नाही आणि नव्हतो.

मियांदाद ला बोलावले होते तेव्हा त्याचा आणि दाऊदचा काही (लग्न)संबंध नव्हता. ही भेट मियांदादच्या विनंतीनुसार २००४ मध्ये झाली आणि त्याच्या मुलाचा विवाह २०११ मध्ये झाला.

मुख्य मुंबईत एवढे वर्ष राहून मला कधी वाटलं नाही की शिवसैनिक अरेरावी किंवा दादागिरी करतात.

खालील लेख वाचवा अशी विनंती:
http://jagatapahara.blogspot.com/2012/11/blog-post_26.html

कृपया बाळासाहेबांबद्दल अजून माहिती मिळवा.

शीर्षक आणि बाकी लेख याच्यात गफलत झाली आहेच. परंतु लेख मूळ गाभा फक्त बाळासाहेबांना नावे ठेवणे एवढाच वाटतोय.

ढिस्क्लेमर: शिवसेनेच्या सध्याच्या परिस्थितीवर मला काहीही भाष्य करायचे नाही.

१००% सहमत. खरं तर हे राजकरणी दुतोंडी आहेत- एकिकडे आपण शिवाजी राजांचे भक्त आहोत असं दाखवतात तर दुसरीकडे त्यांचीच निंदानालस्ती करणार्‍या पुरंदरे सारख्यांना पाठींबा देतात!
अवांतर- सध्या आमच्या वॉट्स-अ‍ॅपवर यांचा 'वाघाचं कातडं पांघरलेला लांडगा' असा उल्लेख केला जातेय! ;)

साहेबांचं स्मारक आद्य साहेबांच्या शेजारी म्हणजे रायगडावर उभारावे. लोकाना एकाच भेटीत दोन साहेब दिसतील. रायगडाचाही जीर्णोद्धार होइइल. महाराज व साहेब एकत्र गप्पा मारत बसतील.

साहेब महापौर बंगल्यावर राहिलेले काय ?
साहेब जिथे राहिले त्या मातोश्रीवर, किंवा जिथून काम केलं त्या भवनामध्ये, बनवा तुम्हाला हवं तेव्हड मोठं स्मारक.
च्यायला पब्लिक प्लेस वर डोळा नेमका.

पण 3 वर्षापूर्वी सुधधा शिवाजीपार्कच्या जागेसाठी
धिंगाणा सुरूच केलेला, पण सी एम पृथ्वीराज नी, आत्ता सी एम देवेंद्रनी , बरोब्बर गंडवलाय यांना. गुड गेम देवेंद्रजी ..

'मातोश्री'च स्मारक म्हणून योग्य राहिल.

श्रीमान राजेश कुलकर्णी

आपण उपरोक्त लेखात जी गरळ ओकली आहे त्याबद्दल आपल्या अफाट बुद्धीची कीव करावीशी वाटते. आपली तुलना मला प.पु. राहुल गांधी याच्याशी करण्याचा मोह आवरत नाही आहे.

अर्धवट ज्ञान घेऊन आपण या विषयावर एखादे तज्ञ असल्यासारखे निरीक्षण नोंदवले आहे.
कुठ्लारी दुषित ग्रह मनात ठेवून आपण हे लिखाण केले आहे. विषय एक आणि लिखाण भलतेच ?

कुठल्यातरी एखाद्या पुचाट पक्षाचे आपण प्रवक्ते असल्याचाहि दाट संशय वाटतोय...

किंवा एखाद्या मोठ्या व्यक्तीचे नाव घेऊन त्यावर टीका करून आपण लोकांचे लक्ष आपल्याकडे वेधून घेण्याचा हा एक फालतू प्रयत्न दिसतोय,

असो... परंतु मिपावरील आपला पहिलाच लेख बाळासाहेबांविरोधात लिहून आपण दणदणीत एन्ट्री करण्याचा आपला प्रयत्न कदाचित सफल होईल...
आपला हा लेख वाचून आम्ही धन्य झालो आहोत, यापुढे आपला एकही लेख वाचण्याची नामुष्की आमच्यावर याजन्मी तरी येऊ नये , हीच इच्छा...

लेखातले मुद्दे योग्य आहेत. शिवसेना सपोर्टर्स एक तर गरळ नैतर राडे यापलीकडे दुसरी भाषा जाणत नाहीत हे सर्वांनीच पाहिलेले आहे. त्यामुळे त्यांच्या प्रतिक्रियांकडे दुर्लक्ष करणेच उत्तम.

कोणाचेच स्मारक उभारू नये सरकारने
कशाला हवीत स्मारक आणि पुतळे ?
काय होत स्मारक उभारून फक्त जनतेच्या पैशांचा अपव्यय
त्यापेक्षा त्या पैशांमधून काहीतरी समाजोपयोगी काम करा
तो पैसा देशाची स्वच्छता ,शेतीचा विकास ,जलसंधारण कामांसाठी वापरा
इथ प्रत्येकाच स्वतंत्र स्मारक हव त्यांच्या अनुयायांना
ह्यांच्या स्मारकांसाठी एकरांवारी जागा अडकून पडणार आणि जिवंत माणसांना डोक झाकण्यापुरता
निवारा मिळण मुश्किल झालय
पण तरीही फारच हौस असेल तर
एकदाच एखादी जागा निश्चित करून तिथच सगळ्यांचे पुतळे उभारून टाका , त्यांच्या कार्याची माहिती देणारा बोर्ड लावून टाकायचा
'स्मारक पार्क '
हवीत कशाला प्रत्येकाची स्वतंत्र स्मारक

सध्या राज्यात दुष्काळ असताना रोज शेतकरी आत्महत्या करत असताना
१ बाळासाहेब ठाकरेंचे स्मारक ,
२ शिवाजी महाराजांचे अरबी समुद्रामधील स्मारक ,
३ आंबेडकरांचे इंदू मिलमधील स्मारक ( सध्या लंडनमधील घरावर पैसे घालवलेच आहेत)
इतर अजून कोणी थोर पुरुष असतील त्यांची स्मारके बांधण्याचे नियोजन बंद केले पाहिजे व तो पैसा राज्ज्यासाठी वापरला पाहिजे.

स्मारक कुठे करायचे हा मुद्दा जरी वादाचा असला तरी ज्या व्यक्तीचे स्मारक करायचे आहे त्या व्यक्तीबद्दल वाद उभा करण्याची गरज नाही.

एखादी व्यक्ती आपल्याला आवडत नाही म्हणून ती सर्वांनाच आवडत नाही , अस होत नसते .

भाषा भाषणे शिवराळ आहे, असभ्य आहे, गुंडगिरी करतात, - हि झाली नाण्याची एक बाजू ... दुसरी बाजू काय? माहित असूनही आपण ती आपण मान्य करणारच नाही..

"स्वत:च स्वत:ला वाघ म्हणून घेणे, हि्दूह्रदयसम्राट म्हणून घेणे हेच यांचे गंमतीशीर ऊद्योग आहेत. सामान्य लोक या दाव्यांना भुलतात हे दुर्दैव."

हि या कुलकर्णी महाशयांनी वर दिलेली एक प्रतिक्रिया.

आमच्या सारखे सामान्य लोक अश्या दाव्यांना भुलतात ...मान्य ..
आपण दोघेही भुलला नसाल कारण आपण असामान्य आहात....

अफजलखानाचा शिवाजी महाराजांनी वध केला असा इतिहास आहे. ( पोट फाडले म्हणले तर गोंधळ व्हायचा ) मग त्याचा सरकारी इतमामाने अंत्यसंस्कार केला. चुकले का त्यांचे ? मृत्यु नंतर वैर संपते असे म्हणतात.

बर अफजलखानाने प्रतापगडावर येण्यापुर्वी किती मुर्ती फोडल्या/ काय काय लुटले याचाही इतिहास आहे. वास्तवीक शिवाजी महाराजांनी अफजलाखानाच्या प्रेताचे धिडवडे काढले असते तर लोकांनी अजुन तिखट प्रतिसाद देऊन आणखी नविन वाचनात आले असते.

असे काय वाईट झाले हो बाळासाहेबांमुळे ? ते स्पष्ट वक्ते होते हा गुन्हा होता ? भुमीपुत्रांच्या अधिकाराला त्यांनी वाचा फोडली हा गुन्हा झाला ?

त्यांच्या तिखट टिकेचे सर्वात जास्त शिकार मा शरद पवार साहेब झाले होते. त्यांच्या अंत्यसंस्काराला शरद पवार आणि छगन भुजबळ ( ज्यांना शिवसेना सोडल्यानंतर चॉकलेट मंत्री इ. शेलक्या विषेषणानी बाळासाहेब संबोधत ) हजर होते. स्वतः शरद पवार साहेबांनी स स्मारकाच्या स्थापनेसाठी पुढाकार घेतला.

आपल्या लेखाचा सर्वांगाने पुन्हा विचार करावा.

कोणत्याही राजकिय नेत्याची शक्ती ही लोकसामर्थ्यातूनच व्यक्त होत असते. बाळासाहेबांचे व्यक्तिमत्त्व पाहिले असता असे स्मारक लोकांनीच उभे केले पाहिजे.

अर्थातच अश्या स्मारकातून नेमके काय साध्य होईल हे सांगता येणे नक्कीच अशक्य आहे हे मात्र खरे.

उद्धव ठाकरे यांना तहहयात अध्यक्ष ठेवणे हे देखील अनुचित आहे.

सरकारला योग्य वाटेल अशा कोणाचेही स्मारक उभारायला माझी ना नाही. मात्र माझा(टॅक्सरुपाने भरलेला) पैसा त्यात लागणार असल्याने त्याचे स्वरूप कसे असावे याविषयी माझी (जनतेची) मतेही सरकारने मागवावीत व त्यावर विचार करावा असे वाटते.

शिवशि, त्यासाठी सार्वजनिक जागा (विशेषतः मैदाने) वापरू नये असेही मत आहे. नवी जमिन विकत घ्यावी किंवा आधीच काही भाग आरक्षित ठेवावा.

शिवसेना भाजपावाले काँग्रेसला शिव्या घालतात.

पण गांधीजी , नेहरू , पटेल इ लोकांची स्मारके ही त्या व्यक्तींचे नातेवाइक / चाहते यानी दान दिलेल्या जागेत आहेत. साबरमती आश्रम , मणीभवन , मोतीलाल नेहरु स्मारक , डॉ. आंबेडकरांचे घर इ इ या खाजगी जागा होत्या.

अगदी ब्यारिस्टर जिनानीदेखील आपले मुंबैइचे घर पाकिस्तानी दूतावासास देण्यास सांगितले होते. ( सध्या ती जागा भारत , पाक व जिनांचे वारस यांच्या वादात आहे. )

म फुल्यांनी जी शाळा सूरू केल होती तो वाडाही मालकाकडून ऐतिहासिक महत्व हे कारण दाखवून आपल्या ताब्यात घेऊन मग तिथे स्मारक उभे केले असे ऐकून आहे.

आणि ठाकरेना मात्र उलटा न्याय ? ठाकरे ऐतिहासिक व्यक्तित्व होते तर त्यांचे निवासस्थान ताब्यात घेऊन तिथे सरकारने स्मारक उभे करावे.

....

भाजपावाले बहुमतात असुनही सेनेची मागणी मुकाट्याने मान्य करत आहेत याचा अर्थ अगदी स्पष्ट आहे.

म्हणजे सत्तेचा वापर करुन उद्या भाजपावालेही काही भूखंड बळकावतील त्याला सेना उपद्रव करणार नाही. दुसर्‍या लबाड लोकांचा विरोधही अशा मांडवलीच्या उद्देशानेच असणार , असे वाटते

धाग्याचे शिर्षक वाचुन धागा उघडला. पण या माणसाचे (मुद्दाम एकेरी उल्लेख करतो आहे) इतर धागे वाचुन त्याची लायकी कळली.
पहिल्या दोन ओळी आणि शेवटचे दोन परिच्छेद सोडले तर या माणसाला ठाकरे आणि शिवसेना या दोन शब्दांपध्दल घृणा/ तिरस्कार आहे हे पदोपदी जाणवते.

संपादक मंडळ,
माफ करा, पण व्यक्तीस्वातंत्र्य, नविन लेखकांना प्रोत्साहन म्हणुन (एक मिपाकर आणि केवळ वाचक म्हणुन) काय आणि का सहन करायचे हे मी सगळे?

अनावश्यक वाटल्यास प्रतिसाद अवश्य उडवा.

मोठमोठाली भाषणे करून लोकांची मते मिळवणे व त्याद्वारे स्वताचे घरदार चालवणे हे फक्त उद्योग. लेखास वरवर विरोध करणार्यांनी त्यांची किमान १० ठोस कार्ये लिहून दाखवा व मुंबई आमची मुंबई आमची म्हणताना व महानगरपालिकेत गेली अनेक वर्षे सत्ता उपभोगत असून स्वताचा रिमोट असताना मुंबई चा कसा गतिमान विकास झ्हाला हेही आमच्या ज्ञानात भर म्हणून लिहून दाखवा. सबळ पुरावे म्हणून या पावसाळ्यात सर्व रस्ते कसे अजिबात तुंबले न्हवते , लोकल निट धावत होत्या लोक आनंदाने कामावर जात होते वगैरे चे फोटू टाकल्यास अति उत्तम.

या चर्चेच्या विषयावर मला काही बोलायचे नाही. काही जणांनी स्व. बाळासाहेबांचे योगदान काय हे विचारले आहे त्याचे माझ्या परिने उत्तर देण्याचा प्रयत्न करतो. इतरांना पटावेच असा आग्रह (नेहमीप्रमाणेच) नाही.

१९९८ ते २००४ या काळात प्रथमच दीर्घकालासाठी वाजपेयींच्या रुपाने गैर काँग्रेसचा पंतप्रधान देशाला लाभू शकला. या काळात अनेक लहान पक्ष कधी अण्णाद्रमुक, कधी तेदेप, कधी तृकाँ पाठिंब्याच्या बदल्यात सरकारला ब्लॅकमेल करत असत. या सर्व काळात सेनेच्या पाठिंब्याच्या रुपात स्व. बाळासाहेब भक्कमपणे वाजपेयींच्या पाठिशी उभे होते. त्या काळात देशाची प्रगती उत्तम होऊ शकली.

दुसरी गोष्ट स्पष्टपणे जाणवेलच असे नाही. पण संपूर्ण भारतात शिवसेनाच असा (आकारमानाने दखल घेण्याजोगा) पक्ष आहे जो जात पात बघून उमेदवार उभे करत नाही. किती तरी सर्वसामान्य माणसं निवडून येण्यासाठी बहुतेक वेळी लागणारी जातीची अन पैशाची पार्श्वभूमी नसताना सेनेच्या माध्यमातून राजकारणात येऊ शकली अन यशस्वी होऊ शकली.

ज्या घराणेशाहीने लोकांमध्ये धार्मिक तेढ निर्माण करुन लाखोंचे संसार उध्वस्त केले, दंगली पेटवून लोकांचे निर्घुण बळी घेतले- लोकांचे अन्नपाण्याविणा हालहाल केले, त्याच घराणेशाहीला आता लोक ग्रेट मानून त्यांच्या कुकर्माला पाठीशी घालत आहेत!!?? वर म्हणतात त्यांनी एवढं काय वाईट केलं?
महाशय त्या दंगलीत आपली माणसे गमावलेल्या लोकांना विचारा- त्यांनी काय एवढं पाप केलं होतं? जे त्यांच्यादेखत त्याच्या कुटूंबियांना कापण्यात किंवा जाळण्यात आलं? काय वेदना सहन कराव्या लागल्या असतील त्यांना?
मी हे सांगतोय कारण, ही दंगल आणि जाळपोळ आंम्ही स्वतः पाहीली आहे, अनुभवली आहे. मेन दंगलीच्या संवेदनशील ठीकाणीच राहात असल्याने त्याच्या झळाही सोसल्या आहेत, रात्री अपरात्री घरावर पडणार्‍या स्फोटकाच्या बाटल्या आणि हैवानासारखी हातात तलवारी, सुरे, चॉपर, जे भेटेल ते हत्यार घेऊन फिरणार्‍या टोळ्या आंम्ही बघितल्या आहेत. चोवीस तास अन्नपाण्यावाचून स्वतःला घरात कोंडून ठेवणे ही काही साधी गोष्ट नाही, पोलिसांना तर 'शुट अ‍ॅट साईट' ची ऑर्डरच देण्यात आली होती. मग तो कोणीही असो.
एवढं सगळं का आणि कशासाठी? एका राममंदिरासाठी?

ज्या शिवाजी महाराजांनी मुसलमानांच्या मस्जिदीच्या विटेलाही कधी हात लावला नाही, त्याच शिवाजींच्या नावाने चुकीचा फतवा काढून हे बाबरी मस्जिद पाडायले निघाले होते?
एखाद्याचे अंधानुकरण करण्यापेक्षा डोळे उघडून त्याची खरी सत्यता पडताळून पहायला हवी. तरच समाज सुधारु शकेल, नाहीतर पुन्हा बाबरीची पुनरावृत्ती व्हायला वेळ लागणार नाही. :(

अन्नू, सुज्ञ यांनी दाखवलेली बाजू अगदी वास्तवाला धरून आहे.

विस्तवाला अशी दुरुस्ती करावी ही नम्र विनंती..

आस्तीक-नास्तीक-स्वास्तीक-कास्तीक-जास्तीक-राजकीय धाग्यांने पीडीत अस्सल मिपाकर वाचक महासंघाच्या "मी मिपाचा,मिपा माझा" या दैनिकातून साभार.

दणदणीत लेख (भाषण?) आहे. थोडा सौम्य पाहीजे होता, आणि जनरलायझेशन कमी हवं होतं.

राजेश कुलकर्णी, सरकारने कोणाचे स्मारक उभारावे याबाबतचे निकष कोणते?
मुद्दा काय? आणि तुम्ही लिहिता काय ?
बाळासाहेबांविषयी माझ्या मनातील द्वेष असा काही तरी धागा तुम्ही काढायला हवा होता.
तुमचा मुद्दा क्रमाक १) (कारण त्यांच्या पक्षाची ना काही भूमिका, ना काही तत्वे, ना काही विचारधारा. जी तत्वे म्हणून जी दाखवली ती सतत बदलत राहिले.) हो शिवसेना नेहमी अन्याया विरोधात लढत राहिली आणि राहील. मराठी माणसाच्या न्याय व हक्क साठी शिवसेना नेहमीच लढत राहिली आहे. मग कधी समोर कम्युनिस्ट, लुंगीवाले मद्रासी,भैय्ये,मुसलमान कोणी हि येवो. मुंबई मध्ये कुठे शिवसेनेचा मुख्यमंत्री असताना सर्वाधिक समाजपयोगी कामे झाली. आज मुंबई मधील उड्डाण पूल असो कि मुंबई-पुणे महामार्ग असो या बाळासाहेबांच्या दूरदृष्टी मुळेच झाल्या तुम्ही हे सोयीस्कर रित्या विसरता.
(मशिदीतील कर्ण्याचा आवाज, नमाजादरम्यान रस्ते अडवले जाणे, वगैरे उपद्रवाच्या बाबतीत मुस्लिमांशी चर्चा करून मार्ग काढण्याचे सोडून महाआरतीसारखे उद्योग करून वातावारण तापवणे, ही यांची कामाची पद्धत. थोडक्यात, काही ना काही विषयावरून लोकांच्या भावना भडकावणे हा यांचा धंदा.)हे प्रश्न चर्चेने सुटणारे होते मग इतर पक्षांनी किंवा तुम्ही का नाही सोडविलेत हे प्रश्न चर्चा करून ????? हे म्हणजे असे झाले कि सावरकर क्रांतिकारक म्हणून ते वाईट आणि गांधीजी सत्याग्रही म्हणून ते तेव्हडे भले......
(विरोधी मतदान केले म्हणून आपल्याच एका नगरसेवकाचा खून करणे हे यांचे लोकशाही उद्योग)हे तुम्हि सिद्ध करा आणि मग बोला उगाच लिहिता येते म्हणून काही हि लिहू नका.
(हिंदुत्वाचे नारे देणा-या त्यांच्या पक्षाने एकदाही हिंदुत्व म्हणजे काय हे कधीही स्पष्ट केलेले नाही. त्यांनी स्वत:च स्वत:ला हिंदूहृदयसम्राट म्हणवून घेतले. स्वत:च स्वत:ला वाघ म्हणवून घेणे हा आणखी एक स्वत:चे कौतुक करून घेण्याचा विषय. हिंदुत्वाच्या गप्पा मारणा-यांनी किती दलितद्वेष केला, हे काय लपून राहिले आहे काय?)तुम्हाला कुणी सांगितले हिंदूहृदयसम्राट म्हणायला. त्यांचे चाहते त्यांना कोणत्या हि नावाने हाक मारतील तुम्हाला त्याचे काय ? तुम्ही हि तुमचे नामकरण हव्या त्या नावाने करून घ्या आमचा काही एक आक्षेप नाही. आणि दलितांचा द्वेष कुलकर्णीच्या पूर्वजांनी केला असेल......बाळासाहेबांनी मुळीच नाही. सर्व प्रथम शिवसेना-भिमसेन एकत्र येण्याची संकल्पना साहेबांनीच मांडली हे विसरू नका.
(दाउदसारख्याशी संबंध असणा-या मियांदादला थेट घरी बोलावून तो क्रिकेटवर चर्चा करण्यास आल्याचे भासवण्याचे यांचे देशप्रेमी उद्योगही आपण पाहिलेत.) मियादातला मातोश्रीवर कुणी बोलावणे पाठविले नव्हते. तो पाकिस्तानी क्रिकेट संघाला भारतात खेळू द्या. अशी विनंती करण्यासाठी आला होता. पण बाळासाहेबांनी तेव्ही त्याला स्पष्ट बजावून पाठविले. जोवर सीमेवर शांतता नांदत नाही तो वर तुम्हाला भारतात खेळता येणार नाही. या वरून तरी समजा पाकिस्तान सारखा देश या माणसाची दखल घेतो पण तुम्ही त्याचा द्वेषच करता हा तुमचा करंटे पण नाही का ? आणि जावेद मियादातचे लग्न दाउदच्या मुलीशी या भेटी नंतर झाले आहे.चिखल फेक करायची म्हणून काही हि सबंध कुठेही जोडायचे का?
इंदू मिलची १४ एकर जागा जेव्हा बाबासाहेबांच्या स्मारका साठी मागितली तेव्हा का तुमचा कंठ फुटला नाही. तेव्हा का नाही विरोध दर्शवणारा एखादा धागा काढावासा वाटला नाही?

कुलकरणीजी आपण कुठे रहाता यावर मी पैज् मारू शकतो. तुम्ही मुंबईतल्या दंगली अनुभवल्याच् नसणार, त्याशिवाय असे बेजाबदार आरोप तुम्ही करणार नाही. बाबरी मशिद पडल्यानंतरच्या दंगली घ्या. मुस्लिमानि मुम्बई पेटवण्याची सुरुवात केलि होती तरिही हिन्दू गप्प होते. राधाबाई चाळ जळीत हत्याकांड झाले आणि शिवसेनेने मुम्बई पेटवली. नारायण राणेचे नाव तुम्ही घेत आहात , तर मग धाकले पवार साहेब चांगल्या कुलात जन्माला येऊन काय दिवे लावतात ते पाहिलेच आहे उभ्या महाराष्ट्रांने सॉरी भारताने. धरणात मुतायच्या गोष्टी भर सभेत तेहि समोर बायका असताना , शोभते काय हो त्यांना? आत्ता राणे गुंड असून देखील त्यांनी अशी असभ्य भाषा सार्वजानिक ठिकाणी वापरली नाही ती बाळासाहेबांचा धाक होता म्हणुन.
ज्या ठाकरी भाषेला तुम्ही आक्षेप घेत आहात ती भाषा ऐकण्यासाठी महाराष्ट्राच्या कानकोपर्यातून लोक शिवतीर्थावर दसरयाला धाव घ्यायचे. इतकिच हिम्मत होती तर कॉंग्रेसने का नाही खटला दाखल केला त्या वेळी.
तुम्ही कुठेतरी शिखाचे उदाहरण दिले आहे. काय माहीत आहे हो तुम्हाला शिखाबद्दल? दिल्लीत जेव्हा शिखांचे शिरकान होत होते तेव्हा महाराष्ट्रात त्याचा मागमुसही नव्हता. का तर बाळासाहेबानि आवाज दिला होता की ख़बरदार कोणी शिखांना हात लावाल तर. शिख लोक हे बिझनेस करणारी लोक आहेत. कोणत्याही व्यावसायिकला स्थिर सरकार असेल तर व्यवसाय वृद्धि करता येते. जेव्हा शिखानी मतदानाचा कल बघितला तेव्हा त्यांनी कॉंग्रेसला उखडून फेकली.
बाळासाहेब गेले ते दिवाळीत, त्यानंतर एप्रिल मधे आलेल्या मोहमंद पैगबराच्या वाढदिवसाला मुंबईतल्या चेकाळलेल्या धर्मांध मुस्लिमानि मिरवणुक काढली होती. कोणत्या हदीस वा कुराणात लिहून ठेवले आहे की अशी मिरवणुक काढावि? या मिरवणुकीत ट्रकवर गाई व् बकरया घेऊन मुस्लिम बसले होते. बाळासाहेब असेपर्यंत अशी हिम्मत मुंबईतल्या मुसलमानात नव्हती.
इतिहासाने वेळोवेळी सिद्ध केले आहे की तुम्ही थोड़े जरी नरम पडलात तर तुमचा गैरफायदा घेतला जातो. बाळासाहेबानि मवाळ धोरण घेतले असते तर कदाचित् मुंबईत उपरे डोइजड झाले असते.
दाऊद व् गवळीच्या उदाहरणाबाबत. दाऊदने मुम्बई पोलिसांना हाताशी धरून आपले साम्राज्य उभे केले होते. मन्या सुर्वे, सुहास भाटकर, वरदाभाई हे दाऊदचे शत्रु एकतर संपवले गेले अथवा नाडले गेले. त्यावेळी जर बाळासाहेबानि असे सूचक विधान केले तर तो राजनीतिचा भाग होता. गंमत अशी आहे की रमा नायक सारखे ढगांत गेले पण अरुण गवली अजुन जिवंत आहे. योगायोग नाही आहे हां.

प्रिय राकु आपल्याला रोग झालाय,

रोगाचे नाव - विचारजंत
रोगाचे लक्षण- डोळ्यावर , कानावर झापडे आल्यामुळे, आणि मेंदूला बुरशी लागल्यामुळे , मी प्रकांड पंडित , मीच बरोबर बाकी सगळे चुकीचे, असे सांगत बोंबलत लिहिणे.
रोग- उप्चारेबल

जवळच्या शिवसेना शाखेशी संपर्क साधा.

मोफत आणि योग्य उपचार केले जातील.

त्या दंगलीत सेनेने विधायक काम केले हे क्षणभर ग्राह्य मानू.

पण म्हणून १९७० ते ९१ आणि ९३ ते २०१५ मधील निश्क्रियतेचा हिशोब विचारला तर त्याला उत्तर म्हणुन नुसते ९२ चे अनुभव दिले की झाले का ?

धागा टाकणारे मैदान सोडून पळाले. आत्ता सर्वधर्मसम्भाव वाले उत्तर देत् आहेत.
इमाम भीखारी दिल्लीत राहून पाकिस्तानची भाषा बोलतो. त्याची व्यक्तत्त्वे हिन्दुविरोधी गरळ ओकतात् भारतातले असंख्य मुसलमान त्याचा शब्द प्रमाण मानतात. अशा माणसाकडे सोनिया गांधी निर्लजपणे मुस्लिमांची मते मागायला जातात. त्या बदल्यात बेकायदेशीर मशीदिना हात लावला जाणार नाही हे आश्वासन मिळते. भुकारी देखिल सर्व मुस्लिम मते आपल्या बापाची जागीर असल्याप्रमाणे आवाहन करतो. काय कारवाई केली हो या धर्मांधावर? मग बाळासाहेबानि हिंदुचि बाजू मांडली तर काय बिघडले?
वर कोणीतरी दंगलीचे वर्णन केले आहे. जरा पोलीसांचे रेकॉर्ड तपासा मग कळेल दंगेखोर कोण आहेत ते. दंगलीचे कशाला गुन्हेगारीची रेकॉर्ड तपासा, टक्केवारी कोणाची जास्त आहे?
दादा कोंडकेनि एक आठवण सांगितली आहे. हां किस्सा जुना आहे. तेव्हा मुंबईतील मराठी माणूस लालबाग परळ भागातून बहुसंख्येने होता. दादाचा सिनेमा म्हणजे महाराष्ट्रात १००% सुपरहिट . तेव्हा देखिल प्लाझा चित्रपटगृहाने दादाचा सोंगाड्या हा चित्रपट कबुल करुन देखिल दुसऱ्या चित्रपटासाठी वेळ दिला . दादानी बाळासाहेबाकडे दाद मागितली. साहेबानीच न्याय मिळवून दिला. गोष्ट छोटीशी वाटेल पण जे फ़िल्म इंडस्ट्रीत आत्ता काम करत आहेत त्यांना विचारा की जी जूनियर आर्टिस्ट जी संगठना आहे जी जास्त करून बाहेरच्या राज्यातील आहे ते मराठी निर्मात्याना कसे नडतात ते?

टाइपिंग मिस्टेक नाही आहे ती

(माझ्या लेखाचा प्रतिवाद करायचा प्रयत्न तर तुम्ही केलात. पण दुर्दैवाने एकाही मुद्द्याचे उत्तर तुम्ही देऊ शकत नाही हे दिसले. उलट भलत्याच गोष्टींचे समर्थन करण्याच्या नादात तुम्ही वहावत गेला आहात)सगळे तुम्हीच ठरविणार का? बॉल माझा, ब्याट माझी मग मीच ठरविणार मी आऊट कि नाही सगळे माझेच खरे......
(ते गुलाम अली बिचारे गायक, त्यांना तुम्ही भारतात गाऊही देत नाही ) मग तुमचे काय मत आहे यांचा कार्याक्रम शहीद जवानाच्या माता-भगिनीनच्या मनोरंजना साठी ठेवायचा का ? तुम्ही शिवसेनेला विरोध करता करता तुम्ही पापिस्तानला सपोर्ट करायला लागलात. तुम्ही किती वाहत गेलात ते बघा जरा ....
वायफळ बडबड बंद करा आता ....

बिचारा गुलाम अली एक गायक

बिचार्या ग़ुलाम अलीचा एक किस्सा,

एकदा हा खाल्ल्या इंडस्ट्री चे वासे मोजणारा कृतघ्न गवई पाकीस्तानहून भारताला येत होता तुमच्या सारख्या रासिकांना रिझवायला, तेव्हा त्याच्या शेजारी एक डिप्लोमेट बसला होता त्याच्यासमोर हा पंजाबी शेर भारतीय कसे बुळे अन बिना कण्याचे आहेत वगैरे वर्णन करू लागला, मुळात तो अधिकारी पाकिस्तानातल्या भारतीय वकिलाती चा अधिकारी होता पण ग़ज़लनवाज त्याला "अपनावाला" समजून तोंड ढीले सोडते झाले अन त्या अधिकाऱ्याने हसून विषय बंद केला, दिल्लीत आल्याबरोबर त्या अधिकाऱ्याने तातडीने ह्या हरामखोराची फ़ाइल मागवुन रेड मार्क शेरा लिहिला अन त्यानंतर बरीच वर्षे हे गवईबोवा भारतातून बॅन होते कारण विसाच मिळत नसे

मुद्दा हा की हे पाजी म्हातारडे अजिबात बिचारे गायक वगैरे अजिबात नाही

टिप :- गायकाची फ़क्त गायकी पहावी इतर पाहु नये वगैरे कृपया सांगु नये, अन त्यों थेरडा पाजी आहे म्हणुन सेना लै भारी आहे अश्यातला भाग नाही ती सुद्धा दिव्य लोकांचीच जत्रा आहे.

कारण त्यांच्या पक्षाची ना काही भूमिका, ना काही तत्वे, ना काही विचारधारा.

योग्य बोललास रे राजेश.नातवंडांना शारदाश्रम्,बालमोहन ऐवजी बॉम्बे स्कॉटिशमध्ये घातल्याची बातमी वाचल्यावर
शिवसेनेला मत देणे कायमचे बंद केले होते.असो.

लेखात मांडलेल्या बहुतांश मुद्यांशी सहमत आहे.

शिवसेनेची स्थापना प्रबोधनकार ठाकरेंच्या हयातीत त्यांच्याच सांगण्यावरून मराठी माणसावरील अन्यायाविरुद्ध वाचा फोडण्यासाठी झाली. तेंव्हा 'शिवसेना ही समाजसेवी संघटना आहे' असे जाहिर करण्यात आले होते. 'शिवसेना कधीच राजकारणात पडणार नाही' अशी घोषणा प्रबोधनकारांनी केली होती. तसेच, मराठी माणसाची व्याख्या 'जी व्यक्ती २० किंवा त्याहून अधिक वर्षे महाराष्ट्रात आहे ती मराठी' अशी केली होती. नोकरीच्या मुद्द्यावर शिवसेनेने जे दाक्षिणात्यांवर विरोधाचे हत्यार उपसले होते ते योग्यच होते. त्या काळात शिवसेनेच्या सहाय्याने निरलॉन, क्रॉम्प्टन ग्रीव्ह्ज, गोदरेज, सिएट टायर्स, स्टेट बँक, अमेरिकन एक्स्प्रेस आदी आस्थापनांमध्ये मराठी माणसांची भरती सुरु झाली. एम्प्लॉयमेंट एक्स्चेंज मध्ये ८० टक्के मराठी उमेदवारांना नोकरीचा अधिकार मिळाला. ह्या सर्व विधायक कार्यामागे शिवसेनाच होती. आणि त्यामुळे तत्कालीन बेकार मराठी तरूण शिवसेनेकडे आकृष्ट झाला. फुटपाथ वरती शिवसेना पुरस्कृत वडापावच्या गाड्या मराठी पोरांनी लावायला सुरुवात केली आणि कांही अंशी उद्योजकता मराठी माणसात रुजायला सुरुवात झाली. मराठी माणसाला हक्कांची जाणीव शिवसेनेने करून दिली. ह्या सर्वाचे योग्य ते श्रेय शिवसेनेला दिलेच पाहिजे. इथपर्यंत शिवसेना चांगली होती. लोकमानसात, खास करून मराठी मनांत, शिवसेनेला मानाचे स्थान होते.
पुढे महाराष्ट्राच्या शासकिय कर्मचार्‍याच्या संपात शिवसेना तोंडघशी पडली. 'संप अयोग्य आहे मागे घ्या. तुमच्या मागण्या मान्य होणार नाहीत' असे संपकार्‍यांना बाळासाहेबांनी सुनविले होते आणि सरकारने संपकर्‍यांच्या सगळ्या मागण्या मान्य करून शासकिय कर्मचार्‍यांच्या मनांत शिवसेने बाबत दुरावा निर्माण केला आणि शिवसेनेचा एक मोठा मतदार गट तोडला. शिवसेनेच्या कुठल्याही दंगलीत समाजकंटकांनी दंगलीचा फायदा घेऊन (आणि शिवसैनिकांनी समाजकंटकांच्या नांवाचा फायदा घेऊन) दुकाने लुटली. वैयक्तिक हेवेदावे साधून घेतले, तोडफोड केली आणि शिवसेना बदनाम होत गेली. ह्याला वेळीच आवर घालण्याऐवजी बाळासाहेबांनी हिच पक्षाची ताकद बनविली आणि शिवसेनेला गुंडसेना हे नामाभिमान प्राप्त झाले. सभ्य आणि सारासार विचार करू शकणारा मध्यमवर्ग शिवसेनेपासून दूर जाऊ लागला. पुढे खंडणी शिकवण सुरु झाली. आणि त्यालाच महत्व प्राप्त होऊन शिवसेनेचे समाजकारण मागे पडत गेलं. 'शिवसेना कधीच राजकारणात पडणार नाही' ही प्रबोधनकारांची घोषणा केंव्हाच मागे पडून शिवसेना राजकारणात गळ्यापर्यंत बुडाली होती. मुसलमानांना, परप्रांतियांना विरोध करणार्‍या शिवसेनेत मुसलमानांचा आणि पारप्रांतियांचा प्रवेश झाला होता. पाणी बरेच गढूळले होते. पुढे प्रदेशस्तरावरून देशस्तरावर शिवसेना नेण्याच्या उद्देशाने भारतिय जनता पक्षाबरोबर हात मिळवणी केली आणि महाराष्ट्रात मराठी उद्योजकांच्या संधी डावलून उत्तरभारतिय उद्योजकांनी लहान मोठी सरकारी कामे मिळविण्यास सुरुवात केली. भारतिय जनता पक्षाशी केलेल्या राजकिय हातमिळवणीमुळे शिवसेनेला उत्तरभारतियांना विरोध करता येईना आणि शिवसेना 'मराठी माणसाची' उरली नाही. पण तो पर्यंत बरीच ताकद गोळा केली असल्यामुळे आता मराठी माणसाची गरजही उरली नव्हती. मग सुरू झाले राजकिय स्वार्थी डावपेच आणि अर्थकारण. शिवसेनाही एक स्वार्थी राजकिय पक्ष म्हणूनच उरला. मराठी माणसांची सहानुभूती गमावून बसला.
शिवसेनेची सुरुवातीची आदर्श प्रतिमा १०-१५ वर्षांपेक्षा जास्त टिकली नाही. पण स्वार्थाने बरबटलेली बाजू जास्त प्रभावीपणे पुढे आली. बाळासाहेबांना मान होता तो त्यांच्या धाडसी वक्तव्यामुळे. तथाकथित 'ठाकरी शैली' समाजाच्या एका वर्गाने उचलून धरली, उदो उदो केला पण भडकाऊ भाषणाने निवडणूका जिंकता आल्या नाहीत. शेवटच्या निवडणूकीतही शिवसेनेला जनतेने नाकारले तेंव्हा आपले काय चुकले आहे ह्यावर विचार न करता 'मराठी माणसाने पाठीत खंजीर खुपसला' असे उद्वेगजनक उद्गार शिवसेनाप्रमुखांनी काढले. (नंतर सारवासारव केली).
कुणाही राजकिय पुढार्‍यांचे स्मारक-पुतळे उभारू नयेत ह्या वैयक्तिक मताचा मी आहे. त्यातून दादर मधील एव्हढी मोठी जागा स्मारकाच्या नांवाखाली शिवसेनेच्या घशात ढकलणे मान्य होत नाही. उद्या बारामतीत पवार साह्बांचे मोठ्ठे स्मारक होईल, दादरमध्ये उद्धवजींचेही होईल आणि राज ठाकरेंचेही होईल. आमचा ह्या सर्वाला कितीही विरोध असला तरी आम्हाला विचारतो कोण? तेंव्हा जे चालले आहे ते पाहात राहणे एव्हढेच हातात आहे.

हुश्श्श……. झाला एकदाचा १०० नंबरी धागा… पदार्पणातच शतक मारल्याबद्दल अभिनंदन ना बाप्पू !!!

शंभर झाल्याबद्दल या धाग्याला स्मारक* म्हणुन घोषीत करावे.

आखिलमिपाहेवनवाशीआयडीफॅनक्लब.