आज डोळा आसवांचे भार झाले
वेदनांचे मोकळे कोठार झाले
दुश्मनांची राहिली ना जरब काही
ओळखीचे चोर येथे फार झाले
देवभोळा साव आता मी न उरलो
दैव माझे यारहो गद्दार झाले
भ्रष्ट का अंधारही होतो अताशा..?
चंद्र तारे कां निशेचे, 'जार' झाले?
आळ घ्यावा ज्यावरी, ना शस्त्र उरले
काळजावर मोगर्याचे वार झाले
वाचले जे झुंजले जगती 'विशाला'
पाठ दावुन धावले ते ठार झाले !
***********************************
(वृत्त:मंजुघोषा)
प्रतिक्रिया
31 Jan 2015 - 8:12 pm | अजया
अप्रतिम रचना!
31 Jan 2015 - 8:58 pm | जातवेद
जबरदस्त! अप्रतिम!
31 Jan 2015 - 10:09 pm | विशाल कुलकर्णी
धन्यवाद :)
1 Feb 2015 - 10:30 am | चुकलामाकला
क्या बात!
बढिया!!
1 Feb 2015 - 11:47 am | अत्रुप्त आत्मा
जसं जशि एकेक ओळ वाचत गेलो, शब्द बंद बंद होत गेले.
__/\__
1 Feb 2015 - 2:28 pm | विशाल कुलकर्णी
मन:पूर्वक आभार मंडळी !
1 Feb 2015 - 2:43 pm | दिपक.कुवेत
पण "दैव माझे यारहो गद्दार झाले" ह्या एवजी "दुर्दैव माझे यारहि गद्दार झाले" हे जास्त शोभुन दिसेल का? सॉरी कवितेतील काहिच कळत नाहि तरीही हिम्मत करतोय....
1 Feb 2015 - 5:08 pm | विशाल कुलकर्णी
दीपकभौ,अहो दुर्दैव 'आपले'असतेच कधी? जेव्हा दैव (नशीब)साथ देत नाही तेव्हाच त्याला दुर्दैव म्हटले जाते. पण इथे (भल्या असो वाईट असो) माझ्या नशीबाने सुद्धा माझी साथ सोडलीय, गद्दारी केलीय माझ्याशी हीच शायराची खंत आहे. धन्यवाद !
1 Feb 2015 - 2:58 pm | कैलासवासी सोन्याबापु
भ्रष्ट का अंधारही होतो आताशा!
वाह!!! वाह!!! कुर्निसात स्वीकार करा आझम!! _/\_
1 Feb 2015 - 5:11 pm | विशाल कुलकर्णी
कसचं कसचं बापु *wink*
1 Feb 2015 - 10:29 pm | चाणक्य
गझल. आवडली.
2 Feb 2015 - 3:39 am | सस्नेह
हे भारी
2 Feb 2015 - 10:23 am | विशाल कुलकर्णी
धन्यवाद मंडळी :)
2 Feb 2015 - 10:59 am | नाखु
दैव माझे यारहो गद्दार झाले
हे खास विकुलीन ष्टाइल !!
4 Feb 2015 - 8:32 pm | निरन्जन वहालेकर
व्वा ! क्या बात है ! सुन्दर ! !
5 Feb 2015 - 3:50 pm | गणेशा
छान
5 Feb 2015 - 4:00 pm | विशाल कुलकर्णी
आभार्स मंडळी :)
6 Feb 2015 - 9:03 am | पाषाणभेद
आळ घ्यावा ज्यावरी, ना शस्त्र उरले
काळजावर मोगर्याचे वार झाले
क्या बात है विशल्या! जबरदस्त!!