सर्व संबंधितांना (!) गटारी आवसेच्या शुभेच्छा! :)

गटारीची तयारी जोरात दिसते! 'वट ६९' ची बाटली एकदम झकास!!

(स्वगत - रंग्या, लेका फक्त 'संबंधितां'साठीच आहे हा धागा! कोणकोण आहेत बरं हे संबंधित? :W :? )

चतुरंग

तात्या,

पुर्ण तयारी झाली वाटते...मजा आहे..

स्वप्निल

त्या दिवशी लोक मद्य पिऊन गटारात पडतात म्हणुन गटारी अमवस्या म्हणतात का त्याला :)

गटारी एकदम जोरात आहे...

चालू द्या...

(अमेरिकेत रोजच गटारी साजरी करणारा ),
सतीश गावडे
आम्ही इथेही उजेड पाडतो -> मी शोधतो किनारा...

काय तात्या, मग मटण रटरटतंय की नाही चुलीवर!

सर्व गटारीभक्तांना आमच्या शुभेच्छा!
आम्ही तर्र होण्याइतकी मदिरा कधीच घेतलेली नसल्याने "गटारी" चा अनुभव आम्हाला नाही!
(पण शुभेच्छा द्यायला काय जातंय, डांबिसा!!)
:)

त्या दिवशी लोक मद्य पिऊन गटारात पडतात म्हणुन गटारी अमवस्या म्हणतात का त्याला
उत्तर एकाच शब्दात - "होय"!!

(स्वगत - रंग्या, लेका फक्त 'संबंधितां'साठीच आहे हा धागा! कोणकोण आहेत बरं हे संबंधित?)
आयला, "संबंधितांसाठी" आहे होय! रंग्या आम्ही तर "संभावितांसाठी" आसं वाचलं!! आम्हाला वाटलं 'संपादकमंडळाचा' रेफेरन्स असेल म्हणून!!:))
(ह. घ्या हो मंडळी!! लक्षात ठेवा, गटारीला सगळं बरळणं माफ असतं!!)

खा, प्या, मजा करा महाराष्ट्रातील मिपाकरांनो!
कुठल्या लफड्यात मात्र अडकू नका...

जाणकारांसाठी एक प्रश्नः
गटारीच्या संध्याकाळी/ रात्री तुमच्या आबा पाटलांचं पोलिसखातं काय ऍक्टिव्हिटी करत असतं हो?:)

आपला,
डांबिसकाका

हल्ली साधं ताक जरी प्यायलो तरी स्कूटरला हात लावत नाही =))
आणि उसाची कांडकी शिल्लक नसल्याने उसाचा रस ही प्यायला मिळत नाही :)

पडत्या पावसाला पाहुन तुम्ही आतुन भिजला नाहीत तर स्वतःच्या कोरडेपणाची तारीफ करु नका तर हे मान्य करा की तुमच्या आयुष्यात भिजवणारे क्षण आलेच नाहीत

व्हॅट ६९ आणि इतर माल आपल्या गावाजवळच तयार होतो , आपला एक दोस्त टेस्टींग विभागात आहे कधी-मधी पै-पाहुण्यांची परस्पर सोय होते. :)

गटारी आवस साजरी करणार्‍यालाच आमच्या शुभेच्छा !!! :)

प्राणिमात्रसुद्धा गटारी साजरी करतात :-)

http://sucheltas.blogspot.com

बिरुटेसरांनी टाकलेला कोंबडी रश्शाचा फोटो १ नंबर.

मनस्वी
* केस वाढवून देवआनंद होण्यापेक्षा विचार वाढवून विवेकानंद व्हा. *

कोंबडी रश्शाचा फोटो जबरा !
सर्वांना (अर्थात संबंधिताना) गटारीच्या शुभेच्छा !!!
>>खा, प्या, मजा करा
कुठल्या लफड्यात मात्र अडकू नका... -------- डांबिसकाकांशी सहमत . (थोडक्यात 'अति तेथे माती' नको.)

चिकनवर जबरा प्रेम असल्याने (आणि पुढचे ३ महिने तो विरह) आम्ही गटारीला एक किलो चिकन फस्त करत असू ... मजा यायची घरी... बाकी आईच्या हातच्या तांबड्या रश्श्याची चव कोणत्याही पंचतारांकित हॉटेलमधे नाही भेटत .... .... बाकी सोनेरी द्रव्याला हात लावायची डेरिंग आपल्यात नाही.
असो ... एका डोळ्यातुन हळूच एक अतिछोटा अश्रु निघाला .. गटारीच्या निमीत्ताने आठवणी ताज्या केल्याबद्दल तात्यांचे आणि बिरुटे सरांचे आभार ..

जियो लेकहो ..
खाओ-पियो ऐश करो ....
क्या पता कल हो ना हो

टारझन (गेल्या जन्मीचा खविस)
(आमच्या येथे अस्थी व दंत विमा आणि सायकल पंक्चर काढून मिळेल तसेच सर्व प्रकारचे मोबाईल-संगणक रिपेर* करून मिळेल. )
नोट : लग्न पार्ट्यांच्या ऑर्डरी स्विकारतो.

तू भारी ...तर जा घरी...

बिरूटेसर व जोशीबुवा॑चे आभार..सॉल्लीड फोटो आहेत.. जिवाच॑ (का जिभेच॑) पाणी पाणी झाल॑..

मस्त एन्जॉय करा लेको...

बिपिन.

एन्जॉय करताना काही कमी पडायला नको...

गटारात लोळणार्‍यांना,
गटारीच्या शुभेच्छा..

मागच्या गटारीला मानस यांची एक वेडी वेदनेची जात आहे.
वाचून पाडलेले विडंबन आठवल....

गटारी रात....

रोज का मद्यालयी मी जात आहे?
आज साली पण गटारी रात आहे

रंग डोळ्यांचा कसा हा लाल माझ्या,
यात देशीचा जरासा हात आहे

घेउनी ती बैसली दिनदर्शिका का?
वाटते मज वेगळी ही बात आहे!

काय मी आता करू या बायकोचे
झोपताना लाटणे हातात आहे!

"केशवा"ला काल इतके चोपलेकी
एक ना तोंडात त्याच्या दात आहे!

-केशवसुमार

आम्हाला एकदम स्फूर्ती आली ना!

अरे आज पुन्हा आली रे गटारी
जमू सर्व घेऊ बघा 'स्कॉच' प्यारी

असे स्टॉकमध्ये 'स्मिर्नॉफ' थोडी
कुणाला रुचे हातभट्टी विखारी

कुठे पाणी, सोडा कुठे घेति 'नीट'
बर्फासवे कोणी करतेच यारी

कुणाचा कुठे होय टांगाच पल्टी
शोधी कुणी वा घोडे फरारी

नसे ह्यात 'रंगा' कुठेही जरासा
'संबंधितांना'च प्यारी गटारी

चतुरंग

आजची गटारी ,

सर्वासाठी ठरो न्यारी !!!

चीयर्स !!!!

-- ऍनयू उर्फ बैल
~~~ आमची कोठेही शाखा नाही~~~

गटारीच्या दिवशी ज्योतिषाला सव्वा बाटली बिअर, सव्वा प्लेट चिकन, सव्वा पेग विस्की अस सगळ द्याव लागतय. नाही त मंग पुढचा श्रावन बरा जात नाही.
गटारीच्या दिवशी सगळ माफ असतंय!
(माफीचा साक्षीदार)
प्रकाश घाटपांडे

जम के होउ द्यात मग..............;)

एव्हढ्या बाटल्या आणि पिणारे रसीक पाहिल्यानंतर.
फिर कभी फुरसतसे सोचे क्या भला था क्या बुरा.(चूभूद्याघ्या)
राजकपूरच्या जागते रहो चं गाण आहे बहुतेक.

सर्व मिपाकरांना गटारीच्या ऍब्सोल्युट शुभेच्छा!!!

--आपलेच (आणि घाटावरचे) भट...
रितु आयी सावन की,
रिमक झिमक झिम झिम बून्दनियां बरसे ॥

१) अनन्त चतुरदशि ( गनपति पुढे हे हे हालवुन साजरि होते )

२) गटारि आमवस्या ( मित्र परिवार बोलावुन साग्र सन्गित )

३) ३१ डिसेम्बर (दिन दर्शिका बदलल्यावर इतका आनन्द होतो कि विचारता सोय नाहि )

हे तिन पुर्न मुहुर्त

दहि हन्डि हा अर्धा मुहुर्त कारन मुख्य (?)का र्यक्रम सन्ध्याकाळि सुरु होतो !

संबंधितांना (!) गटारी आवसेच्या शुभेच्छा!

याची संबंधितांनी नोंद घेतली होती! गटारी आवसेच्या शुभेच्छा तगड्या होत्या.
त्यामुळे आजच धन्यवाद द्यायला जमले! ;)

आपला
गुंडोपंत