बावीस जून!

आणि ते चाफेकर बंधू आमच्या चिंचवडचे होते...
______________________________
ही आमची अनुदिनी ... http://bhadkamkar.blogspot.com/

>>२२ जून १८९७ ह्या दिवशी रात्री पुण्यात गणेशखि॑डीजवळ चाफेकर ब॑धूनी जुलमी 'रॅ॑ड' साहेबावर भर रस्त्यात गोळ्या झाडून त्याला ठार केला.

पुण्याच्या इतिहासातील ही एक महत्वाची घटना आहे. चापेकर बंधू प्रखर देशभक्तीने भारलेले सच्चे क्रांतिकारक होते.
ह्याच घटनेवर बनलेला '२२ जून १८९७ ' ह्या लहानपणी पाहीलेल्या सिनेमाची आठवण झाली. अतिशय सुंदर सिनेमा होता. हा सिनेमा आठवला की 'गोंद्या आला रे आला ' ही आरोळी हमखास आठवतेच. '२२ जून १८९७ ' ला २ राष्ट्रीय आणि २ राज्यस्तरीय पारितोषिकं मिळाली होती.
अवांतरः सिनेमाचे संवाद विजय तेंडुलकरांचे होते. दिग्दर्शन नचिकेत व जयू पटवर्धन ह्या जोडप्याचे होते. त्यांचे दिग्दर्शनातील हे पहिले पाऊल होते.

ईश्वरी

१९८० साली बघितलेल्या ह्या सिनेमातली 'गोंद्या आला रे!' ही आरोळी आजही आठवते. अत्यंत थोडक्या बजेटमधे, परिणामकारक सिनेमा कसा बनवता येतो ह्याचे हे उत्तम उदाहरण होते.
रवींद्र मंकणीचे मी पाहिलेले हे पहिलेच काम आणि मला ते फार आवडले होते. चापेकरांचे चरित्र इतक्या प्रेरकपणे ह्या सिनेमातून मांडले आहे की बस. फितुरीमुळे पकडले जाऊन त्यांना शेवटी फासावर जावे लागते ते बघून जीव गलबलला होता रक्त उसळलं होतं!
ह्याचे संवाद बहुदा शंकर नाग आणि नचिकेत पटवर्धन ह्यांनी लिहिले होते. तेंडुलकरांनी नव्हे. (चुभूदेघे).

चतुरंग

चाफेकरबंधुंच्या पवित्र स्मृतीला प्रणाम..!

तात्या.

२२ जून : वर्षातला सगळ्यात मोठा दिवस. सुर्यास्त सगळ्यांत उशिरा होतो.

- (सर्वव्यापी)प्राजु
http://praaju.blogspot.com/

नाही.

२१ जुन हा सगळ्यात मोठा दिवस असतो.

"No matter how hard the life crashes;Like a Phoenix I will rise from my Ashes"

एकाच घरातल्या ३ भाउ देशासाठी बलिदान देतात हे अजोड उदाहरण आहे
धन्य ती चाफेकर माता !!!
मजेदार विदुषक

चाफेकरबंधुंच्या पवित्र स्मृतीला प्रणाम..!

- टिंग्या

अवांतर - थोडेसे स्पेनच्या फुटबॉल टीमविषयी! :)

१. दिनांक - २२ जुन १९८६
प्रतिस्पर्धी - बेल्जियम
स्थळ - वर्ल्डकप (मेक्सिको)
सामना - क्वार्टर फायनल
निकाल - पेनल्टी शुटआऊटमध्ये स्पेन बाद!

२. दिनांक - २२ जुन १९९६
प्रतिस्पर्धी - इंग्लंड
स्थळ - युरोकप (इंग्लंड)
सामना - क्वार्टर फायनल
निकाल - पेनल्टी शुटआऊटमध्ये स्पेन बाद!

३. दिनांक - २२ जुन २००२
प्रतिस्पर्धी - साऊथ कोरिया
स्थळ - वर्ल्डकप (जपान/कोरिया)
सामना - क्वार्टर फायनल
निकाल - पेनल्टी शुटआऊटमध्ये स्पेन बाद!

४. दिनांक - २२ जुन २००८
प्रतिस्पर्धी - इटली
स्थळ - युरोकप (ऑस्ट्रिआ/स्विस)
सामना - क्वार्टर फायनल
निकाल - पेनल्टी शुटआऊटमध्ये (अखेर) स्पेन विजयी! #:S हुश्श!

चाफेकर बंधूंवरचा तो सिनेमा पहायला शाळाशाळातून मुले नेली होती,आणि आम्ही सगळ्या मित्रमंडळींनी शाळेतर्फे तो सिनेमा एकत्र पाहिला आणि एकत्रच भारावलो होतो,त्याची आठवण झाली.
चाफेकरबंधूंच्या स्मृतीला प्रणाम!
स्वाती