अरे काय हे!

अरे काय, हे काय मांडलयंत काय तुम्ही लोकांनी?

आम्ही हल्ली मिपावर हजर असतो तेंव्हा काहीतरी बेसुर्‍या चर्चा, प्रेमभंगाच्या कविता, निर्बोध रेसेपी (आम्हाला निर्बोध, कारण कुकिंगमधलं आम्हाला काही कळत नसल्यामुळे हो!) वगैरे टाकता आणि आम्ही जरा दोन-तीन दिवस दूर गेलो की अशी छान-छान चित्रं लोड करतां!!

अरे ओंकार, चतुरंग, भाग्यश्री, सतलज! अरे काय सुरेख चित्रं काढली आहेत रे तुम्ही लोकांनी! कायहो केशवसुमार? देवाने इतकी चांगली कला तुमच्या बोटांत ठेवली आहे आणि विडंबनं कसली करता?

आणि कुठे गेलं ते आमचं ईनोबा? अरे इतकी छान चित्रं काढता येतात तुला आणि टवाळ्या कसल्या करत फिरतोस रे मिपावर?

मंडळी तुम्ही म्हणाल, आम्ही काय करायचं हा आमचा प्रश्न आहे, हा पिवळा डांबिस कोण सांगणार आम्हाला? खरं आहे!! पण एका म्हातार्‍याच्या कळकळीने सांगतो, देवाने तुम्हाला अशी कला दिली आहे तर शक्य असतील तितकी चित्रं काढा. त्यावर फोकस करा...

अरे हे ईश्वराचं देणं किती महान आहे याची तुम्हाला कल्पना नसेल पण आमच्यासारख्यांना, ज्यांच्याकडे ते नाही त्यांना पुरेपूर कल्पना आहे रे!!!

अरे आम्हाला अशी चित्रं काढता येत असती तर आम्ही कशाला केवळ शब्दपुजारी बनलो असतो?

असो. कुणीतरी एक झकास आयडिया काढली होती की अश्या चित्रांचा वेगळा विभाग का बनवू नये? मस्त कल्पना!! जर "जे देखे न रवी" असू शकतं तर चित्रांचा स्वत:चा विभाग का नसावा? तेंव्हा ही आयडिया फुकट जाऊ नये म्हणुन (आणि संपादकमंडळावर लोकमताचा प्रभाव आणण्यासाठी! आम्ही नवीन पोल सुरू करतो आहोत. अर्थात आमचे कंप्युटरविषयीचे ज्ञान आमच्या विषयापुरतेच मर्यादित असल्याने तो पोल इथेच न देता स्वतंत्रपणे नव्या धाग्यात द्यावा लागत आहे. (नीलकांताने जर मनावर घेतलं तर तो हे दोन धागे एकत्र करू शकेलही, करणार काय रे बाबा नीलकांता?)

पण आपले मत न चुकता कळवा...