जातीनिहाय जनगणना ?

दिलेल्या मूळ विषयास अनुसरुन :

माननीय शिवसेनाप्रमुख बाळासाहेब ठाकरे यांच्याशी सहमत!

जातिनिहाय गणना करायची असल्यास ती कशी करणार ?
म्हणजे, आज समाजात इतके आंतरजातीय, आंतरधर्मीय विवाह होत आहेत... त्यामुळे अशा जोडप्यांच्या "संकरित" अपत्यांची "जात" नक्की कोणती लावणार ? :-?

उदा. जर एखाद्या मुलाची आई हिन्दु असेल आणि वडील ख्रिश्चन असतील... तर कदाचित तो मुलगा मन्दिर आणि चर्च या दोन्ही ठिकाणी जात असेल!... त्याची श्रद्धा भगवद्गीतेइतकीच बायबल'वरही असू शकते!.... तर मग त्याचा धर्म कुठला? जात कुठली ?

त्याचा धर्म 'वैश्विक' आहे... असे उत्तर तर तो सरकारी लोकांना नाही देऊ शकत!
________

एखाद्या मुलाचे वडील चित्पावन ब्राह्मण असतील आणि आई "संभाजी ब्रिगेड्"च्या एखाद्या शिवधर्मी'ची मुलगी असेल.. :-? .. तर तो "संकरित" मुलगा नक्की कोणता धर्म मानणार? मुळात त्याच्यावर नक्की कसे संस्कार होणार?
भगवान परशुरामा'ला तो देव मानणार की नाही ?

______________

त्यामुळेच 'जातिगणना' करताना 'जाती' पेक्षा आर्थिक निकषांवर अधिक भर द्यावा....

युद्ध माझा राम करणार | समर्थ दत्तगुरु मूळ आधार |
मी वानरसैनिक साचार |रावण मरणार निश्चित ||
|| इति अनिरुद्ध महावाक्यम् ||

चर्चेत भाग घेतलेल्या सर्व सदस्यांचे आभार ! चर्चेत जातीय जनगणनेच्या फायद्यावर लय चर्चा झाली नाही. मातर, त्याच्या तोट्यावर चर्चा झालेली दिसते. १२ / १२ मतावर बराबरी झाली

भारताच्या महारजिष्ट्रार आणि जनगणना कमिशनर यांचे कार्यालयाची जी जाहिरात प्रसिद्ध होऊन राह्यली त्यात स्पष्ट असे म्हणले हाय की, जनगणना [जातीय नाय ] कशासाठी ?

१)सन १८७२ पासून भारताची जनगणना देशाची लोकसंख्या, आर्थिक घडामोडी, शिक्षण,आवास, मूलभूत सुविधा आणि कित्येक अन्य सामाजिक-आर्थिक आणि सांस्कृतिक मापदंडावरील आकड्यांच्या सर्वात व्याकप आणि निष्पक्ष स्त्रोत आहे. याच आधारावर देशाच्या आत्तापर्यंतच्या उन्नतीचा आढावा, सध्याच्या प्रगतीचे मूल्यांकन आणि भावी योजना बनविल्या जातात.

२)देशातील सामान्य रहिवाशांचे एक राष्ट्रीय लोकसंख्या रजिष्टर तयार केले जात आहे. देशाची सुरक्षा सुदृढ करण्यासाठी तसेच सरकारी योजना आणि सेवांच उत्तम उद्दीष्ट निश्चित करण्यासाठी आणि लोकापर्यंत पोहचण्यासाठी सहाय्यक ठरेल.

३) दोन्ही कार्य मैलाचा दगड सिद्ध होतील. परंतु यांची यशस्विता आपण दिलेल्या माहितीवर आधारित असेल. जनगणना आपली आहे. आपल्या मार्फत आहे. हे राष्ट्रीय कार्य यशस्वी करण्यासाठी आम्ही आपल्यावर विश्वास ठेवतो.

जातीय जनगणनेमुळे 'सामाजिक स्तराचा' अभ्यास व्हइन असे वयक्तिक बाबुरावला वाटते. शासनस्तरावर जातीय जनगणनेचा निर्णय व्हइन तव्हा व्हइन. पण 'जनरल' जनगणनेत आपून सारे सहभागी होऊन प्रामाणिक माहिती देऊ. आन राष्ट्राच्या या कार्यात आपण सारे सहभागी होऊ. अशी शपथ घेऊन मी माझे दोन शब्द संपवतो. जय हिंद जय महाराष्ट्र.

बाबुराव

विदा गोळा करण्यावर प्रतिबंध नको.

विदा वापरण्यावर प्रतिबंध घाला.

-- मिसळभोक्ता
(आमचेकडे सर्व प्रकारच्या आनंदांवर विरजण घालून मिळेल.)

बाबुराव ..किति दिवस तेच दळण दळणार?

जातीनिहाय जनगणनेची गरज नाही अस मत दिलं आहे .
मला या गोळा केलेल्या विदाचा विधायकरित्या उपयोग होइल की नाही याबद्द्लच शंका आहे.

कारण
१. पूर्ण देशभर असणारा जातीक्रम ( सामाजिक ) हा एकसारखा नाही
२. जातीनिहाय शिक्षणाचा प्रसार / प्रचार ( आरक्षणाची गरज ) हा भौगोलिक रित्या एकसारखा नाही .
३. जातीनिहाय आर्थिक परिस्तिथीत देशभरांत खूप फरक
४. या अशा परिस्तिथीत आणि जनतेचं देशांतर्गत आवागमन नोकरीधंदा / शिक्षण यामुळं खूप वाढल्यामुळं जरी अशी जनगणना केली तरी या विदा चा उपयोग करून खरच काही भरीव करणं सोप नाही.
५. जात नोंदवणी करताना कोणतीही पडताळणी करणार नाहीत, गैरव्यवहार होण्याची खूप शक्यता आहे.
६. जातीसमुहाला एकगठ्ठा ओ.बी.सी किंवा तत्सम काही ठरवल्यास ज्या जाती यांत मोडत नाहीत त्यांचा प्रक्षोभ होणार ..(नुकतीच झालेली गुर्जर किंवा जाट आंदोलनं आणि मतांच अनिर्बंध राजकारण )

यामुळं मी आरक्षणाची सशर्त समर्थक असले तरी या जनगणनेच्या विरोधात आहे

पुष्करिणी

"तू तू मै मै" करण्यापेक्षा एक योजना राबवा - की येत्या २० वर्षात म्हणा ५० वर्षात म्हणा आरक्षण हळूहळू आकुंचित करत करत आणून नाहीसं करायचं अथवा पूर्णतः आर्थिक निकषांवर आधारीत करायचं. दर ५ वर्षांनी काही नोकर्‍या आरक्षणातून वगळा.

सवतचि भासे मला| दूती नसे ही माला||
नच एकांती सोडी नाथा| भेटू न दे हृदयाला||

*$%

माणूस हा जातीवरच जातो. पण कोणत्या कुंडलीतल्या तेव्हा जातीनिहाय गणना करा - मेष, वृषभ, मिथुन, कर्क ..... वगैरे वगैरे.

चन्द्रमा मनसो जातः||

सवतचि भासे मला| दूती नसे ही माला||
नच एकांती सोडी नाथा| भेटू न दे हृदयाला||

<<तेव्हा नव्या जातीय जनगणनेनुसार जो-जो कोणी उपेक्षित समाज आहे, आणि ज्यांना ज्यांना आरक्षणाची गरज आहे, त्यांना त्यांना न्याय मिळाला पाहिजे असे वाटत<<>>
खरच मिळेल का हो?

गरीबी, मागासलेपण हटवण्यासाठी जातीनिहाय आरक्षण हा एकमेव मार्ग आहे का ?
आणि खरच गरीबी, मागासलेपण जातीनिहाय आरक्षणमुळे दूर होणार आहे का?

अर्थातच नाही.. यामुळे समाजामधील दरी वाढेल हे नक्की!!

आज ग्रामीण भागा मधे खुपच विदारक परिस्थिती आहे.
किती तरी उच्चवर्णीय (मुद्दाम वापरतोय बर का) लोकांना दोन वेळच जेवण मिळत नाही.
किती तरी उच्चवर्णीय मूलाना शिक्ष्यण घेता येत नाही .

आणि हे आरक्षणाचे स्तोम कुठे कुठे फोफावाले आहे हो?

नोकरी,शिक्षण,व्यवसाय, राजकारण सगळ्या क्षेत्रामधे याची मुळे घट्ट रुतून बसली आहेत.

या आरक्षणामुळे खरच "भारत २०५०" हे धोरण तरी पूर्ण होईल का हो?

आरक्षणा ठीक आहे हो पण गुणत्तेच काय ?

माझा आरक्षणला विरोध नाही.. आरक्षण हवे आहे पण ते आर्थिक निकाषावर!!

जातीनिहाय जनगणना असो वा नसो..

आरक्षण हे आर्थिक निकाषावरच असायला हवे आहे!!!

-भाग्येश
यथा काष्ठं च काष्ठं च समेयातां महोदधौ ||
समेत्य च व्यपेयातां तद्वत् भूतसमागमः ||

१. मनापासुन वाटते ते असे की "जातीनिहाय जनगणना व त्यानुसार येणारे आरक्षण" ह्याची गरज नाही.
टेक्निकली आता स्वातंत्र्यानंतर सध्याच्या आरक्षित घटकांना पुरेशी संधी मिळाली असल्याने आता जातीनिहाल गणना होऊन त्यांना आरक्षण देऊ नये असे वाटते.

२. आता जर सत्यपरिस्थिती पाहीली तर "जातीनिहाय जनगणना जरी चुकीची असली तर काही अजुनही उपेक्षित आणि योग्य फायदा न मिळालेल्या घटकांसाठी ती व्हावी व त्या आकडेवारीच्या आधारानुसार योग्य ते आरक्षण संबंधित घटकांना मिळावे" असे वाटते.

जरी आरक्षणाला आमचे सुशिक्षित मन कितीही विरोध करत असले तरी डोळ्याने पाहिलेल्या सामाजिक परिस्थितीला स्मरुन आमचा 'आरक्षणाला पाठिंबा आहे', अर्थात जर त्यात 'आर्थिक परिस्थितीची अट' जरुर लावावी अशी आमची आग्रही मागणी असेल.

पण संपुर्णच जात वगैरे रद्द करुन व सर्वांनाच सध्या 'एकाच तागड्यात तोलुन' असामान व असमतोल अशा स्पर्धेत ढकलणे आमच्या मनास पटत नाही, हे अमानुष होईल.
अजुन काही काळ आरक्षणाचा फायदा दिला जावा असे वाटते जर तुम्हाला 'सर्वांचाच विकास व समता' अपेक्षित असेल तर हे करणे जरुरीचे आहे.

सबब, ह्या सर्वाच्या निष्कर्षातुन मी माझे मत "पहिल्या पर्यायास " देत आहे ...

------
छोटा डॉन
आजवर ज्यांची वाहिली पालखी, भलताच त्यांचा देव होता !
उजळावा दिवा म्हणुनिया किती , मुक्या बिचार्‍या जळती वाती !

जनगणनेचीच गरज नाही असा पर्याय का दिला नाहिये ?

©º°¨¨°º© परा ©º°¨¨°º©
आमचे राज्य

गरज नाही ला मत दिले. कारण यातुन जातीय वादाचे राजकारण होणार आहे. जातीयवादाचे उच्चाटन होईल असे वाटत नाही पण ज्याला जातपात मानायची नाही त्यालाही जात नोंद होण्याची सक्ती होत असेल तर. सध्या सरकारी कागदावर इच्छा असो वा नसो जातीची नोंद होतेच. शाळेत जातीची नोंद होतेच. जात मानण्यास नकार देणार्‍यांची अजात अशी वेगळी जात नोंदली होती असे वाचल्याचे स्मरते.
प्रकाश घाटपांडे
आमच्या जालनिशीत जरुर डोकवा.

विद्या,सत्ता,संपत्ती याच्यापासून मागासवर्गीयांना वर्णजातीव्यवस्थेने वंचीत ठेवले त्याचाबी इचार करा पाह्यजेन का नाय ?

जरुर करा. त्यासाठी या सगळ्या पुढारलेल्या जातींना १००० वर्षे शिक्षणापासून वंचित ठेवा, सरकारी नोकरी देऊच नका. अशी परिस्थिती निर्माण करा के ते सगळे देश सोडून परागंदा होतील. मग या देशांत कसे आबादीआबाद होईल.

em>हर शख्सको अपना बनाके देख लिया
मिलेंगे ना किसीसे ये दिलमें ठानी है|

जातीनिहाय जनगणनेची गरज नाय.
या पर्यायाला मत दिले आहे...
विविधतेत एकता असलेला हा आपला देश आहे आणि आपले राजकारणी फक्त आणि फक्त सत्ता उपभोगण्यासाठी असल्या पद्धतींचा वापर करत आहेत...
हे खालचं वाक्य नेहमी लक्षात ठेवण्या सारख आहे...
By uniting we stand, by dividing we fall.
John Dickinson

मदनबाण.....

Jealousy is nothing more than a fear of abandonment.

ही वाक्ये भाबडेपणातून आली आहेत की वास्तव नाकारण्याच्या चतुराईतून आली आहेत हे ठरवता येत नाहीये.

हा भेदभाव जातीभेदापेक्षा वेगळा आहे.

जातीनिहाय जनगणनेची गरज हाये या पर्यायाला मत देत आहे. मागासलेपणात आणि गरीबीत भारतात तरी मोठ्ठा वाटा जातीभेदांचा आहे.

त्या जातिगटांच्या उन्नतीसाठी जे कार्यक्रम राबवायचे त्यांची संख्या किती हे कळल्याशिवाय किती प्रमाणात कार्यक्रम राबवायचे, किती प्रमाणात आर्थिक तरतूद करावी लागेल हे कसे कळायचे?

नितिन थत्ते

बेटी व्यवहार सोडल्यास रोजच्या व्यवहारात जात काहि प्रमाणात हद्दपार होत असताना पुन्हा जातीआधारीत राजकारण जोर काढू नये म्हणून (दुसरी बाजु ऐकली नसतानाही) "जातीनिहाय जनगणनेची गरज नाय." असे मत देत आहे.

खरंतर, कौल इथे टाकून फारसं काहिच हाती लागणार नाहि. जातिनिहाय वर्गीकृत समाजाने प्रतिनिधित्त्व मिसळपाववर नाहि.

ऋषिकेश
------------------
इथे दुसर्‍यांच्या ब्लॉगची जाहिरात करून मिळेल. योग्य बोलीसह संपर्क साधावा.

अजून अशा लै जाती आस्सन त्यांचा आन आधुनिक जगाचा काय बी संबंध नाय. तव्हा त्याचाबी इचार व्हाया पाह्यजेन.

जातींचे, आर्थिक स्तराचे जरुर सर्वेक्षण व्हावे, पण आज आरक्षणामुळे ज्यांचा फायदा झाला आहे, शिक्षण मिळाले आहे, ते त्यांचाच जातीतील ज्यांना गरज आहे अशा गरजुंना आरक्षणाचा फायदा होउ देणार का? याचा देखील विचार करावा. अन्यथा ती गणना एक राजकीय खेळी होईल व असे गरजु आरक्षण असुन सुध्दा त्याचा फायदा घेउ शकणार नाहीत

आम्ही वाजंत्री कृतिपेक्षा तोंड वाजवणे योग्य समजतो

विद्या,सत्ता,संपत्ती याच्यापासून मागासवर्गीयांना वर्णजातीव्यवस्थेने वंचीत ठेवले त्याचाबी इचार करा पाह्यजेन का नाय ?
आरक्षण ही गोष्ट येनारच त्याच्यामधी काय शंकाच नाय.

उदाहरण सांगतो. कोणाची मागणी नसतांना राजर्षी शाहू महाराजांनी जव्हा आरक्षण द्याचं ठरवलं तव्हा इथं लय विरोध झाला व्हता.

लो.टीळकायनीबी विरोध करणार्‍याची बाजू घेतली होती. पारंपरिक शोषण पुढं घेऊन जाचा त्यो एक मार्ग व्हता. असं म्हणन्याशिवाय इलाज नाय.
पर होणारा सामाजिक अन्याय राजर्षी शाहू महाराजांना स्वस्थ बसू देत नव्हता. एवढीच गोष्ट त्यातली खरी हाय. पण आता तशी जातीव्यवस्था उरली नाय, तव्हा ही भानगड नको ह्यो मुद्दा कोणालाबी पटन अस्संबी वाटतं. पर अजून अशा लै जाती आस्सन त्यांचा आन आधुनिक जगाचा काय बी संबंध नाय. तव्हा त्याचाबी इचार व्हाया पाह्यजेन. जाऊंद्या चर्चा आरक्षणाकडे जाईन म्हून थांबतो.

बाबुराव

अजिबात नाही.
मग ह्या निमित्ताने पुन्हा एकदा आरक्षण आरक्षण असे खेळता येईल भारतीय जनतेला.
बास झाले हे जात पात.
खरतर समान नागरी कायदा लागू करावा.
माझे एक मत आहे : सर्वांचे आडनावच काढून टाकावे, निदान सगळ्यांची एक भारतीय म्हणून तरी ओळख होईल.
नाहीतरी जगात असे किती तरी देश आहेत कि जिथली लोक विना आडनाव राहतात.
जर हा एकच रोग मिटला गेला तर त्यामुळे कितीतरी रोग नाहीसे होतील.
भारतासाठी जातीयवाद हा एक कर्करोग आहे. दिवसेंदिवस संपूर्ण पोखरून काढत आहे.
भारतीय म्हणून कोणाची ओळखच नाही.
(मी मराठी , तू मुसलमान/बिहारी/कोंगाडी) हे असा किती दिवस चालणार ?